IV edición da 1ª Autonómica Grupo II –1ª volta
- Xornada 5ª:
Campo : “Pedra Queimada” (100
x 60, Malpica - herba artificial)
Equipos : SCD MALPICA – CD BAIO
Data e
hora : Domingo: 04-10-15, 16:30 horas.-
Árbitro : Sr. Barros Botana, Adrián.-(1ª Aut.-A Coruña).
Asistentes : Sres. Rosende Cancela e Liste Recarey.- (2ª Aut.-A Coruña).
Logo do extraordinario triunfo conseguido polos homes de
CHEMA RIVADULLA, no complicado campo do Lesende CF, tócalle á SCD Malpica, recibir
en campo propio ao CD Baio, equipo “decano
da costa”, que, tralo excelente
4º posto conseguido a tempada pasada, non acaba este ano de atopar o seu punto
da partida, baixo a estimable dirección do outrora goleador da “liga da costa”,
Óscar Suárez.
O C.D. Baio, chega “ferido” a campo malpicán, xa que, tras catro xornadas
disputadas, só contabiliza un punto, o
conseguido na primeira xornada fronte ao Piloño, (0-0); conta cun gol a favor e
sete en contra.
Pola súa banda, a SCD Malpica, baixo
a batuta de Chema, con nove puntos, cinco goles a favor e 4 en contra, esta a
facer un inicio da campaña espléndido, pero !ollo! non deben confiarse os futbolistas locais desta mala racha
baiés, pois como mais enriba se indica é un equipo “mal ferido”, o cal en calquera momento pode curar das súas “feridas”, recuperarse, e iniciar a
senda das vitorias, pois equipo para elo teno, xa que conta practicamente co
mesmo plantel da tempada pasada e algún reforzo deste ano. Esperemos que non
comece a súa recuperación nesta xornada e os futbolistas malpicáns, que están a
demostrar unha inmensa intensidade con rachas de bo fútbol, saiban
contrarrestar as embestidas dos Martín, MC, e Cª., e logren os tres puntos para
chegar o mais pronto posible a eses 40 puntos que dan dereito a salvación da
categoría.
Enfrontamentos coa SCD Malpica na tempada
2014/15:
02-11-14: SCD MALPICA 2 – 0
CD
BAIO (Goles: 1-0, m. 27: Mario, p. porta. 2-0, m. 30: Alemán).
08-03-15: CD BAIO 1 – 0 SCD
MALPICA (Goles: 1-0, m. 12: Brais Garrido).
XIII Edición da “Liga da Costa” de Fútbol
Veterano – 1ª Volta – Xornada 3ª:
Campo : “As Fontiñas” (105
x 66, Nantón - herba natural)
Equipos : NANTON - MALPICA
Datas e
horas : Domingo: 04-10-15, 11:00 horas
Árbitro : Sr. CASTRO.
Incidencias : Partido
que segundo o calendario debía disputarse en Malpica, pero ambos equipos de
común acordo, alteraron a orde de campo.
AGORA E SEMPRE COA SCD MALPICA!
