IV edición
da 1ª Autonómica, Grupo II – (2ª volta) – 34ª última xornada:
Resultado: SCD MALPICA 3 –
4 CORME
CF
SCD MALPICA: Ángel; Alejandro
Marquez, (Dímaga, 45), Alberto Marquez. Casais, Lolo, (Rubén,
50), Eloi Vilas, © Petís, (Víctor, 81), Migueliño,
Charro, Jaco, Carlos Mallo.
CORME CF: Illote, (Suso, 45);
Brais Torrado, Diego, Pandi, Jesús, Sergio Sueiro, (Alejandro, 39), Eloi,
Adrián Doldán,(Ángel, 80), Alejo, Lucas, © Toniño, (Manu Bermúdez, 69).
Árbitro: Sr. Vitor Recarei Añón.-(1ª Aut.-A Coruña). Realizou
unha boa labor.
Asistentes: Sres. Amado García e Juncal García.-(3ª Aut. e Ax. F. Base.-A Coruña). Ambos
ben.
Goleadores: 0-1, m. 6: falta botada por Lucas por
enriba da defensa local sobre o desmarque de Alejo,
o cal no man a man bate a Ángel. 0-2, m.
11: pase en profundidade de Adrián Doldán sobre Alejo, este vaise de dous contrarios e, dende fora da área sorprende a
Ángel cun tiro raso cruzado. 0-3, m. 23:
xogada combinada entre Lucas, Alejo, Toniño, culminada cun remate deste último a boca do xerro. 1-3, m. 48: gran xogada combinada, iniciada
por Migueliño, Jaco, Petís, Charro, con cesión na media lúa a Migueliño, que de gran tiro a escuadra bate a Suso. 1-4, m. 65: logo dun saque de curruncho
favorable aos locais, onde Eloi V. erra un remate claro, prodúcese un contraataque
visitante, na que collen a defensa malpicán descolocada, o “coiro” chégalle a
Lucas, este plántase ante a portería de Ángel, pero en vez de tirar, cede a
Eloi, este a súa vez a Alejo, o cal fusila ao
porteiro malpicán. 2-4, m. 75: pase
de Rubén sobre Charro, en banda esquerda, este
realiza un gran xogada individual e bate a Suso. 3-4, m. 89: gran xogada de Jaco por banda dereita, dende a liña de
fondo centra, Charro, cun remate suave a cepa do
poste bate a Suso.
Ambiente e incidencias: Preto de 100 seareiros nas bancadas, a metade cormeláns, Tarde nubrada con
lixeira chuvia, 14º. Tiveron que retirarse mancados o cormelán, Sergio Sueiro
(m.33) e os malpicáns, Lolo (m.50) Rubén, (m. 89). Expulsado Alberto Marquez
con dobre amarela.
Xogadas de perigo da SCD
Malpica: M. 8: xogada individual de Charro no
borde da área con cesión sobre o desmarque de Carlos Mallo, o tiro cruzado
deste sae a ras do poste esquerdo. M. 9:
pase entre liñas de Eloi Vilas sobre Charro, este erra no man a man con
Illote. M. 22: gran xogada de Jaco,
dentro da área, centro sobre Petís, pero o seu remate de chilena sae lambendo o
traveseiro. M. 58: xogada entre Petís
e Charro, este salva ao seu par e queda escorado a liña de fondo tirando frouxo
moi forzado, o “coiro” atállao Suso cando se colaba. M. 64: falta dende 35 metros lanzada moi ben por Jaco, con gran intervención
de Suso. M. 86: saque de curruncho
con efecto ao 2º pau de Charro, o “coiro” vaise á cruceta dos paus e sae
rexeitado ao terreo de xogo.
Xogadas de perigo do
Corme CF: M. 60: xogada
de moita calidade de Lucas, con tiro de vaselina que atalla Ángel. M. 83: desmarque de Alejo, tras recibir
de Eloi, o forte trio do goleador, rexéitao Ángel con dificultades.
Comentario: Non foi quen a SCD Malpica de conseguir unha soa
vitoria en toda a segunda volta da liga, isto condenouno lamentablemente ao
descenso como último clasificado, tempo haberá para analizar a tempada e buscar
culpables.
Esta tarde tras un comezo falto de concentración e sin vixianza sobre o “cerebro”
Lucas, permitiulle a este realizar tres xogadas inxeniosas sobre o seu goleador
Alejo, para que este resolvese practicamente o partido.
A SCD Malpica, a pesar de
quedar cun home menos 55 minutos, sacou forzas de fraqueza en non se entregou
nunca, creando ocasións para nivelar a contenda, pero unhas veces os erros diante
da portería e outras o acerto na segunda parte de Suso, non lle permitiron
sacar algo positivo.
AGORA E SEMPRE COA SCD MALPICA!
XIII Edición
da “Copa da Costa” de fútbol Veterano, (Dezaseisavos de final (ida):
Resultado: CASTRIZ 2 – 2 MALPICA
Aliñación: Juan; Luazas, Chucho, Alb. Carballo, Alb. Coruña; Leo,
Alb. Barizo, Marco, Luís Naya; Bambán, Mútiu. Tamén xogaron: Whasi, Bugallo.
Árbitro: Sr. Isidro.- Ben en liñas xerais.
Goleadores: 0-1, m. 35: Bambán, recolle o “coiro” no centro do campo, escápaselle por velocidade a defensa
local plántase ante o porteiro e báteo na súa saída. 0-2, m. 38: de novo o goleador Bambán,
recibe un pase en profundidade, non se entenden o porteiro e un defensor local
e o dianteiro malpicán a porta baleira envía a rede. 1-2, m. 57: galopada de Alfonso
por banda dereita e, un pouco antes de chegar a liña de fondo envía un centro
chut bombeado que se cola na portería de Juan, sorprendendo a todos. 2-2, m. 72: tras un saque de banda,
recolle o “coiro” Guillín,
e de forte tiro bate a Juan a pesar da súa estirada.
Incidencias: Mañá moi nubrada
con lixeira chuvia, que facía que o “coiro” patinara en exceso. Mancado o malpicán Marco, cun leve tirón muscular, (m. 51).
Comentario: Meritorio empate dos veteranos do Malpica no campo de “San Pedro”, ante
todo un 1ª división, que lles da garantías para o partido de volta na “Pedra
Queimada”.
Excelente plantexamento ao contraataque do “míster”
Dourado, a pesar de contar con tan só 13 futbolistas, que se quedaron en 12
trala lesión de Marco. Ao maior dominio territorial do Castriz, responderon os
homes de Dourado con perigosos contraataques, aproveitando con moito acerto a
velocidade do seu goleador Bambán. 
