Libros

Libros
Page copy protected against web site content infringement by Copyscape

miércoles, 30 de abril de 2014

Previa dos dezaseisavos de final da "Copa da Costa" (volta):



“LI” Edición da “Copa da Costa” afeccionados, Dezaseisavos de Final (volta):
Campo             :           “Pedra Queimada, 100 x 60”      (Malpica)
Equipos           :           SCD MALPICA    UD CARNOTA
Data e hora      :           Xoves: 01-05-14, 18:00 horas  
Árbitro :           :           Sr. Bruno Méndez Castro.(Pref. Aut.- A Coruña).
Asistentes        :           Sres. .------
Logo do tremendo revés e decepción sufrido o pasado domingo ante o C.S.D Arzúa, na que os futbolistas, corpo técnico e por suposto os afeccionados quedaron moi tocados psicoloxicamente, a SCD Malpica, afronta noutra competición distinta, e na que aínda se pode conseguir bos froitos, pero para elo hai que deixar aparcada momentaneamente a liga e centrarse vivamente na “COPA DA COSTA”, competición de moi gratos e cercanos  recordos para o club malpicán, pois aínda este fresca a final xogada na campaña pasada.
Así que, hai que levantar esa moral e centrarse no partido de volta contra á UD Carnota; un equipo que chega a “Pedra Queimada” ferido polo resultado adverso da ida, pero que a falta de dúas xornadas para o termino da súa liga esta clasificado libre de apuros na zona media da táboa e virá a vender cara a súa derrota.
Así pois, hai que insistirlle a todo plantel da SCD Malpica, incluídos técnicos e xunta directiva que, tal como esta o desarroio da competición é moi doado chegar lonxe, pero para elo, hai que levantar o ánimo e centrase neste partido coma se fora a final, e nada de saír relaxados, para non encaixar un gol nos primeiros minutos que dificultaría a remontada. Ánimo e a gañar.
Marcador do partido de ida:
17-04-14: UD CARNOTA  0–1 SCD MALPICA           (Goles: 0-1, m. 64: Abel).  
                                                                                          Formación da SCD Malpica en Carnota.-


AGORA E SEMPRE COA SCD MALPICA!








Plantel da UD Carnota na ida (0-1)


Abel, goleador malpicán en Carnota.-

martes, 29 de abril de 2014

Táboas dos goleadores da 2ª Aut. "Liga da Costa" e 1ª Aut. equipos costeiros:

Imos por orde de categorías, na 1ª Autonónica, dos conxuntos "costeiros" que nela participan, a táboa non sofre alteración, posto que tan só se conseguiron 6 goles e, o único que mellora a anterior é o camariñan Brais Triñáns que alcanza os 10 tantos, os demaqis seguen como estaban, cun veterano Óscar Suárez, que, cos seus anos, mantense na privilexiada posición, case inalcanzable polos seus mais mozos perseguidores.

Na segunda Autonómica "Liga da Costa", mellora Raúl, cun gol mais, mentres quedan estancados os seus perseguidores, David Blanco, (este leva varias xornadas sen xogar) Lucas e Juan Chans, avanzan algo Aitor, Alejo, Iván Rojo e Charro, pero xa moi distanciados a falta de dúas xornadas.

Así están as clasificacións:


AGORA E SEMPRE COA SCD MALPICA!

sábado, 26 de abril de 2014

Crónica do partido SCD Malpica-C.S.D Arzúa:



