XIX TROFEO DA OLERÍA:

  
"XIX TROFEO DA OLERÍA"

  

   Tras unha tempada sen participar por discrepancias entre Directiva e Concello; á nova xunta da SCD Malpica, acorda acudir a cita do prestixioso "Trofeo da Olería" que este ano cumpre á dezanoveava edición.

  Os equipos contendentes son os catro conxuntos pertencentes ao Concello de Malpica, por orde de antiguedade e, que é o seguinte:

   Buño SCD, SCD Malpica, UD Cerqueda e Sp. Seaia.

   Celebrado, nas dependencias municipais do Concello Malpicán o correspondente sorteo, este, emparellou aos equipos e, en horarios do seguinte xeito:

   Domingo 04-08-19: 

   Buño SCD - Sp. Seaia, 18:00 horas.

   UD Cerqueda - SCD Malpica, 19:00 horas.

   3º e 4º Posto: 

           Equipos perdedores, 20:00 horas

FINAL: 

Equipos gañadores, 21 horas

Noutro orde de cousas e, para información a todos socios e seguidores da SCD Malpica, hai que resaltar o traballo físico que están a realizar os novos compoñentes da Xunta Directiva malpicana, os cales por iniciativa propia e coa axuda desinteresada de algunha empresa (non local), que lles facilitou material, están dándolle un grande lavado de cara con pintura ás paredes do recinto e dos retretes, así como, nestes, instalándolle pezas novas de inodoros ademais de repasar e prender con parafusos as butacas de asientos das gradas. Esta obra de remodelación poderán comprobala os asistentes ao primeiro partido que se celebre na "Pedra Queimada".

Noraboa!

AGORA E SEMPRE COA SCD MALPICA!

 

 

  

    

Completada a directiva da SCD Malpica:

  A data de hoxe, o clube SCD MALPICA, xa ten ao completo a listaxe da Xunta Directiva, tras días de diversos contactos polo pobo malpicán, no que houbo de todo, até o caso de que algún dos, de primeiro comprometidos, ás poucas horas decidiron borrarse, finalmente, e, sen pecharse definitivamente a listaxe para algunha nova incorporación se aparece con gañas de unirse ao traballo, os compoñentes son os seguintes:

1.-Presidente:            Jesús Vila Varela.

2.-Vicepresidente 1º : Adrián Bardanca Martínez

3.-Vicepresidente 2º : Manuel Lema Vidal

4.-Secretaria           : Mónica Martínez Castro

5.-Tesoureiro           : José Luís Bardanca Rojo

6.-Vogal                  : Federico Blanco charlín

7.-Vogal                  : Manuel Vilas Varela

8.-Vogal                  : Ramón Gundín González

9.-Vogal                  : Manuel Verdes Lista

10.-Vogal                : José Luís Rodríguez Horsburch

11.-Vogal                 : María Ordoñez Abelenda

  En total once membros directivos, que van relanzar á SCD Malpica a categoría que se merece, participando en CATRO COMPETICIÓNS: Afeccionados, Xuvenis, Prebenxamíns e Biberóns.

  Damoslle a benvida aos valentes e novos directivos e dexesámoslle toda clase de éxitos.

  Para comezar e, co ánimo de emprender os retos de crear as categorías enriba relacionadas, solicitaronlle a es informador, que, poña o seguinte anuncio neste blogue:

A V I S O:

  TODOS NENOS E NENAS PERTENCENTES AO CONCELLO DE MALPICA  OU

CONCELLOS LIMÍTROFES, EN IDADES COMPRENDIDAS ENTRE, CATRO, CINCO, 

SEIS, SETE, CATORCE, QUINCE, DEZASEIS, DEZASETE, DEZAOITO E DEZANOVE 

ANOS, PODEN ACUDIR AO CAMPO DE "PEDRA QUEIMADA" O  VINDEIRO MÉRCORES 

A PARTIR DAS 20:OO HORAS, OU PORSE, OS PAIS DAS NENAS E NENOS EN CONTACTO CON 

ALGÚN DOS DIRECTIVOS ENRIBA RELACIONADOS, PARA PODER FACERLLE FICHA 

E PARTICIPAR NAS COMPETICIÓNS NAS QUE FIGURA INSCRITA Á SCD MALPICA.

AGORA E SEMPRE COA SCD MALPICA!

 

Novidades da SCD Malpica:

  O Secretario accidental da actual xunta directiva da SCD Malpica D. Federico Blanco Charlín, comunicoulle a este historiador do clube, que, para a vindeira tempada 2019/2010, á SCD Malpica, participará nas competicións de: 

SEGUNDA GALICIA, afeccionados. (Liga da Costa).

