Libros

Libros
Page copy protected against web site content infringement by Copyscape

domingo, 20 de septiembre de 2015

Cr0nicas dos partidos da SCD Malpica desta xornada:



IV edición da 1ª Autonómica, Grupo II – (1ª volta) – 3ª Xornada:
Resultado:                   SCD MALPICA   2 – 1   SD PILOÑO   
SCD MALPICA:  Asier; Juny, Carlos Mallo, Rubén, (Almeida, 25), Martín Uru, Eloi Vilas,© Adrián Rei, Sergio, (Víctor, 67), Martín Mara, Vitalie, (Petís, 16), Charro.             
SD PILOÑO:        Dumbo; Santi, Dani, Vilariño, Otero, Terriño, (Víctor, 35), Jairo, © Imanol, Sánchez, Caramés, (Jano, 81), Romero, (Michu, 67).                       
Árbitro:                 Sr. Represas Rodríguez.-(1ª Aut.-A Coruña). Tirando a caseiro.
Asistentes:       Sres. Gesto Moral e Seoane Sánchez.-(2ª Aut. A Coruña.-). Algo protagonistas.
Goleadores:     0-1, m. 13: falta lateral  efectuada por Jairo moi bombeada que entra na portería de Asier polo pau longo. 1-1, m. 43: internada con velocidade de Charro por banda esquerda ao chegar ao vértice da área pequena tira a gol polo pau curto, o “coiro” rexéitao con apuros o porteiro Dumbo, que vai ao peito de Sergio na boca de gol onde se atopa tamén cubrindo a liña o defensa Otero, no que finalmente rebota o balón e se introduce na portería. 1-2, m. 75: Martín Uru, recolle na liña de medios, un rexeite da defensa visitante, internase ata a media lúa, dende aí envía a dereita sobre Petís cuxo centro raso paséase por diante da portería ata o segundo pau, Almeida erra o remate en primeira estancia, pero revólvese e a media volta introduce o “coiro” na meta de Dumbo, pegadiño ao poste. Nesta xogada, os visitantes protestaron iradamente o gol, ao estimar que o árbitro debía parar o xogo por que se atopaba un futbolista do seu equipo tombado no campo a consecuencia dun golpe.
Ambiente e incidencias:          Tan só 75 seareiros nas bancadas, nunha tarde espléndida de sol e 24º. Tiveron que retirarse mancados os locais: Vitalie, m. 16 (escordadura de nocello) e Rubén, m. 25 (problemas estomacais) e o visitante Terriño, m. 35, cun forte golpe. Expulsado con dobre amarela Santi, SD Piloño.   
Xogadas de perigo da SCD Malpica:   M. 22: saque longo de portería de Asier, Charro, gáñalle a espalda á defensa e, ante a saída do porteiro tira a porta baleira, o “coiro” sae lambendo o poste. M. 50: Charro recibe entre liñas e, no man a man con Dumbo, tira suave e colocado, pero o porteiro con hábiles reflexos atalla o “coiro”. M. 70: unha bonita combinación da dianteira local, acaba cun centro de Charro aos pes de Martín Mara, o seu remate en moi boa posición, sae a dereita de Dumbo.
Xogadas de perigo da SD Piloño:       M. 5: centro de Jairo, remate alto de Sánchez. M. 42: disparo cruzado con moita intención de Víctor, gran parada de Asier. M. 45: logo dun pase entre liñas, Imanol, cólase polo centro encarando a Asier, ante a saída deste opta por tirar e o “coiro” vai ao poste esquerdo, logo Juny, rexeita o perigo. M. 78: saque de curruncho botado por Jairo, o remate a boca xerro de Otero responde Asier cunha gran parada evitando o gol.   
Comentario:      Mal partido en liñas xerais con mais peloteo ca fútbol. As baixas no equipo malpicán notáronse e para colmo de males tiveron que retirarse mancados, Rubén e Vitalie. De todos os xeitos, o equipo local nunca lle virou a cara ao partido, logrando, a base de ardor e coraxe, darlle a volta ao marcador ante un equipo con pouca técnica pero moi peleón.    




       















AGORA E SEMPRE COA SCD MALPICA!


XIII Edición da “Liga da Costa” de Fútbol Veterano–(1ª Volta)- 1ª Xornada:
Resultado:       MALPICA  2 –2    PONIENTE  (Carballo)      
Árbitro:            Sr. Casti.   Ben en liñas xerais, sinalou dous penaltis xustos favorables aos malpicáns.
Goleadores:     0-1, m. 2: Rama Rama. 1-1, m. 10: Arcay, de tiro bombeado que se lle escapa ao porteiro. 1-2, m. 14: Costoia. 2-2, m. 80: Arcay.      
Incidencias:     Mañá soleada e boa temperatura para a practica de fútbol. Mútiu e Marcelino erraron sendos penaltis, lanzándoos fora (minutos. 38 e 63).
Comentario:      Regular comezo da tempada dos veteranos malpicáns, os cales, a pesar das baixas de efectivos, dominaron todo partido creando numerosas ocasións de perigo pero os tiros mal dirixidos non acabaron en gol por verdadeira milagre, e, para colmo de males, aínda desperdiciaron dous penaltis.
Esta foi a 1ª aliñación da tempada: Chaves; J. Luazas, A. Carballo, Chucho, A. Coruña; L. Naya, Mútiu, Leo, A. Barizo; J.L. Arcay, Marcelino. Tamén xogaron, Abel e Bugallo.
                                                                                                                Arcay, autor dos dous goles