Resultado: SCD
MALPICA 2 – 1 BERTAMIRÁNS CF “B”
SCD
MALPICA: Abraham; Mario Casal, Adrián, David Castro, Alemán, Andrés, (Petís,
xuvenil, 46), Fernando Varela, Juan Carlos, Abel, (Eloy, xuvenil, 76), Eloy
Cabeza, Óscar Suárez, (V. Novo, xuvenil, 87).
BERTAMIRÁNS
CF “B”: David; Óscar, Raúl, xuvenil, (Jacobo, 51), Maikel, © Germán, Julio Prol, (Carlos,
xuvenil, 71), Cacho, Yordi, Brais, (Alvite, xuvenil 62), Alberto, (Álex Pri,
54), Rober.
Árbitro: Sr. Núñez Fiúza.- (1ªAut.-A Coruña). Excelente arbitrase, axudado polo
comportamento dos futbolistas de ambos equipos.
Asistentes: Sres. Pereiro Rodguez. e Carballal García.-(3ª Aut..-A Coruña). Moi ben ambos.
Goleadores: O-1, m. 20: Saque de curruncho en curto de Rober sobre Yordi, este centra, amagan dous
futbolistas visitantes, chegándolle o “coiro “ na media lúa aos pes de Julio Prol, empalmando un tiro raso que
se cola na portería de Abraham a ras do pau dereito del. 1-1, m. 52: David Castro,
remata só no 2º pau un saque de curruncho botado por Eloy Cabeza. 2-1, m. 79: notable xogada entre o xuvenil
Petís, F. Varela, Petís, este manda entre liñas sobre Eloy
Cabeza, que bate a David, na súa saída.
Ambiente e Incidencias: Pouco público nas bancadas, tan só
80 seareiros. Tarde soleada con 22º de temperatura. Non houbo expulsados nin
mancados.
Xogadas de perigo da SCD
Malpica: M. 36: primeira chegada con perigo do conxunto malpicán a porta visitante, foi
unha internada de Juan Carlos pola banda dereita con chegada a liña de fondo
efectuando un centro chut moi pechado ao que non chega por milímetros Óscar
Suárez, saíndo o coiro a ras do poste dereito de David. M. 90+2: espléndida combinación entre Juan Carlos e Eloy Cabeza,
este abre a banda esquerda sobre o desmarque do xuvenil Eloy, este empalma un
tiro cruzado estrelándose na lateral da rede, cando xa se cantaba o gol.+T.13-14.JPG)
Xogadas de perigo do Bertamiráns
CF “B”: M. 61: o visitante Yordi, realiza unha xogada individual pola banda esquerda, plantándose
diante de Abraham, o seu tiro demasiado cruzado, sae lambendo o poste esquerdo
da portería local. M. 75: unha gran
xogada de Jacobo por banda dereita ata a liña de fondo con centro atrás,
remátao a media volta esplendidamente Álex Pri, rexeitando Abraham nunha gran
parada e posteriormente a defensa local.
Comentario: Unha SCD Malpica,
con mais acerto no remate, logrou unha sufrida vitoria ante un Bertamiráns “B”,
moi “rochoso” que loitou o indicible
para facerse co control do partido .
A loita foi constante, cos dous equipos abertos e, se non se prodigaron na
creación de moitas ocasións ante as porterías, foi motivado a que as defensas
se impuxeron as dianteiras. Con esta vitoria á SCD Malpica, rompe unha racha
negativa de tres partidos sen marcar un gol, e consolida a 4ª praza polo
momento.
XI edición da “Copa da Costa” de fútbol Veterano eliminatoria previa (Ida):
Resultado: MALPICA 2 – 1 X. BERGANTIÑOS
Árbitro: Sr. DUDA.- Actuación regular, moi presionado polas
protestas dos visitantes.
Goleadores: 1-0, m. 17: Internada de Richard, pola banda
esquerda o cal sen apenas ángulo envía un centro chut que se cola na portería
visitante polo pau curto, un gran gol moi aplaudido. 2-0, m. 68: saque de
banda sobre M. Pardo, este envía un pase entre liñas sobre o desmarque de Richard, que bate ao porteiro do Xuventude na súa
saída. 2-1, m. 80: saque de curruncho a prol dos visitantes
que o goleador Diego, sen oposición cabecea
a rede de Nacho.
Comentario: Foi unha mágoa
ese gol en contra a falta de 10 m. pois os veteranos malpicáns tiñan ben
encamiñada a vitoria con renda de dous goles ante todo un primeira división. De
todos os xeitos os malpicáns non descartan facer valer a renda dun gol para o
partido de volta e pasar a eliminatoria.
AGORA E SEMPRE COA SCD MALPICA!
Richard, autor dos dous goles.-