PRIMEIRA GALICIA, xuvenis, (Grupo da costa)

 Ademais, inscribíu na RFGF (Real Federación Galega de Fútbol) a participación de equipo de BIBERÓNS, (F.8), (NENOS/NAS DE 4, 5, anos).

 Igualmente, esta a tratar xuntar nenos/nas, para Prebenxamíns (F. 8) (6 e 7 anos). No caso de que se xunte, tamén se inscribirán para participar federados na categoría.

  Tamén se lle solicitou ao historiador, que publique neste blogue, que en cuestión de días, comezarase a repartir os carnets de SOCIOS, para nova tempada 2019/2020, fixándose, por acordo da xunta directiva, as seguintes modalidades e prezos:

  SOCIO PROTECTOR..................    60 EUROS.

  SOCIO DE EMPRESA.................    50    "

  SOCIO DE NÚMERO..................    40    "

Continuaremos informando...

AGORA E SEMPRE COA SCD MALPICA!

 

Á SCD MALPICA XA TEN NOVO PRESIDENTE:

  AO FINAL HOUBO "FUMATA BRANCA" E, Á SCD MALPICA XA CONTA DENDE ESTA MAÑÁ CON NOVO PRESIDENTE E NOVA XUNTA DIRECTIVA:

    DON JESÚS VILA VARELA, é dende esta maña novo Presidente do clube SCD Malpica, trala segunda reunión seral ordinaria celebrada nas oficinas do clube na "Pedra Queimada" esta mañá ás once horas.

   O até agora Presidente, D. Manuel Suárez Cotelo, o cal acabou catro anos de mandato e cesou por iniciativa propia, entregou o "bastón de mando" ao Sr. Vila, quen a súa vez, era Vicepresidente co cesado Presidente.

   O Sr. Vila Varela, agora xubilado e antes profesional da construción e edificación, xa tivo a presidencia da SCD Malpica, nas tempadas: 1990/91 até 1991/92, 1993/94 até 1994/95, 2003/04 até 2005/06, en total sete tempadas.

   É polo tanto, un veterano en saber levar ao "barco a vo porto". Comezará maña mesmo (luns) a reunir e nomear a listaxe dos demais compoñentes da xunta directiva, na que xa ten varios candidatos en carteira, pero non quere citar a ningún até que teña definitivamente a lista completa.

   Logo de reunir a todos compñentes da directiva, segundo se me informa, designará cargo a cada un deles para que cada cal se adapte a traballar na faceta designada; tamén e,  segundo puido saber este informador, comezará a tomar contacto co adestrador qué, ao parecer, vai ser o da tempada pasada, Sr. Adrián Bardanca "Gurita" o cal comezará tamén a tomar contacto cos mebros da plantilla de futbolistas para súa renovación, pois casi todos queren continuar no clube. Tampouco se descarta á posibilida de impulsar de novo o fútbol base con categorías, xuvenil, cadetes e infantil. Polo menos esas son ás primeiras ideas do novo Presidente na toma de posesión do mando, aínda que, debido ao avanzado das datas, e moi dificil xuntar rapaces, pero intentar vaise intentar.

   Seguiremos informando...

AGORA E SEMPRE COA SCD MALPICA!

  

   

Resultados da xornada da "Costa"

   SCRD Esteirana-Cabana SD, finalistas da LVI edición da "Copa da Costa", tempada 2018/19, ao empatar ambos os patidos de volta disputaos e Corme e Camariñas respectivamente cos resultados que mais abaixo se detallan.

   

   Igualmente, se detalla o último resultado conseguido polo V. De Baño, CF fronte á SD Villestro, para o ascenso á 1ª Galicia Gº II. 

    E por último amósase o resultado final da 1ª "Copa da Costa" de Veteranos, tutelada pola RFGF, e que lle deu a vitoria á SD San Lourenzo de Verdillo.

 AGORA E SEMPRE COA SCD MALPICA!

 

LVI "Copa Costa" e resultados varios da costa:

   Na tarde de hoxe, celebráronse diversos partidos relacionados con equipos da "costa", como són: As semifinais da "LVI edición da Copa da Costa" de afeccionados, as semifinais da XVI edición da "Copa da Costa" de Veteranos, a Final de VI "Copa da Costa" de Infantís e 5ª xornada da liguiña de ascenso a 1ª Galicia, na que, o V. de Baño CF, xa está ascendido hai dúas xornadas, salvando con elo do descenso ao UC Cee á 3ª Galicia.

  A continuación detallamos os resultados producidos nesta xornada: 

   

AGORA E SEMPRE COA SCD MALPICA!

