IV edición
da 1ª Autonómica, Grupo II – (2ª volta) – 18ª Xornada:
Resultado: SD CARCACÍA 4 – 0 SCD MALPICA
SD CARCACÍA: Poli; Grela, Marcos, Kiko, Pablo Tourís, Barreiro, (Pablo Lorenzo, 49), Isma,
(Alberto, 78), Toño, (Rafa, 70), Teiga, Juan ©, Carlos, (Chino, 56).
SCD MALPICA: ; Víctor; Kike, Roi
Carril, Moscoso, Casais, Eme, Vitalie, (Carlos Mallo,46), Sergio, M. Mara, Jaco,
Petís,
Árbitro: Sr. Castro Liñares.-(1ª Aut.- Santiago). Moi ben.
Asistentes: Sres. Queija Pérez e Martínez Sequedo.-(2ª Aut.- Santiago). Abusaron de
erguer a bandeirola con algún erro nos foras de xogo.
 |
Goleadores: 1-0, m. 24: saque longo de portería que
colle adiantada a defensa malpicán, Teiga,
en posición de interior esquerdo, gáñalle a espalda, encara a Víctor, este
vacila na saída, e o dianteiro de tiro frouxiño, incrusta o “coiro” na portería
que queda freada xusto uns centímetros da liña de meta. 2-0, m. 62: saque de falta
lateral botada por Pablo Lorenzo, rexeita en curto coa testa Kike, o “coiro”
cáelle a Teiga na media lúa, que empalma un
tiro a escuadra. 3-0, m. 87: Chino, en pugna con Moscoso, inicia na liña de
medios unha internada, o “coiro” queda freado na auga, xa dentro da área,
prodúcese unha liorta, pero o dianteiro local moi bullidor, acaba introducindo finalmente o balón na porta de Víctor. 4-0, m.
90: un balón que ben rexeitado das pernas de Carlos Mallo, chégalle aos pes
de Chino, constituído en extremo dereito, na
zona do campo con mais auga, o dianteiro agarra un tiro raso cruzado dende 25 metros, que se cola a ras do
poste de Víctor, a pesar da estirada deste por evitalo.
Ambiente e incidencias: 70 valentes seareiros nas bancadas, que desafiaron unha tarde de intensa
chuvia e 9º de temperatura. Campo de terra totalmente encharcado. Expulsado por
dobre amarela o local Teiga, (m. 68). Non houbo mancados. Debutou na SCD
Malpica, Jaco, causando moi boa impresión.
Xogadas de perigo da SD
Carcacía: Os futbolistas locais a parte dos goles, curiosamente con
dez homes, só acosaron con perigo a portería de Víctor nos últimos (do 81 ao
93) e no que ademais conseguiron dous goles. M. 81: logo dun saque de curruncho, Rafa e Chino, estórbanse
mutuamente e non acertan a introducir o “coiro” na portería, cando a tiñan toda
libre para eles. M. 83: en pleno
desconcerto visitante, Alberto, agarra un empalme a escuadra que detén moi ben
Víctor. M. 86: un pase en
profundidade sobre Alberto, non acerta no rexeite o defensa esquerdo malpicán,
o dianteiro só ante Víctor, tira desviado.
Xogadas de perigo da SCD
Malpica: M. 16: libre directo executado por Jaco, o porteiro local Poli, rexeita con
dificultades, recolle Petís e, tira a porta baleira, pero aparece o defensa
Kiko, salvando o gol. M. 32: saque de curruncho executado por Jaco, rexeita
a defensa o “coiro” chégalle de novo ao malpicán, o cal, despois duns quebros
e, dende o vértice da área, lanza un tiro cruzado que se vai lambendo o poste
esquerdo. M. 48: Roi Carril, recibe
un pase entre liñas de Jaco, encara a Poli, xa dentro da área en lugar de
tirar, abre sobre Casais, desperdiciando unha clara ocasión. M. 89: en xogada calcada á anterior,
Roi Carril, desta vez opta por tirar a porta despois de salvar a saída de Poli,
pero a auga, frea o “coiro” antes de que traspase a liña de gol, logo marca
Petís, pero o colexiado invalida o tanto a instancia do asistente. (?).
Comentario: Xornada negativa da
SCD Malpica, naufragando no río “Mirarríos”
que esta tarde levaba auga en abundancia, nin o debut dun excelente Jaco, permitiu que os dianteiros
malpicáns acertasen ante a portería, urxe
unha rápida reacción dos dirixentes. O Carcacía, colista da categoría, conseguiu
golear, debido a que os seus futbolistas tiveron mais fe e acerto, e, sobre
todo mellor planteamento no terreo de xogo.
XIII Edición
da “Liga da Costa” de Fútbol Veterano–(1ª Volta)- 15ª Xornada:
Resultado: UD
CERQUEDA 0 – 4 MALPICA
Aliñación do Malpica: Juan; Chucho, Alfredo, Alb. Carballo, Alb.
Coruña; J.L. Arcay,Alb. Barizo, Marco, Luís Naya; Marcelino, Ban Ban. Tamén
xogaron: Leo, Bugallo.
Árbitro: Sr. Casti.- Estivo aceptable. Expulsou
a Mútiu, de paisano no banquiño por protestar.
Goleadores: 0-1, m. 18: Ban Ban, tras recibir un pase en profundidade salvando a saída do
porteiro local. 0-2, m. 34: Marcelino, de testarazo impecable a saída dun saque de
curruncho. 0-3, m. 65: Ban Ban, internada por
velocidade deixando atrás aos defensas plántase ante o porteiro e báteo de tiro
raso. 0-4, m. 84: Alb. Coruña, dun lanzamento de falta directa.
Incidencias: Maña nubrada en sen chuvia en “Xaviña”
Comentario: A pesares de contar só con 13 efectivos, os “rapaces” de Dourado,
conseguiron unha ampla e merecida vitoria ante unha voluntariosa UD Cerqueda,
aproveitando moi ben a velocidade de Ban Ban e o pundonor de todos os efectivos.
AGORA E
SEMPRE COA SCD MALPICA!
