IV edición
da 1ª Autonómica, Grupo II – (1ª volta) – 2ª Xornada:
Resultado: OUTES CF 2 – 0 SCD MALPICA
OUTES CF: Rizos; Borja, Jura, Pose, (Samuel, 25), Dani Corniños, David Sampedro, (Jorge,
60), Chía, Martín Caamaño, Mario, Piki, © (Babu, 86), Veleiro, (Elías Ruso,
46).
SCD MALPICA: Asier; Dímaga, (Petís,
46), Javi Trigo, (Casais, 15), Rubén, Martín Uru, Eloy Vilas, Eme, (Víctor,
87), Adrián Rey, (Vitalie, 54), Martín Mara, Charro, Juny, (Sergio, 77).
Árbitro: Sr. Piñeiro Lugo.-(1ª Aut.-Santiago).
Estivo desconcertado en todo o partido e bastante descoordinado cos seus asistentes.
Asistentes: Sres. Silva Mella e Ramos Trigo.-( 2º Aut..-Santiago). Descentrados.
Goleadores: 1-0, m. 2: saída en tromba do equipo local forzando un saque de curruncho que bota
Veleiro, rexeite moi forzado de Eloy Vilas, cara a media lúa, onde se atopa Piki, que empalma un tiro raso esquinado
que bate a un Asier, tapado por unha nube de futbolistas, logo de desviar o “coiro”
que da no poste esquerdo e entra. 2-0, m.85: tras unha falta inexistente a tres
metros da frontal da área escorado a dereita
de Asier, Piki, bate ao porteiro
malpicán dun tiro raso nunha mal colocada barreira.
Ambiente e incidencias: Gran entrada no “Conchido”, con preto de 300 seareiros. Tarde que comezou
cunha lixeira chuvia e acabou con tempo seco aínda que nubrado. 16º de
temperatura. Abandonaron o campo mancados, os malpicáns Javi Trigo (15) e Dímaga (45). Expulsado con dobre amarela,
Casais. 
Xogadas de perigo da Outes
CF: M. 13: xogada de Veleiro, pola esquerda culminado cun tiro que detén Asier .con
apuros. M. 24: tiro de David
Sampedro, dende a media lúa lambendo o traveseiro, tras xogada individual. M. 45: David Sampedro, empalma a media
volta diante de Asier, atallando este en desesperada saída. M. 89: Asier, saca de portería dende un vértice da área, o “coiro”
cáelle aos pes de Jorge, no círculo central, ao ver a porteiro descolocado, non
o dúbida e tira sobre a portería valeira, enviando o “coiro” ao traveseiro e
saíndo fora. M. 90+2: saque de curruncho executado por
Mario, rexeita en curto a defensa e, Elías Ruso, empalma un tirazo dende dentro
da área ao que responde Asier cunha enorme parada.
Xogadas de perigo da SCD
Malpica: M. 17: Charro envía en profundidade sobre Adrián Rey, o cal só ante Rizos, e derrubado
polo defensor Pose, o colexiado non pita nada a pesar de estar enriba da
xogada, chegando o “coiro” mansamente as mans do porteiro. M. 19: gran xogada de Charro, pola banda esquerda, tras unha serie
de caneos entra na área, sendo derrubado polo seu marcador Pose, desta vez o
árbitro non ten mais remedio que sinalar penalti, o cal executado polo propio
Charro, envíao moi desviado a esquerda de Rizos. M. 57: falta directa na liña de tres cuartos, lanza Eme, moi
colocado, respondendo Rizos cunha gran parada.
Comentario: Unha serie de
contratempos negativos, cos que hai que contar, (outras veces soen ser
positivos). (Lesión de Javi Trigo nada mais comezar, logo a de Dímaga, erro no
penalti, expulsión de Casais), foron moitos elementos para que a SCD Malpica saíra
derrotada do “Conchido”. Tamén e certo que o equipo malpicán estivo bastante
romo en ataque, pero os do Outes CF, que estiveron toda a segunda parte mais
pendentes de defender que de atacar, atopáronse con dous goles a balón parado,
o segundo a cinco minutos do final que lle dou alas, desmoralizando aos
malpicáns que estaban buscando o empate.
AGORA
E SEMPRE COA SCD MALPICA