LVI "Copa da Costa" e resultados varios:

   Á SCD MALPICA, CAE EN CABANA E QUEDA APEADO DA LVI EDICIÓN DA "COPA DA COSTA" NOS CUARTOS DE FINAL.

   Nun partido enormemente disputado o Cabana SD, de 3ª Galicia, elimina na 2ª tanda de penaltis á SCD Malpica, de 2ª Galicia, logo de equilibrar o resultado da "Pedra Queimada" no partido de ida. Comezaron ben os malpicáns, xa que no min. 1 conseguían aumentar o resultado (0-1), pero os locais nivelaron pronto o tanteo e con alternativas no marcador conseguiron de penalti igualar a eliminatoria nas postrimerías do partido.

   Aliñación da SCD Malpica: Eusebio; Mante, (José Romero, 59), Belar, (Jorge, 75), Cristian, Laik; Capelán, Jairo, Migueliño, Michi, Aitor, Martín, (Brais Ceán, 51).

   Goleadores: 0-1, m. 1: Michi. 1-1, m. 8: Raul. 1-2, m. 20: Martín. 2-2, m. 49: Manolo Romero. 3-2, m. 81: Iván Mato (penalti).

Cabana SD.   Así foron os lanzamentos de penaltis.  SCD Malpica. 

                 Iván Mato:         Gol                                                     Aitor:              Gol

              Dani Mato:         Gol                                                     Jairo:              Gol

              Diego Castro:     Gol                                                     Michi:             Gol

              Santi Vecino:       Gol                                                     Capelán:        Gol

              José M. Varela:   Gol                                                     José Romero: Gol

              Manuel Romero:  Fallo                                                   Brais Ceán:     Fallo

              Iván Castro:        Gol                                                     Jorge:             Gol

              Dario Santiso:     Gol                                                     Migueliño:      Fallo

==================================================================

Resultados: 

 AGORA E SEMPRE COA SCD MALPICA!

LVI Edición da "copa da costa": Cabana SD-SCD Malpica:

  Coa mínima vantaxe conseguida na ida (3-2), despois dun partido moi disputado, no que, elementos moi distintos aos dous contedentes propiciaron este apertado resultado; desprázase á SCD Malpica ao campo das "Redondas" de Cabana a xogarse fronte ao titular o pase a semifinais.

  O Cabana SD, equipo punteiro esta tempada da 3ª Galicia, na que conseguiu o ascenso a "liga da costa" como segundo clasificado trala SD Coristanco, xa demostrou en Malpica a súa intensidade e, aínda que chegaron a ir perdendo de tres goles, nunca deixaron de batallar e crer nas súas posibilidades até o punto de reducir diferenzas, por elo, vai ser un complicado rival para o equipo malpicán, que afronta este partido con tres baixas por sanción: Fuentes, Andy e David e dous mancados: Gonzalo e Roberto; se a isto engadimos as dimensións do terreo de xogo das "Redondas" que fai mais difícil a practica de fútbol de toque, característica que lle vai mais aos malpicáns, chégase á conclusión das dificultades que estes van atopar.

   De todos os xeitos, á SCD Malpica, xa ten a experencia de gañar neste campo a súa única "copa da costa" que garda nas súas vitrinas e, esta motivación xunto á de dedicarlle a vitoria a Gonzalo Vilariño, pola súa grave lesión de rotura do Tendón de Aquiles, farán o posible para pasar a eliminatoria, que se resolverá en caso de empate ao lanzamento de penaltis, non haberá prórroga polo tanto.

               “LVI” Edición da “Copa da Costa” afeccionados, CUARTOS de final (VOLTA):

Campo            :           “As Redondas”   (Cabana, 91 x 58, herba artificial)      

Resultado        :           CABANA SD  –  SCD MALPICA  

Data e hora     :           Domingo: 02-06-19, 18:00 horas        

Árbitro :           :           Sr. David Castreje Ferrío, (1ª Galicia, Colexio da Coruña).

Asistentes       :           Sres. Iván Vilanova e Lucas Vicente, (2ª e 3ª Galicia. Costa da Morte)

AGORA E SEMPRE COA SCD MALPICA!

LVI COPA DA COSTA (Cuartos de Final)-ida-

   Á SCD Malpica, vota pola borda unha vantaxe de tres goles no tempo engadido ante o Cabana SD.

   Nun partido tremendamente copeiro e con trescentos seareiros nas bancadas que se deleitaron co grande partido disputado por ambos os dous equipos, á SCD Malpica e o Cabana SD, deixan para á volta nas "Redondas" o pase a semifinais.

