IV edición
da 1ª Autonómica, Grupo II – (2ª volta) – 28ª Xornada:
Resultado: SCD MALPICA 2–3 CORDEIRO CF
SCD MALPICA: Ángel; Alejandro Marquez, Alberto Marquez, Casais, (Roi
Carril, 58), Lolo, Eme, Eloy Vilas,© Petís,
(Dímaga, 68), Jaco, Carlos Mallo, (Martín Mara, 52), Cololo.
CORDEIRO CF: Diego; Bodaño, Taibo, Álex,
(Martín, 46), Chufe, Juanillo, (Roi, 46), Chiño, (Valero, 52), Manuel Ángel,
Juanito, Padín, © Gabriel.
Árbitro: Sr. Rubén Vázquez Penas.-(1ª Aut.-A Coruña). Non estivo á altura da calidade á que nos ten
acostumado. Abusou en demasía das tarxetas nun partido que foi bastante limpo.
Asistentes: Sres. González Liñares e Ríos Sánchez.-(2ª Aut.-A Coruña). Non estiveron
acertados
Goleadores: 0-1, m. 11: saque de curruncho executado po Manuel Ángel ao 2º pau, onde aparece o
central Chufe, cabeceando sen oposición á
rede. 0-2, m. 27: Chiño, dende o
círculo central envía un pase raso en profundidade sobre Juanito, que se atopaba en claro fora de xogo á
altura de medios, encara a Ángel e báteo por baixo na súa saída. 1-2, m. 31: saque de curruncho longo botado
por Jaco, toca coa testa Alberto Marquez, sobre Eme,
o cal a media volta bate a Diego. 1-3,
m. 39: saque de curruncho en curto de Chiño sobre Padín, este quebra a un
defensor e, dende o vértice da área tira un centro chut a media altura, con tan
mala fortuna que, o “coiro” da no peito de Eloi
Vilas, desviando a traxectoria batendo a Ángel. 2-3, m. 84: os malpicáns con
oito homes sobre o campo sacan
forza de fraqueza e acurralan ao Cordeiro na súa área, así, Jaco atalla un pase na media lúa, combina con
Martín Mara, e fusila a Diego dun gran zurdazo.
Ambiente e incidencias: Escasa concorrencia de seareiros, tan só se achegaron ao campo 40, nunha
tarde fría e nubrada con 10º de temperatura, a 2ª parte disputouse con luz artificial.
Expulsados, Cololo (m.49), Lolo (m.79), Alberto Marquez (m. 81) e Esmorís (m.
45). Non houbo mancados de consideración.
Xogadas de perigo da SCD
Malpica: M. 26: gran xogada de Jaco, cun gran pase
en profundidade sobre Petís, este algo escorado encara a Diego e, en vez de
centrar opta por tirar dando o “coiro” na lateral da rede. M. 35: Alejandro Marquez, empalma dende 30 metros un rexeite longo
da defensa visitante, gran parada de Diego enviando a saque de curruncho. M. 41: novo pase de Jaco sobre Petís, o
cal, logo de driblar ao porteiro acaba tropicado e váiselle o “coiro” pola liña
de fondo. M. 76: saque de banda
longo de Alejandro Marquez, rexeite en curto coa testa Chufe, recolle Eloi
Vilas, lanzando raso a ras do poste esquerdo.
Xogadas de perigo do
Cordeiro CF: M. 10: Juanito,
recibe entre liñas plántase ante Ángel, salvando este con gran acerto. M. 55: pase de Padín sobre Valero,
encara a Ángel, pero o tiro é desviado acertadamente polo porteiro local. M. 72. Falta lateral lanzada por Padín,
ao 2º pau, que remata Chufe alto por moi pouco. M. 90: Juanito, só ante Ángel,
erra unha clara ocasión, rexeitando o perigo en última instancia Eloi Vilas.
Comentario: Nunha primeira
parte aceptable a pesar do marcador en contra, a SCD Malpica plantou cara a un “galliño”
do grupo, que neste parte só o puido vencer, un gol en claro foro de xogo e
outro en p. porta.
Logo na segunda, cun Cordeiro CF metido atrás intentando pasar os minutos e,
un Malpica mermado polas expulsións pero sacando forzas de fraqueza conseguiu
reducir a vantaxe deixando o tanteo na mínima. Unha mágoa que os malpicáns non saiban ter
boca pechada evitando as protestas individuais e colectivas pois se a plantilla
esta completa ten equipo para medirse a calquera do grupo.
XIII Edición
da “Liga da Costa” de Fútbol Veterano–(2ª Volta)- 25ª Xornada:
Resultado: CLUB DO MAR 4 –
1 MALPICA
Aliñación do Malpica: Juan; Luazas, Alb. Carballo, Alfredo, Alb. Coruña; Chaves, Mútiu, Marco, Luís
Naya; Carlos Pose, Leo. Tamén xogaron: Abel, Wasi, Chucho.
Árbitro: Sr. Duda.- Salvo o penalti sinalado a
favor dos locais, estivo ben en liñas xerais.
Goleadores: 1-0, m. 26: xogada clave de cara ao marcador final, o dianteiro local Mino, cae sobre o
porteiro malpicán Juan, logo que este rexeitara o “coiro” a saque de curruncho,
o árbitro erra na apreciación da veteranía de Mino e sinala penalti, que
transforma Richard. 2-0, m. 38: o
dianteiro local apedado Malpica, agarra un trallazo dende uns 30 metros, que
fai inútil a estirada de Juan. 3-0, m.
63: nun balón solto preto da media lúa, o porteiro malpicán Juan inicia
tarde a súa saída, o dianteiro Mino, anticípaselle e marca a porta baleira. 4-0, m. 80: sorprendente tiro de
Fernando sen apenas ángulo que pega nun defensor desviándolle a traxectoria do “coiro”
a Juan, e penetra na portería. 4-1, m.
86: Carlos Pose, recibe un pase entre liñas, e, ante a saída do porteiro
cruza ao fondo da rede.
Comentario: Primeira parte
nivelada, onde a formidable actuación do malpicán Marco servindo balóns aos
seus dianteiros, non foron aproveitados por estes ata en tres ocasións claras,
primeiro Luís Naya, logo Alb. Coruña de falta e por último Leo, en ambas
ocasións luciuse o porteiro local.
Na segunda, o cansazo e os
poucos trocos, acabaron mermando ao equipo dos veteranos malpicáns.
AGORA E SEMPRE COA SCD MALPICA!