Resultado:       SCD MALPICA    0 – 5    C. S. D ARZÚA    
SCD MALPICA:   Pombo; Adrián, Manu Casal, (Mario Casal, 56), David Castro, Alemán, Fernando Varela, Juan Carlos, Cheo,(C) Abel, Ismael, (Eloy Cabeza, 5), Óscar Suárez.
C.S.D ARZÚA:     Iago; Enjamio, (C) Suso, Lucas, (Víctor, 73), Fenoy, Jony, (Rudy, 75), Esteban, Ico, (Oregón, 46), Iván, (Zequi, 69), Miguel, Albertito.
Árbitro:            Sr. Castreje Ferrío.- (1ªAut.-A Coruña). Aínda que foi moi protestado polos futbolistas e público local, a verdade é que tivo unha actuación moi aceptable.
Asistentes:       Sres. Orozco Corredoira e Pérez Gil.-(2º B e 3ª Aut..-A Coruña). Regulares, protestóuselle algunha sinalización de foras de xogo e outras que non sinalaron, sobre todo nos dous últimos goles.     
Goleadores:     0-1, m. 2: no primeiro ataque visitante un balón solto que lle chega a Albertito preto do vértice dereito da área, sorprende a Pombo cun tiro cruzado a ras do poste. 0-2, m. 49: saque de curruncho botado por Iván, que o central Fenoy, entrando dende atrás cabecea a rede.   0-3, m. 58: un balón controlado por Iván con cesión ao desmarque de Albertito, que fusila a Pombo. 0-4, m. 68:  xogada por banda dereita de Albertito, cun centro longo sobre á área para que Miguel, a pracer a envía a rede. 0-5, m. 74: Zequi, coa defensa local parada ao estimar fora de xogo do dianteiro, bate dende cerca a Pombo.
Ambiente e Incidencias:  150 seareiros presenciaron o encontro, en tarde nubrada con 16º de temperatura. Non houbo expulsados. Mancados os locais Ismael, m. 5 e Manu Casal, m. 56.    
Xogadas de perigo da SCD Malpica:   M. 8: centro chut, dende a banda esquerda de Manu Casal, que da no traveseiro de Iago, cando este estaba batido. M. 14: combinación entre Óscar Suárez, Abel, con centro deste e, o posterior testarazo de Óscar Suárez, vaise alto lambendo o traveseiro. M. 35: xogada de Juan Carlos, con pase atrás a media lúa sobre Fernando Varela, este tira forte, respondendo cunha gran parada Iago. M. 72: bonita combinación pola banda dereita entre, Cheo e Adrián, o posterior centro deste dende a liña de fondo, remátao no 1º pau Óscar Suárez, desviando a saque de curruncho o porteiro visitante Iago, noutra gran parada.
Xogadas de perigo do C.S. D Arzúa:  O que fixo conxunto arzuán foi aproveitar practicamente todas as oportunidades ao 100%, pois logo de conseguir 5 goles, que xa é bastante, os poucos tiros que tivo foron sempre ben  resoltos por Pombo. Destacamos un testarazo de Enjamio a saque de curruncho (m. 45+2) e un tiro dende fora da área de Miguel no m. 77. Tamén lle foi invalidado un gol ao dianteiro centro Iván, por claro fora de xogo, aínda que o propio futbolista protestouno.
Comentario:     Non pode enturbar, a clara derrota da SCD Malpica esta tarde fronte ao C.S.D Arzúa, toda unha tempada magnificamente pródiga en bos resultados, cunha 4ª praza excelentemente conseguida, mellorando a 7ª da tempada pasada.
O conxunto do C.S.D Arzúa, neste partido, foi claramente superior, quizais, a clave do partido foi a consecución tan cedo do primeiro gol, que lle deu alas aos visitantes e, mermou psicoloxicamente aos locais. Agora a concentrarse na competición da “Copa da Costa” e intentar igualar polo menos a actuación da pasada tempada, coa chegada a final.  

 AGORA E SEMPRE COA SCD MALPICA!


            





viernes, 25 de abril de 2014

Axenda de partidos da SCD Malpica para esta semana:



1ª Autonómica Grupo II –2ª volta - Xornada 32ª :
Campo             :           “Pedra Queimada, 100 x 60”      (Malpica)                     
Equipos           :           SCD MALPICA    C. S. D  ARZÚA  
Data e hora      :           Domingo: 27-04-14, 17:00 horas.-  
Árbitro             :          Sr. David Castreje Ferrío.-(1ª Aut.-A Coruña).
Asistentes        :           Sres. Orozco Corredoira e Pérez Gil.-(2ºB e 3ª Aut..-A Coruña).
Chégase a antepenúltima xornada de liga, e chégase, con moitas expectativas de acadar o 2º posto da táboa que da opción a disputar a promoción de ascenso a Preferente Autonómica.
Tres son os equipos que aspiran a conseguir dito posto: SD Villestro, C.S.D Arzúa e SCD Malpica, os dous primeiros empatados a 63 puntos e o equipo malpicán con 61.
Coa visita do C.S.D Arzúa a “Pedra Queimada” o vindeiro domingo, ten á SCD Malpica, a oportunidade de adiantar aos arzuáns e logo a falta de dúas xornadas depender de si mesmo para alcanzar o tan ansiado 2º posto cun calendario favorable, pois recibirá ao Bertamiráns “B” e viaxará a Ponteceso, co equipo local descendido. A SD Villestro, ten un duro rival na última xornada recibindo ao campión CF Noia.
Así as cousas, á SCD Malpica para manter vivas as esperanzas, ten que vencer o domingo ao C.S.D Arzúa, equipo que fixo unha gran tempada mantendo unha regularidade encomiable e só afrouxou algo nas últimas xornadas. Gañou, 19 partidos, empatou 6 e perdeu 6, acredita 52 goles a favor e tan só recibiu 27, nas 31 xornadas disputadas.
O corpo técnico e os futbolistas da SCD Malpica, saben o que se xogan, esperan atopar moitas dificultades, pero están concentrados e ilusionados ao máximo para sacar o partido adiante coa axuda da afección, que acudirá en masa a “Pedra Queimada” para animar ao seu equipo a conseguila vitoria.
Noutro orde de cousas e moi agradables, destacar a incorporación definitiva aos adestramentos do bravo defensa da SCD Malpica, DANI GARCÍA, logo de sete meses no dique seco, tras dúas operacións dun nocello. O futbolista, mancárase, o 13-10-13, fronte ao Piloño. Desexámoslle unha rápida incorporación ao equipo.  
Resultado da primeira volta:
15-12-13: C. S. D ARZÚA   3–2   SCD MALPICA       (Goles: 0-1, Óscar Suárez. 1-1, Iván. 2-1, Miguel. 2-2, Óscar Suárez. 3-2, Zequi).
 Equipos da SCD Malpica e C.S.D Arzúa, no seu enfrontamento da 1ª volta.