   Aliñación da SCD Malpica: Eusebio; Mante, Andy, Cristian, Juan Fuentes; Capelán, Laik, (Belar, 50), Migueliño, Michi, Gonzalo, (Roberto, 36), (Jorge, 56), Jairo, (David, 78).

   Goleadores: 1-0, m. 5: Michi, de xogada persoal. 2-0, m. 49: de penalti sobre el mesmo. 3-0, m. 70: Michi, de gran xogada persoal. 3-1, m. 90+2: Romero, de forte tiro dende fora da área. 3-2, m.90+4, Iván Mato, de penalti, sinalado polo asistente, nunha liorta dentro da área.

   Incidencias:  Aínda que os futbolistas visitantes actuaron con certa intensidade, forzando numerosas faltas e con bastante xogo subterraneo moi consentido polo trencilla de turno, non foron os causantes das lesións producidas polos futbolistas malpicáns: Gonzalo e Roberto, o primeiro con probable rotura do tendón de aquiles que o deixa fora da competición para bastante tempo e o segundo, con problemas nun xeonllo, non tan grave, pero tamén, poida que para o que reste de tampada. Ambas, producíronse en xogadas fortuitas pero eles sos.

   Non poido pechar este pequeno comentario, sen escribir unhas liñas sobre o trio arbitral, especialmente o trencilla titular, que todo hai que dicilo, non estaba designado para este partido, pero apareceu polo "estadio" alegando enfermidade ou lesión do titular designado. O colexiado designado, arbitrou dous partidos o sábado, un en Dumbría ás 12:00 horas, e outro en Corme ás 16:30 horas. Puido haberse mancado (?). Pero por que  designaron a este señor? e non a outro pertencente ao colexio da Costa da Morte?. Ante isto: Que cada cal reflexione. (?).

MARCADORES:

AGORA E SEMPRE COA SCD MALPICA!

LVI Copa da Costa:

       Segue á SCD Malpica competindo na "Copa da Costa" e, tras deixar na cuneta a dous "cocos" importantes, Xallas CF e V. de Baño CF; o sorteo deparoulle nos "Cuartos de Final"  ao Cabana SD, rival no que ambos na tempada 1984/85, disputaron a "finalísima" da XXII edición, que veu parar as vitrinas da SCD Malpica tras dous partidos disputadísimos (1-1 e 4-4), que acabaron proclamando aos malpicáns campión, (despois dunha reñida tanda de penaltis 3-4) da única "copa" conseguida tras tres finais disputadas.

    O Cabana SD, foi fundado na tempada 1981/82 competindo ininterrumpidamente até tempada 2003/04, na que causou baixa por renuncia a participar na 1ª Rexional na quie estaba encadrado, volvendo a causar alta de novo na tempada 2005/06, pero na 3ª Rexional, pois debido a "renuncia", tivo que competir na categoría mais baixa da "costa".

       Leva disputadas: 37 tempadas, repartidas entre 6 en 1ª, 17 en 2ª e 14 en 3ª. Ten tres títulos de liga (Tempadas 85/86, 89/90 e 02/03) e unha "copa da costa" (02/03), nesta tempada conseguiu o "dobrete".

      Na tempada actual que acaba de finalizar, logrou o ascenso á 2ª Galicia, ao acadar o 2º posto da táboa tras á SD Coristanco.

      Presentase unha eliminatoria a dobre partido moi igualada, pois aínda que os cabaneses, proceden da 3ª Galicia, non hai que olvidar que lograron matemáticamente o ascenso despois dunha brillante campaña, deben andar con moita cautela os homes de Adrián Bardanca (Gurita) e non pensar que, por ser de superior categoría vai ser un paseo militar.

     Os malpicáns non poderán contar para este partido co mediocampista Aitor, por sanción. Espérase unha grande afluencia de seareiros., sobre todo por que a directiva da SCD Malpica, procurou por a hora do partido, dende que os demais partidos de Cuartos terminasen.              

 

  “LVI” Edición da “Copa da Costa” afeccionados, CUARTOS de final (IDA):

Campo            :           “Pedra Queimada”   (Malpica, 100 x 60, herba artificial)           

Resultado        :           SCD MALPICA  –  CABANA SD

Data e hora     :           Domingo: 26-05-19, 19:30 horas        

Árbitro :           :           Sr. Alberto Baña Tajes, (1ª Galicia, Colexio da Coruña).

Asistentes       :          Sres. José Ageitos Pasantes e Manuel Espasandín Romar (2ª Galicia. Costa da Morte)

AGORA E SEMPRE COA SCD MALPICA!