IV edición
da 1ª Autonómica, Grupo II – (1ª volta) – 5ª Xornada:
Resultado: SCD
MALPICA 1 – 3 CD BAIO
SCD MALPICA: Asier; Casais, Martín
Uru, (Carlos Mallo,83), Kike, Rubén; Eme, Eloi Vilas, © Adrián Rei, (Petís,
46), Martín Mara, Almeida, (Sergio,86), Charro.
CD BAIO: Pablo; Fachal, (Ramón,
84), Eloi, (Julián, 88), Mario, Yago; Norberto, M.C., Martín, (Rubio, 75), Cristian
Ordoñez, Moreno, Saleta, (Luisito, 63).
Árbitro: Sr. Barros Vidal, Adrián.-(1ª Aut.-A Coruña). A súa actuación sería de impecable, senón fora unha sinalización
dun fora de xogo ao malpicán Almeida, nunha cesión dun contrario, aínda que no
seu descargo cabe destacar que llo
marcou o seu asistente. De todos os xeitos estivo con nota alta.
Asistentes: Sres. Rosende Cancela e Liste Recarey.-(2ª Aut. A Coruña.-). Regulares.
Goleadores: 1-0, m. 38: oportuna intercepción dun pase aos defensas visitantes de M. Mara
na liña de medios, encara a portería acosado por tres contrarios e, dende o
punto de penalti, cruza raso ante a saída de Pablo. 1-1, m. 74: gol olímpico de M.C., o porteiro malpicán Asier, quizais
cegado polo sol, non chega ao “coiro” que acaba dentro da súa portería. 1-2, m. 77: xogada por banda esquerda
entre Moreno e Luisito, este intenta
un centro chut dende o vértice da área, o “coiro” pega no lombo do central
local Rubén,
desviando a traxectoria e introducíndose na portería de Asier, sin que este
poida facer nada. 1-3, m. 79: en
pleno acoso local en busca da igualada, hai un rexeite longo bombeado que chega a media lúa local, M.C.
gáñalle a partida a defensa e, ante a saída de Asier, envíalle unha vaselina
que o porteiro atalla en primeira estancia, pero con tan mala sorte que o “coiro”
cáelle a chumbo de novo a M.C. o cal a porta baleira non perdoa.
Ambiente e incidencias: Uns 150 seareiros nas bancadas. Tarde soleada con lixeiro vento do S.O..
Non houbo mancados nin expulsados.
Xogadas de perigo da SCD
Malpica: M. 36: xogada por banda dereita de Adrián Rei, cun tiro que toca nun contrario
facendo un estraño o “coiro” e sae lambendo o traveseiro a saque de curruncho.
Sacado este, en curto sobre Charro, este envía un centro ao 2º pau, onde entra
Eme, pero o seu testarazo, sae a ras do poste cando o gol xa se cantaba. M. 49: arrancada de M. Mara, polo
centro, abrindo sobre Petís, este centra ao segundo pau, rematando Charro, cun
tiro cruzado que Pablo salva milagrosamente. M. 56: gran xogada individual de Charro pola banda esquerda, plántase
algo escorado ante Pablo, que salva un gol seguro coa axuda do seu defensa Yago,
saíndo rexeitado o “coiro”. 
Xogadas de perigo do CD
Baio: M. 10: saque de curruncho, botado por Moreno, longo ao 2º pau, recolle M.C. só,
tira cruzado ao traveseiro. M. 29: internada
de M.C. pola esquerda en pugna con Kike, penetra na área, tira cruzado,
salvando Asier, en espectacular parada. M.
32: combinación entre Christian Ordoñez e M.C., o tiro deste último en boa
posición, sae desviado. M. 54: sorprendente
chupinazo de M.C. dende 30 metros, gran intervención de Asier. M. 73: internada polo centro de
Norberto, cun disparo dende a liña de tres cuartos ao que responde Asier cunha
gran parada.
Comentario: Tras unha primeira
parte aceptable na que a SCD Malpica, controlou ben ao CD Baio, logrando
adiantarse no marcador, chegou unha segunda, na que os baieses levaron a
iniciativa ante un contemplativo Malpica, que intentaba deixar pasar os
minutos, logo chegaron os seis minutos
fatídicos do goleador M.C. (do 74 ao 79), na que o seu cheiro goleador,
acabou coa resistencia dos malpicáns, iso si, con algo de sorte, pois o
primeiro e o segundo gol, xeralmente non soben ao marcador en circunstancias normais.
XIII Edición
da “Liga da Costa” de Fútbol Veterano–(1ª Volta)- 3ª Xornada:
Resultado: NANTÓN 2 –2 MALPICA
Aliñación do Malpica: Chaves, L. Naya, A. Carballo,
Chucho, Alfredo; Mútiu, J.L.Arcay, Leo, Washington; Marcelino,
Ban Ban,. Tamén xogaron: Luazas,
Abel.
Árbitro: Sr. Castro. Estivo ben no seu cometido.
Goleadores: 0-1, m. 16: saque de curruncho de Mútiu, rexeita en curto o porteiro local Manolito, e,
Marcelino, moi oportuno introduce o “coiro” nas
mallas. 1-1, m. 26: pase longo
bombeado por enriba da defensa malpicán, Alonso
por velocidade gáñalle a acción ao porteiro e báteo por baixo. 1-2, m. 60: gran pase de Ban Ban sobre Alfredo que viña lanzado e culmínao cun
empalme ao borde da área que Manolito nin se entera. 2-2, m. 80, arrincada de Muiño, (alcalde de Cabana) dende campo propio salvando a todos que lle
saen ao paso, o seu centro atrás dende a liña de fondo, remátao ao fondo da
rede Paco.
Incidencias: Mañá con lixeira chuvia e vento do sur que non entorpeceu o desarroio de
xogo. Non houbo mancados nin expulsados. Partido que segundo o calendario debía disputarse en
Malpica, o cal a petición do clube Nantón, alteraron á orde de campos.
Comentario:
Tres xornadas disputadas e terceiro empate consecutivo dos veteranos
malpicáns polo mesmo resultado (2-2). O
Malpica, que saíu ao campo con once xustos, debido ao despiste de algún
futbolista, que, en lugar de desprazarse a Nantón foron a “Pedra Queimada” , logo
retornaron a Nantón e puideron ser aliñados pero xa co partido na segunda
parte. A ocasión de quedarse cos tres puntos, tívoa Ban Ban no derradeiro
minuto o cal só ante Manolito, desperdiciouna
tirando por enriba do traveseiro.
AGORA E
SEMPRE COA SCD MALPICA!
