1ª Autonómica Xuvenil – 1ª Fase – (2ª volta) 20ª xornada:
Resultado: SCD MALPICA 0 – 0
CD BAIO
SCD
MALPICA: Manuel; Jorge, Víctor Novo, Canario, © Steven, Mouri, (David 46), Eloy, Guille,
Pitís, Diego, Kevin, (Almeida, 68).
CD BAIO: Guille; Efe, Alberto, José Atº., David, Michi, Pedro, (Anxo, 62), Kevin, © Cristian
Pazos, (Xoel, 72), Oreiro, Estefan, (Alfonso, 85).
Árbitro: Sr. Borja Sánchez García.- (1ª Aut..- A Coruña). Boa actuación.
Goleadores: Non houbo goles.
Ambiente e incidencias: A entrada mais raquítica da tempada, con tan só 12 seareiros, 6 deles de
Baio. Tarde nubrada e fría con chuvia intermitente, 8º de temperatura. Non
houbo mancados. Foi expulsado por dobre amarela o local Diego, m. 80.
Xogadas perigosas da SCD
Malpica: M. 21: pase en profundidade de Diego sobre Pitís, este amaga deixando pasar o “coiro”
aos dominios de Kevin, que entra na área e só ante Guille cruza en demasía,
saído lambendo o poste. M. 26:
Pitís, pugna polo balón cun defensor dentro da área, ao que este logra rexeitar,
o “coiro” da no lombo do dianteiro local e vaise cara a portería desguarnecida
pola saída de Guille, cando se cantaba o gol, aparece José Antonio que rexeita
baixo paus. M. 28: bonita
combinación entre Pitís, Guille, Pitís, este no man a man tira fora. M. 36: medido pase de Guille sobre
Kevín, o cal despois de facer un bo control, tira cruzado fora por pouco. M. 55: Pitís, vaise do seu par, cede
sobre Kevin desmarcado que, a porta baleira tira alto.
Xogadas perigosas do CD
Baio: M. 78: un centro
pola dereita do baiés Kevin, remátao a bocaxarro Estefan, salvando Manuel moi
ben colocado o gol. M. 89: un contraataque do Baio pola
esquerda culmínao Oreiro cun gran tiro raso ao primeiro pau, salvando Manuel a
saque de curruncho nunha boa parada.
Comentario: Complicaron moito
os rapaces xuvenís da SCD Malpica, o pase a 2ª Fase de liga, ao empatar a cero
goles esta tarde na “Pedra Queimada” ante un CD Baio, que, con algo mais de
mordente no ataque poderíase levar os tres puntos.
Os malpicáns, que saíron bastante relaxados nos primeiros vinte minutos,
como se non lles fora nada no envite, espertaron algo entre os min. 21 e 45,
logrando combinar algunha xogada de mérito, pero tanto Kevin e Pitís, ambos por
dúas veces, non culminaron con acerto as súas claras ocasións.
Na segunda parte, o xogo estivo mais nivelado, aínda que os malpicáns
chegaban mais a portería defendida con moito acerto por un activo Guille, que
desbarataba unha e outra vez os tímidos
ataques dos futbolistas da SCD Malpica, que nos dos últimos partidos entraron
nunha dinámica negativa.
O CD Baio, que gustou como conxunto de toque e desmarque, apenas tirou a
gol, tan só, nos últimos minutos, cando os malpicáns xogaban con 10,
inquietaron a Manuel con dous tiros perigosos. 
AGORA E
SEMPRE COA SCD MALPICA!
