Resultado: SD
PILOÑO 0 – 1 SCD MALPICA
SD PILOÑO: Javier; Santi, Dani, Álex, Quique, (Moncho, 89), Vilariño, Jano, (Sergio,
65), Iván Fernández, Brian, Juan, Marcos, (Ignacio, 59).
SCD
MALPICA: Pombo; Adrián, Mario Casal, (Eloy Cabeza, 82), Alemán, David Castro, Andrés,
(Abel, 60), Neucha, (Juan Carlos, 55), Cheo, ©, Óscar Suárez, (Martín Maradona,
69), Ismael, Fernando Varela.
Árbitro: Sr. José Luis Fernández Froiz.- (1ª Aut..-Santiago). Regular, tirando a
caseiro.
Asistentes: Sres. Fernández Montouto e Iglesias Penela.-(1ª Aut.-Santiago). Correctos.
Goleadores: 0-1, m. 90: Roubo de balón no centro do campo por mediación de Ismael, este envía sobre Eloy Cabeza, que envía un centro moi pechado, rexeita en curto a defensa local, o “coiro”
queda morto na área pequena e, ALEMÁN, moi oportuno empurra coa biqueira da
bota a rede.
Ambiente e Incidencias: Preto de 115 seareiros nas bancadas de “O Carballón”. Tarde nubrada e fría,
con 7º de temperatura. Non houbo expulsados nin mancados.
Xogadas de perigo da SD
Piloño: Partido nivelado na primeira parte, cunha
única ocasión de perigo por parte local no m.
27 por medio de Brian, o cal recolleu un pase dun compañeiro, plántase ante
Pombo e, o seu tiro a bocaxarro abórtao o porteiro malpicán na súa perfecta
saída.
Xogadas de perigo da SCD
Malpica: A SCD Malpica, que levou
a iniciativa en toda a segunda parte, ademais do gol, tivo unha gran
oportunidade de adiantarse no marcador no m. 5, nun saque de banda en longo de
Cheo a cabeza de Neucha, pero o testarazo deste, desvíao o porteiro local
Javier a saque de curruncho nunha gran intervención. Tamén gozaron de ocasións clarísimas, Fernando Varela, man a man con Javier e Martín Maradona, só igualmente ante Javier e ademias con Juan Carlos, desmarcado que seguía a xogada.
Comentario: Continúa a
imbatibilidade da SCD Malpica nesta segunda volta da liga, e son xa 6 xornadas;
esta tarde foi quen de conseguir merecidamente os tres puntos ante un correoso
Piloño, é verdade, que a vitoria conseguiuse inextremis no m. 90, pero os
malpicáns levaron sempre a iniciativa no xogo, os locais, só aguantaron algo na
primeira parte, pero na segunda, mantívose sempre pechada atrás, estrelándose
sempre contra os defensores os ataques dos homes de David Baña.
Ao final chegaron os tres puntos que, co empate do Arzúa en Sigueiro,
permítenlle a SCD Malpica recortarlle distancias aos arzuáns, que so quedan a
tres puntos.
ALEMÁN, autor do gol en Piloño.-
A Foto da xogada, foi cedida por Wasi-Calvo.-
Resultado: CORCOESTO
5 –0 MALPICA
Árbitro: Sr.
IVÁN.- Ben
Goleadores: 1-0, m. 21: Rober. 2-1, m. 29: Jesús Rama. 3-0, m. 66: Rober.
4-0, m. 67: Cano.
5-0, m. 71: Víctor.
Comentario: Nunha mañá
primaveral, o “líder” Corcoesto, vapuleou a un Malpica de veteranos, con moitas
ausencias nas súas ringleiras. Os malpicáns, con ta só once efectivos, só aguantaron
media hora, tendo neste tempo algún ha que outra ocasión, caso de Abel, pero
logo o Corcoesto con moita mais xuventude deuse un paseo de goles.
1ª Autonómica Xuvenil – 2ª Fase – 2ª xornada:
Resultado: CF
DUMBRÍA 8 – 0 SCD MALPICA
CF DUMBRÍA: Couto; Duarte,
Roberto, (Portu,75), Cabana, Jano, (Oli,75), Lucas, (Yeray,61), Martín, (Maikel,58),
Adrián Alcaina, © Marcote, (Charly, 71), Pablo, Javi.
SCD
MALPICA: Manuel; Jorge, (David,46), Víctor Novo, © Canario, Steven, (Brais, 61), Mouri,
(Chols,76), Guille, Almeida, Pitís, Eloy, Kevin, (Plejo, 80).
Árbitro: Sr. Aitor Prieto Rodríguez.- (1ª Aut.- A Coruña). Moi ben.
Goleadores: 1-0, m. 2: MARCOTE, realiza unha bonita xogada
individual e marca a porta baleira despois de regatear a Manuel. 2-0, m. 7: Martín envía un pase entre
liñas sobre MARCOTE, que bate a Manuel dende cerca. 3-0,
m. 51: internada do lateral Duarte cun centro ao punto de penalti, e remate
inapelable de MARTÍN. 4-0, m. 65: MARCOTE, aproveita un erro
defensivo para bater a Manuel. 5-0, m.
66: nada mais sacar de centro, unha colada por velocidade de MAIKEL, dentro da área acaba
cun tiro cruzado ao que Manuel non chega. 6-0,
m. 74: xogada individual de JAVI, que resolve cun tiro cruzado. 7-0,
m. 84: JAVI, recibe na meda lúa e bate ao porteiro malpicán de tiro pegado ao poste. 8-0, m. 90: Canario, pugna no vértice
da área con Adrián Alcaina, este róuballe o “coiro” centra atrás sobre MAIKEL, que empalma a rede.
Ambiente e incidencias: Uns 60 seareiros nas bancadas, aguantado o frío a chuvia e a neve con 5º de
temperatura. Os malpicáns Jorge, cun pinchazo nunha perna e Steven con posible rotura
dun nocello, tiveron que saír mancados.
Xogadas perigosas da CF
Dumbría: M. 23: Martín, a pase de Marcote, tira alto cando se atopaba só dentro da área
pequena. M. 32: tiro lambendo o
poste dereito de Javi, tras xogada
individual. M. 47: tiro ao
traveseiro de Marcote. M. 64:
Canario, salva baixo paus un tiro de Javi.
Xogadas perigosas da SCD
Malpica: M. 16: internada por banda dereita de Eloy, que acaba cun tiro frouxo a lateral
da rede. M. 19: combinación entre
Eloy e Pitís, con remate deste último alto. M. 36: internada de Kevin por velocidade pola banda esquerda,
consigue centrar ante o desmarque de Eloy, pero este erra lamentablemente o
remate cando se atopaba só ante o porteiro local Couto.
Comentario: Trala excelente
vitoria a semana pasada sobre un campión de grupo (Cabana SD), tocaba visitar
ao outro campión de grupo o CF Dumbría, este, demostrou ser un equipo compacto
e con moito fútbol que dobregou merecidamente a unha mermada SCD Malpica, que acusou
en exceso a baixa do medio centro Diego e as lesións durante o partido de Jorge
e Steven, o equipo, a pesar de loitar o indicible, acabou naufragando na “neve”
e no encharcado campo do “Conco”.
AGORA E
SEMPRE COA SCD MALPICA!
