IV edición
da 1ª Autonómica, Grupo II – (1ª volta) – 17ª Xornada:
Resultado: CORME
CF 4 – 1 SCD
MALPICA
CORME CF: Suso; Brais Torrado, Dani, Miguel Torrado, Adolfo, (Joshua, 77), Eloy, Diego,
(Sergio, 80), Adrián Doldán, (Alejandro, 83), Toniño, (Josiño, 79), Lucas, ©,
Brais.
SCD MALPICA: ; Víctor; Dímaga, (Adrián
Rei,79), Carlos Mallo, Kike, Moscoso, Eme, (Vitalie, 78), Roi Carril, Rubén,
(Sergio, 39), M. Mara, Charro, Petís,
Árbitro: Sr. Pérez Rellán, Adrián.-(1ª Aut.- A Coruña). Estivo acertado.
Asistentes: Sres. Angueira García e Amado García.-(3ª Aut.- A Coruña). Descoordinados
co árbitro.
Goleadores: 0-1, m. 28: Falta lateral dende o vértice da área que lanza Charro
cun tiro raso que entra polo pau curto na portería de Suso. 1-1, m. 31: “coiro” bombeado sen
perigo, lanzado por Diego dende a divisoria dos dous campos pegado a banda
esquerda, o porteiro malpicán Víctor, sen ninguén que o acose, intenta
agarralo, pero cólaselle entre as mans, Adrián Doldán,
que pasaba por alí, non ten mais ca empurrar a porta baleira. 2-1, m. 55: pase raso en profundidade de Miguel Torrado sobre o desmarque do
lateral Dani, o cal dende a liña de fondo, centra atrás, Diego que chegaba envarado remata só ante Víctor. 3-1, m. 71: combinación entre Lucas e Toniño fora do vértice da
área grande, este devólvelle o “coiro” a Lucas, que entra na área aínda sen
chegar ao balón, sendo zancadilleado, o claro penalti transfórmao o propio Lucas, a dereita de Víctor. 4-1, m. 82: o cadete Eloy, corta unha saída da defensa malpicán,
intérnase pola dereita e centra sobre o
punto de penalti, Josiño, libre de marca empalma
a rede.
Ambiente e incidencias: 150 seareiros nas bancadas, nunha tarde nubrada con chuvia e vento do S.O.,
con 15º de temperatura. O malpicán
Ruben, tivo que retirarse mancado no m. 39, cun forte golpe no nocello dereito. Non houbo expulsados.
Xogadas de perigo do
Corme CF: M. 5: taconazo de Toniño sobre Lucas, que tira cruzado parando Víctor. M. 45: combinación entre Toniño, Lucas
e Diego, con tiro final deste algo escorado fora. M. 58: xogada de Lucas por banda esquerda, o seu tiro cruzado,
atrápao Víctor. M. 76: Adrián Doldán
sorprende por velocidade a defensa malpicán, cede atrás sobre Toniño, salvando
moi oportuno Víctor, lanzándoselle aos pes.
Xogadas de perigo da SCD
Malpica: M. 3: bonita xogada entre M. Mara e Charro, con centro chut deste último,
que atalla Suso con dificultades. M. 53:
saque de banda de Eme sobre M. Mara, o centro deste, érrao Sergio,
entregando o “coiro” a Suso nun remate frouxo. M. 68: nova combinación por banda esquerda, entre M. Mara e Charro,
centro pechado ao primeiro pau, Petís remata fora. M. 73: pase entre liñas de Moscoso sobre Charro, este encara a
Suso, pero o seu remate ao moneco, rexéitao o porteiro local.
Comentario: Continúa a mala
racha da SCD Malpica no que a resultados se refire, esta tarde no “Cairo”, os
malpicáns coa recuperación dalgúns
mancados e a incorporación de Roi Carril, libraron unha aceptable 1ª parte,
pero!!! o dito a “can fraco todas son
pulgas”… apareceu de novo, primeiro coa lesión de Rubén e logo co despiste
de Víctor no gol do empate.
O Corme CF, na súa liña habitual, abandeirados por un Lucas sensacional cun
veterano M. Torrado atrás, que canalizan todo o fútbol cormelán, ademais teñen
gol e resolven.
AGORA E
SEMPRE COA SCD MALPICA!
