Libros

Libros
Page copy protected against web site content infringement by Copyscape

sábado, 17 de mayo de 2014

Crócnicas dos partidos desta semana da SCD Malpica:



“LI” edición da “Copa da Costa” Oitavos de final - Ida:
Resultado:         S D FISTERRA   0–2   SCD MALPICA   
SD FISTERRA:    Joselu; Dani, Munitis, Julito, Breixo, Sergio Manín, Guardiola, © (Gabi, 84), Noé, (Adrián, 68), Huete, (Javi, 82), Mario, (Gabi Golpes, 74), Manuel Cartamil.                
SCD MALPICA:   Abraham; Mario Casal, Adrián, Alemán, David Castro, Fernando Varela, Eloy Cabeza, Juan Carlos, Abel, (David, 84, xuvenil), Eloy, xuvenil, (Cheo, 64), Óscar Suárez.
Árbitro:            Sr. Zas Vázquez.- (1ª Aut.- A Coruña). Actuación irregular. 1ª parte perfecta. Na 2º, complicouse. No viu un clamoroso penalti do local Julito a Cheo, m. 73.
Asistentes:       Sres.-----                       
Goleadores:     0-1, m. 4: saque de curruncho de Eloy Cabeza, ao segundo pau, con remate impecable coa testa de Óscar Suárez. 0-2, m. 86: saque de banda de Cheo, en longo sobre a área local, o “coiro” cáelle aos pes de Eloy Cabeza, que desvía oportunamente ao rede de Joselu.                                
Ambiente e incidencias:  65 seareiros nas bancadas de “Arasolis”, nunha tarde soleada con 28º de temperatura, que invitaba mais a praia ca o fútbol. Non houbo mancados nin expulsados.
Xogadas perigosas da SD Fisterra:     Salvo en xogadas illadas a balón parado ou bombeados, a SD Fisterra, non chegou nunca con perigo a portería de Abraham, en todo partido. O porteiro malpicán, só se limitou a deter ou rexeitar as cesións dos seus defensas.
Xogadas perigosas SCD Malpica: Pola súa banda os malpicáns, que xogaron bastante cómodos, puideron aumentar a vantaxe de goles nas seguintes: M. 3: falta directa a un metro da media lúa executada por Eloy Cabeza, que, tras pegar na barreira, sae lambendo o poste esquerdo de Joselu. M. 38: tras un saque de curruncho local e rexeitado pola defensa malpicán, o “coiro” chégalle a Juan Carlos que, en rápido contraataque, dóbralle Adrián pola banda esquerda, que recibe, plántase ante Joselu, algo escorado e o porteiro local rexeita con moitos apuros por dúas veces. M. 54: Juan Carlos mete un gran pase entre liñas sobre o desmarque do xuvenil Eloy, pero este só ante Joselu, cruza en demasía saíndo fora. M. 55: unha combinación pola banda esquerda entre Abel, Adrián, Abel, este entra na área e, no man a man con Joselu, o porteiro rexeita cos pes o primeiro tiro, o “coiro” chégalle de novo ao dianteiro que volve a tirar, salvando baixo paus Breixo, rexeitando ao traveseiro. M. 59: formidable volea  dende campo propio de Eloy Cabeza, vendo a Joselu adiantado, o “coiro” tras dar na escuadra da portería sae rexeitado a fora de banda. M. 73: Juan Carlos, mete en profundidade sobre o desmarque de Cheo, este marcha por velocidade de dous contrarios e, cando se dispuña a bater a Joselu é derrubado por detrás por Julito, chegando o “coiro” mansamente as mans do porteiro local, o sr. Zas Vázquez, manda continuar o xogo.
Comentario:     Partido cómodo para a unha mermada de efectivos SCD Malpica, ante unha SD Fisterra igualmente con varias baixas, aínda que hoxe por hoxe aos malpicáns nótaselle a diferenza de categoría. O partido disputouse cun ritmo medio - baixo, quizais debido a alta temperatura (28º)   , onde o conxunto visitante foi sempre superior creando maior numero de ocasións. A eliminatoria queda encamiñada de cara á SCD Malpica.




Guardiola, Sr. Zas Vázquez e David  Castro.
 
AGORA E SEMPRE COA SCD MALPICA!





XI edición da “Copa da Costa” de fútbol Veterano Oitavos de Final (Ida):
Resultado:       DUMBRÍA   5 – 2   MALPICA  
Árbitro:            Sr. Casti.- Ben en liñas xerais.
Goleadores:     0-1, m. 22: Fran, en xogada persoal. 1-1, m. 38: Javier Liñes, a saída dun saque de curruncho, despois de varios rexeites. 2-1, m. 40: Suárez Martínez. (descanso). 3-1, m. 47: Suárez Martínez, logo dun erro defensivo visitante. 4-1, m. 60: M. Pardo, déixase roubar a carteira por Lema Traba, vaise só e bate a Nacho. 4-2, m. 75: penalti do porteiro a Carlos Pose, Manu Pardo, transfórmao. 5-2, m. 90: novo erro defensivo, que aproveita Suárez Martínez, para bater a Nacho dende cerca.  
Comentario:     Os veteranos malpicáns chegaron a Dumbría algo mermados en defensa e con este hándicap, pelexaron contra o acerto dos dianteiros dumbrieses, Suárez Martínez, con un hat-trick, aproveitouse de tal circunstancia.  

MARCADORES "COPA COSTA" AFECCIONADOS E FINAL COPA DA COSTA XUVENIL:

O CF Dumbría Xuvenil, proclamouse brillante campión da "copa da costa" xuvenil, ao vencer esta tarde no campo "Municipal de Vimianzo" ao CF Corme, un rival moi digno que vendeu moi cara a súa derrota.
O partido foi moi igualado como demostra o mínimo tanteo acadado,os preto de 400 seareiros (a maior parte de Corme), disfrutaron co xogo desplegado por ambos equipos.






Formación do CF Corme na final.-









Formación do CF Dumbría na final.-