IV edición
da 1ª Autonómica, Grupo II – (2ª volta) – 19ª Xornada:
Resultado: SCD
MALPICA 2 – 3 OUTES CF
SCD MALPICA: ; Víctor; Juny, (Dímaga,
46), Casais, Kike, Moscoso, Eme, (Sergio,69), Jaco, Roi Carril, M. Mara, Jaco, Petís.
OUTES CF: Rizos; Borja, Pose,
Maroñas, (Samuel, 46), Dani, Chía, (Pablo, 70), Jorge, (Martín Caamaño, 88), David
Sampedro, Elías Ruso, Piki, (Babu, 90+3), Iago Dosil, (Adrián,90+1).
Árbitro: Sr. Belmonte Martell.-(1ª Aut.- A Coruña). Boa actuación a súa.
Asistentes: Sres.Cabido Suárez e Juncal García.-(2ª Aut.- A Coruña). Estiveron ben.
Goleadores: 0-1, m. 14: centro bombeado dende a banda dereita de Iago Dosil, Piki,
entre os dous centrais e co porteiro Víctor algo adiantado da liña de meta,
cabecea dende o punto de penalti por enriba do porteiro. 1-1, m. 30: Jaco, corta un balón no círculo central,
regatea a cantos lle saen ao paso, e, dende o vértice da área, lanza un centro
chut bombeado ao que o porteiro Rizos non chega. 1-2, m. 32: saque de banda longo de Borja, toca coa testa D.
Sampedro, cara atrás, dentro da área pequena prodúcense unha serie de tiros e
rexeites, por último, o defensa Pose
no segundo pau, acaba por introducir co peito e co brazo o “coiro” dentro da
portería. 1-3, m. 36: saque de
curruncho botado por Iago Dosil, o “coiro” chega a testa de Piki, no punto de
penalti, cedendo cara a media lúa sobre un desmarcado David
Sampedro, o cal empalma un tiro raso que estra a ras do poste
esquerdo de Víctor. 2-3, m. 80: Jaco executa un saque de curruncho, moi pechado, o
porteiro Rizos, con defensas e atacantes enriba non acerta a rexeitar, hai unha
tremenda liorta sobre a liña de meta e finalmente Roi
Carril, empurra a rede.
Ambiente e incidencias: Poucos seareiros
nas bancadas, só 70. Tarde nubrada sen chuvia pero moi fría con 9º. Non houbo
expulsados nin mancados de consideración.
Xogadas de perigo da SCD
Malpica: tras un rexeite en curto da defensa, Roi Carril, empalma un tiro raso que
fai lucir a Rizos. M. 64: tras un
saque de banda en longo de Dímaga, Cololo, agarra un disparo a media volta,
saíndo lambendo o poste esquerdo. M.
90+5: xogada dos malpicáns na liña de medios, onde Jaco cede sobre Cololo,
o cal a un metro da media lúa, empalma un tiro raso pegado ao poste dereito que
milagrosamente nun alarde de reflexos, o porteiro Rizos, envía a saque de
curruncho.
Xogadas de perigo do
Outes CF: M. 26: Piki, recibe entre liñas, plántase
ante Víctor, desviando suavemente o “coiro” cara un lado, o defensa local Kike,
salva baixo paus. M. 48: xogada
individual de D. Sampedro, en posición de interior dereito, intenta un vaselina
sobre Víctor, este recúa o suficiente para tocar o “coiro” e mandalo á cruceta
e sae fora. M. 61: de novo Víctor,
aborta un clara ocasión a tiro de D. Sampedro. M. 63: excelente parada de Víctor, aos pes de Elías Ruso. M. 68: internada de Iago Dosil, con
centro dende a banda dereita e remate de chilena de Elías Ruso, ao que responde
Víctor con outra enorme parada. M. 75:
xogada calcada á anterior, cos mesmos protagonistas con tiro a pracer de Elías
R. nova parada do porteiro local. M. 87:
outra internada de Iago Dosil, con
tiro cruzado, e volve Víctor a salvar evitando o claro gol, desta vez en dous
tempos.
Comentario: O equipo da Serra
levou sempre iniciativa, conxunto de moita envergadura e mellor plantado no
campo, marcou os tres goles co mínimo esforzo e non conseguiu mais pola gran
tarde que tivo hoxe o porteiro local Víctor. Sempre soubo nadar e gardar a
roupa. Non precisaba facer uso de
tantas marrullerías e perdas de tempo.
A SCD Malpica, coas incorporacións, (Roi, Jaco e Cololo) mellorou
anteriores actuacións, sobre todo en actitude, pero necesita conxuntarse mais para poder aspirar a
salvarse.
XIII Edición da “Liga da Costa” de Fútbol Veterano–(2ª Volta)- 16ª Xornada:
Resultado: PONIENTE
2 – 4 MALPICA
Aliñación do Malpica: Juan; Chucho, Alb. Carballo, Alfredo, Alb.
Coruña; J.L. Arcay, Alb. Barizo, Leo, Luís Naya; Marcelino, Ban Ban. Tamén
xogaron: Chaves, Wasi, Abel.
Árbitro: Sr. Gerardo.- Ben en liñas xerais, aínda
que pasou por alto un penalti sobre Marcelino.
Goleadores: 0-1, m. 55: Alfredo, de forte tiro dende 25 metros. 0-2,
m. 65: xogada de Marcelino
cun tiro bombeado dende o vértice da área que fai inútil a saída do porteiro
local. 0-3, m. 76: xogada persoal de
J.L. Arcay, que
sorprende ao porteiro local cun tiro raso a ras do poste. 1-3, m. 80: erro garrafal defensivo malpicán, que aproveita o
dianteiro local Antonio,
para bater a Juan. 1-4, m. 86: falta
directa que executa Alfredo cun tiro potente, rexeita o porteiro local, e Abel, moi oportuno tírase
en prancha cabeceando a rede. 2-4, m.
90: outro despiste defensivo malpicán, quizais confiados na vantaxe do
marcador, permítelle a Costoia,
interceptar un pase e bater a Juan.
Comentario: Partido disputado na “Nova Porta Santa” de Paiosaco, baixo un temporal de
auga e vento que desluciu moito o fútbol que intentaron practicar ambos
equipos.
Os veteranos malpicáns, con só tres trocos no banco, aguantaron co vento en
contra, as embestidas do Poniente, acabando os primeiros 45 minutos con empate
a ceros. Na segunda parte, cos locais mais cansados e o vento a favor, os de
Malpica, lograron solventar os tres puntos co acerto nos tiros e o formidable
remate en prancha do veteranísimo Abel.
AGORA E
SEMPRE COA SCD MALPICA!