AGORA E SEMPRE COA SCD MALPICA!

Crónica do partido de xuvenís da SCD Malpica:



IX edición da “Copa da Costa” Xuvenil, Oitavos de Final - Volta:
Resultado:       SCD MALPICA   2–1   SD FISTERRA   
SCD MALPICA:  Steven; Víctor Novo, (Brais,86), Canario, (C) Jorge, David, Mouri, Petís, Guille, Almeida, Eloy, Kevin.
SD FISTERRA:    Ángel; (C) Javi, Josema, Noé, Rubén, Breixo, Jóse, Gabi dos Golpes, (Dani, 86), Abel, Adrián, (Manute, 46), Benlloch, (Gabi da Anchoa, 86).
Árbitro:            Sr. Pardiñas García.- (2ª Auto..-A Coruña). A súa actuación habería que catalogala de boa, senón fora unha grave lagoa no sinalamento do libre indirecto dentro da área favorable aos fisterráns (m.18) que ocasionou o seu gol. Foi un balón controlado polo central malpicán Jorge, que cando se dispuña a rexeitalo, o porteiro Steven arrebatoullo dos pes pola proximidade dun dianteiro, o Sr. Pardiñas estimou cesión (?). Esta xogada puido ser decisiva na eliminatoria. Con anterioridade m. 5, si houbo unha cesión de Noé ao seu porteiro cortando un perigoso centro de V. Novo, que ía rematar Eloy.
Goleadores:     0-1, m. 18: A xogada reseñada na labor arbitral, o colexiado estima cesión de Jorge a Steven, moi próximo a área pequena, o encargado de lanzala é Noé, coa barreira malpicán debaixo dos paus, o fisterrán, despois de tocarlle Abel, dispara a gol de tiro raso entrando na portería logo de tocar nas pernas da barreira.     1-1, m. 43: saque de curruncho botado por Eloy ao 2ª pau, aparece o central Jorge, o cal de espléndido testarazo calva o “coiro” nas mallas. 2-1, m. 50:  pase entre liñas de Eloy sobre Almeida, o cal en pugna con Rubén, bate a Ángel na súa saída.
Ambiente e incidencias:          Pouca xente na “Pedra Queimada” tan só uns 20 seguidores. Tarde, en principio soleada, logo con chuvia acabando de novo con sol. 13º de temperatura. Non houbo mancados de consideración. Expulsados, o visitante Josema (m. 47), por un escupitazo a Almeida, aínda que sin chegar a alcanzalo e, o propio Almeida (m. 90), por dobre amarela. A SCD Malpica, non contou co seu único porteiro titular por lesión, no seu lugar tivo que defender o marco o defensa Steven.        
Xogadas perigosas da SCD Malpica:   M. 5: internada por banda dereita de V. Novo, cun centro atrás onde estaba presto para o remate Eloy, pero o central Noé, corta a traxectoria do esférico cedendo ao porteiro Ángel, o árbitro non sinala nada. M. 16: internada de Eloy, pola esquerda, centra moi pechado non chegando ao remate Almeida por moi pouco. M. 28: cesión de Almeida dentro da área sobre Petís, que empalma un tiro a media altura que detén Ángel nunha gran parada. M. 33: bonita combinación entre, Almeida, Kevin, Eloy, pero este erra o remate só ante Ángel. M. 36: pase en profundidade de Eloy sobre Kevin, que tira desviado, malogrando unha clara ocasión. M. 39: outra  xogada de V. Novo por banda cun centro a Eloy, que tira alto. M. 80: gran xogada de Kevin, dende campo propio salvando contrarios por velocidade, pero no man a man con Ángel, este evita o gol desviando o intento de vaselina.
Xogadas perigosas da SD Fisterra: M. 19: tiro de Abel a boca xerro, rexeitando Steven cos pes. M. 56: saque de falta de Rubén a cabeza de Abel, pero o “coiro” atopa as manoplas de Steven que o manda ao traveseiro. M. 65: o improvisado porteiro Steven, realiza dúas paradas cos pes a tiros de Abel e Benlloch,  M. 67: Benlloch, só ante Steven, cruza demasiado saíndo o “coiro” a ras do poste. M. 84: un gran pase de Rubén, deixa só a Manute ante Steven, pero o esférico vaise fora.
Comentario:     Acabou a competición para os xuvenís malpicáns desta tempada, e acabou con mais pena que gloria, pois non foron quen de levantar un eliminatoria fronte a un equipo que xogou con dez case toda segunda parte. Os rapaces malpicáns, estiveron durante todo partido demasiado acelerados e con moita ansiedade de darlle volta a eliminatoria, actuando con exceso de individualismo, que, a pesar delo crearon numerosas ocasións de gol, pero para súa desgraza nesta ocasión non frutificaron   . A SD Fisterra, veu a nadar e gardar a roupa, pois coa vantaxe conseguida no partido de ida e, ante a inoperancia esta tarde dos xuvenís locais, conseguiron o seu propósito de pasar a cuartos.


 AGORA E SEMPRE COA SCD MALPICA!