IV edición
da 1ª Autonómica, Grupo II – (2ª volta) – 22ª Xornada:
Resultado: CD
BAIO 4 – 1 SCD MALPICA
CD BAIO: Pollo; Yago, Luís, Portomelle, Norberto, (Saleta, 81), Luisito, MC, (Moreno,
86), Martín, © (Fachal, 80), Peque, Brais, Mario, (Christian, 80).
SCD MALPICA: Víctor; Dímaga, M. Uru, Roi Carril, Moscoso, (Petís,75), Jaco,
Álex Marquez, Cololo, M. Mara, Charro, Carlos Mallo.
Árbitro: Sr. Antonio Fuentes Seoane.-(1ª Aut.- A Coruña). Actuación
regular, nun partido de moito contacto. Sinalou penalti favorable a CD Baio a
estancia do seu asistente, estando el moi cerca da xogada, quizais por falta de
seguridade.
Asistentes: Sres.López Mantiñan e Regos Martínez.-(2ª Aut.- A Coruña). Aceptables.
Goleadores: 1-0, m.28: Yago, nunha subida por banda
recibe un pase entre profundidade, sáelle ao paso Roi Carril, pugnando ambos os
dous o futbolista local tropicase co “coiro” e cae, o colexiado que seguía a
xogada de cerca de primeiro non sinala nada, logo o seu asistente levanta a
banderola e sinala o punto de penalti, lánzao MC,
e bate a Víctor. 1-1, m. 34: o
central local Norberto, intenta saír dende atrás co “coiro” controlado, Cololo
presionalle a saída e o rexeite chégalle a Charro,
o cal ante a saída de Pollo, báteo de tiro raso. 2-1, m. 41: nunha xogada na liña de medios sen aparente perigo, Luisito, agarra un formidable tiro que sorprende a
Víctor algo adiantado . 3-1, m. 59: saque de curruncho
que executa Luís ao 2º pau, onde aparece Portomelle rematando
coa testa ao fondo da rede. 4-1, m. 78: cos
malpicáns volcados sobre a portería de Pollo, hai un pase longo de Martín,
sobre MC, só en punta, este salva a entrada de Roi
Carril, é ante a saída de Víctor, cruza ao fondo da rede.
Ambiente e incidencias: Nunha tarde de
cans e con chuvia, asistiron ao partido uns 75 seareiros. 8º de temperatura.
Non houbo mancados. Expulsado o local Brais no m.56, por dobre amarela.
Xogadas de perigo do CD
Baio: M. 24: mentres os malpicáns discutían
co colexiado, Martín saca rápido e con picardía unha falta no vértice da área
sobre MC, o centro deste remátao alto Brais, en boa posición. M. 58: xogada individual de MC, en contraataque,
con tiro perigoso final que desbarata a defensa malpicán, enviando a saque de
curruncho, sacado este ocasiona o segundo gol. 
Xogadas de perigo da SCD
Malpica: M. 20: saque de falta de Jaco, sobre
Charro, este salva ao seu par, centra sobre á área rexeitando a defensa, Carlos
Mallo, empalma alto. M. 32: a xogada
da tarde protagonizada por Jaco que envía entre liñas sobre Charro, salva a
dous contrarios encarando ao porteiro Pollo, que sae a desesperada, o dianteiro
local tira cruzado e, ante o asombro “tirios
e troianos” o “coiro” vaise a cepa de poste saíndo rexeitado ao
punto de penalti, alí recolle M. Mara, e lanza a porta baleira, salvando
milagrosamente baixo paus un defensor. M.
87: tras un saque de falta de Cololo, o “coiro”
sae rexeitado pola barreira, Roi Carril, na área pequena, anticípase ao
porteiro marca gol de testarazo cara atrás, o árbitro anula o tanto por suposta
falta ao porteiro. M. 90: xogada de
Charro por banda cun medido centro sobre a cabeza de M. Mara, o cal só e libre
de marca, envía por enriba do traveseiro.
Comentario: Tralo visto esta
tarde no “Platas Reinoso”, entre dous equipos que se entregaron ao máximo,
debido a situación de ambos na táboa , o resultado é enganoso, pois a SCD
Malpica, non mereceu saír con semellante e avultada derrota. Tras unha primeira
parte moi nivelada, con dúas xogadas clave, o penalti por parte local e o tiro
ao poste de Charro, desnivelaron a balanza.
Na segunda parte, os malpicáns, que levaron totalmente a iniciativa, acusaron
mais o desgaste físico, xa de por si moi débil, ata renderse ante un CD Baio
xogando a contra cun MC, portentoso nos contraataques.
Ao final non puido cumprirse o dito: “a
adestrador novo vitoria segura”, pero os malpicáns non se renden e
continuarán loitando mentres matematicamente queden posibilidades.
XIII Edición
da “Liga da Costa” de Fútbol Veterano–(2ª Volta)- 19ª Xornada:
Resultado: MALPICA
0 – 2 SP. SEAIA
Aliñación do Malpica: Juan; Luís Naya, Chucho,Alfredo, Alb. Coruña; J.L.
Arcay, Alb. Barizo, Leo, Abel; Ban Ban, Mútiu. Tamén xogaron:, Wasi, Luazas.
Árbitro: Sr. Juan.- Os visitantes reclamáronlle unha pena máxima,
pero estivo ben en liñas xerais.
Goleadores: 0-1, m. 84: rexeite en longo da defensa visitante, ante o acoso insistente que estaban
a sufrir por parte local, o “coiro” cae a espaldas da defensa malpicán, o
dianteiro Pablo, con velocidade
plántase ante o porteiro Juan, e báteo sen remisión. 0-2, m. 86: xogada calcada á anterior, e de novo Pablo, gañándolle
a espalda a defensa por velocidade, bate a Juan na súa saída.
Comentario: Os veteranos do Malpica mermados de efectivos, sufriron unha dolorosa
derrota ante o Sp. Seaia, “colista” da
competición.
Os malpicáns, que levaron a iniciativa durante todo o
partido, especialmente na primeira parte, cando as forzas aínda lles respondían,
logo de enviar dous tiros ao poste e traveseiro, viron, como en dous minutos
fatídicos: (84 e 86), e cando o acoso sobre a portería do Sp. Seaia era maior, o
goleador visitante Pablo, lles “virlaba”
a vitoria.
AGORA E
SEMPRE COA SCD MALPICA!
