Correspóndelle á SCD Malpica este vindeiro domingo, recibir no se campo da "Pedra Queimada" ao Sp. Zas, conxunto veterano na "Liga da Costa", pois, leva competindo, dende a súa fundación na Tempada 1975/76, un total de 43 tempadas, repartidas entre: 4 en Rexional Preferente (hoxe Preferente Galicia), 9 en 1ª Rexional (hoxe 1ª Galicia), 29 en 2ª Rexional (hoxe 2ª Galicia) e 1 en 3ª Rexional (hoxe 3ª Galicia).
O Sp. Zas, durante ás 43 tempadas indicadas, conseguiu, 4 título de liga (T. 89/90, 92/93, 06/07 e 09/10) e, 1 da "Copa da Costa" final disputada ante á SD Castriz (0-1 e 4-0), na T. 05/06.
A este histórico da "costa", non lle están a saír moi ben ás cousas esta tempada, xa que na actualidade, aínda no foi quén de lograr una vitoria e figura fundido no último posto da táboa con 4 puntos dun total de 13 xornadas disputadas.
Pola súa banda á SCD Malpica, que, logrou un sufrido empate (1-1) na súa vista a Coristanco a xornada anterior, espera acercarse, nestas dúas xornadas que faltan para finalizar a primeira volta do campionato, aos 20 puntos, moi necesarios para alcanzar ao final da liga os 40 e verse libre de posibles arrastres.
Para conseguilo, hai que comezar este domingo por vencer ao Sp. Zas e logo despois presentarse en Xaviña ante á UD Cerqueda para acabar de facer os "deberes".
Para este primeiro compromiso ante o Sp. Zas, o "mister" local Adrián Bardanca (Gurita), perde ao central Juan Fuentes e ao todo terreo Alberto Hombre, ambos por sanción; pero recupera a Aitor, tralo paro por sanción e a Michi Castro, recuperado das súas doencias tras tres xornadas mancado. Tamén conta o "mister" coa nova fichaxe de Jairo, procedente do Laracha CF que xa debutou en Coristanco.
Así as cousas, e, si o tempo o permite, espérase unha boa entrada na "Pedra Queimada" coa ilusión por parte dos afeccionados que os tres puntos queden na casa para sumar e achegarse a meta dos puntos enriba indicados.
Horario, campo e árbitro:
2ª Galicia - Grupo II – (Liga da Costa) 1ª volta – Xornada 14ª :
Campo : “Pedra Queimada” (Malpica,
100 x 60, herba artificial)
Equipos : SCD MALPICA – SP- ZAS
Data e
hora : Domingo: 08-12-19, 16:15 horas
Árbitro : Sr. David Castreje Ferrío, (1ª Galicia, Colexio da Coruña)
-
- - - - - - - - - - - - -
NESTA VINDEIRA XORNADA, Á SCD MALPICA XUVENIL DESCANSA E OS VETERANOS DA SCD MALPICA, NON TEÑEN COMPETICIÓN.
