IV edición
da 1ª Autonómica, Grupo II – (2ª volta) – 29ª Xornada:
Resultado: BERTAMIRÁNS CF “B”
2–1 SCD MALPICA
BERTAMIRÁNS CF “B”: Pablo; Alvite, © Cohen,
Aitor, Saúl, Meixide, (Mateo, 60), Rouco, Carlos, (Jimmy, 46), Jaime, (Dani
Maceiras, 64), Goncho,(Capi, 31), Seoane.
SCD MALPICA: Ángel; Dímaga, Alejandro Marquez, Casais, Roi Carril,
Carlos Mallo, (Víctor, 64), Eme, Petís, Jaco, Martín Mara, Migueliño.
Árbitro: Sr. Rubén Rodríguez Vaamonde.-(1ª Aut.-Santiago). Tirando
a caseiro.
Asistentes: Sres. Vidal Balsa e García Paniagua.-(2ª Aut.-Santiago). Discretos.
Goleadores: 1-0, m. 49: saque de curruncho executado por Jaime, pugnan no salto Alejandro Marquez e
Capi, caendo o “coiro” a chumbo entre ambos con tan mala fortuna que ao botar
sobre o campo toca na man do defensa malpicán, sen ningún perigo na xogada,
todos os futbolistas locais a unísono exclaman man, o árbitro ao escoitalos sinala
o punto fatídico, lanzado por Capi, adianta ao Bertamiráns no marcador. 2-0, m. 60: falta do equipo malpicán no
medio do campo dous metros fora do círculo central, a falta ao ser tan lonxana,
non se estima conveniente por parte visitante formar barreira, o central Aitor, execútaa cun tiro colocado a escuadra
dereita de Ángel, o cal, quizais, cegado polo sol, non aprecia como se incrusta
na súa portería. 2-1, m. 88: falta
lateral botada por Jaco ao punto de penalti, Roi Carril, estra lanzado ao remate
e, de potente tiro clava o “coiro” na rede.
Ambiente e incidencias: Medio cento de seareiros nas bancadas, nunha tarde desapacible con chuvia e
a veces sol. 10º de temperatura. Non houbo mancados nin expulsados.
Xogadas de perigo do
Bertamiráns CF “B”: saque de banda sobre Cohen, o cal
moi escorado a esquerda de Ángel, logra tirar, salvando moi ben o porteiro
malpicán tapando o oco. M. 48: falta
lanzada por Aitor sobre Capi, e remate deste a media volta parando Ángel. M. 51: contraataque local con centro
sobre o moreno Jimmy, o remate deste vaise lambendo o traveseiro. M. 90+3: Ángel, lócese cunha dobre
parada a tiros de Capi e Mateo.
Xogadas de perigo da SCD
Malpica: M. 14: Petís, controla o “coiro” dentro da
área sendo derrubado por Cohen, o árbitro non aprecia nada punible. M. 23: saque de falta por medio de
Jaco, o testarazo de Roi Carril,
deteno con apuros o porteiro local Pablo. M.
38: gran xogada individual de Jaco, cede na media lúa a Eme que abre sobre
Carlos Mallo, desmarcado no vértice da área grande, o malpicán empalma coa súa
zurda pero “coiro” sae lambendo a escuadra. M. 72: falta na media lúa que amaga Jaco e empalma Eme, o “coiro”
roza na testa dun defensor desviando o xusto por enriba da escuadra de Pablo.
Comentario: Hoxe xogábase a
SCD Malpica as escasas esperanzas que, tanto a directiva como os
propios futbolistas, consideraban claves para manter a categoría, xa que, o
Bertamiráns “B” CF, é o equipo que vai de cuarto por abaixo e, había ilusión
por vencelo e recortarlle distancia. Non
puido ser, pois dúas xogadas puntuais, (un penalti sinalado nunha xogada sen
perigo e un gol de falta dende longa distancia), acabaron coas leves pero
desexosas esperanzas dun equipo malpicáns falto de efectivos por sanción (cinco)
e doutros que podendo acudir non o fixeron.
Os que xogaron dérono todo ata o punto de embotellar na súa área os últimos
quince minutos ao equipo local.
XIII XIIEdición
da “Liga da Costa” de Fútbol Veterano–(2ª Volta)- 26ª Xornada:
Resultado: MALPICA 2 –
4 D.
CARBALLO
Aliñación do Malpica: Bugallo; Luazas, Alb. Carballo, Chucho, Alfredo; J.L. Arcay, Mútiu, Marco, Wasi;
Ban Ban, Leo. Tamén xogaron: Luís Naya, Abel, Alb. Coruña.
Árbitro: Sr. Castro.- Estivo ben.
Goleadores: 0-1, m. 5: Antelo, de remate dende a media lúa. 0-2,
m. 37: nun balón claro con toda vantaxe para facerse con el, o porteiro e
un defensa locais, fanse un lio e rexeitan ao unísono defectuosamente, o “coiro”
tropeza en Antonio Rei, o cal non ten mais ca empurralo
ao fondo da baleira portería. 1-2, m.
67: acurta distancias Leo, en xogada persoal.
1-3, m. 80: Antelo, recolle un centro dende a banda
dereita, tres defensores locais non acertan a rexeitar o que aproveita o
dianteiro carballés para bater a Bugallo. 1-4,
m. 84: o escurridizo extremo visitante Torres, recibe un pase
en profundidade, márchase do seu marcador por velocidade plántase ante Bugallo
e báteo de tiro raso. 2-4, m. 85: pase
entre liñas sobre o desmarque de J.L. Arcay, que resolve
moi ben ante a saída do porteiro visitante.
Comentario: Xusta derrota dos
veteranos malpicáns na casa ante un débil pero efectivo D. Carballo, que se
aproveitou dos erros defensivos dos locais.
Os carballeses, que xogaron a favor do forte vento na primeira parte,
materializaron a vitoria con dous goles en cada tempo, non o fixeron así os
malpicáns que, a pesar de ter o vento a favor na segunda parte, dedicáronse mais a entrarlle ao saco as
continuas protestas deles, que aproveitar a forza do vento para acadalo
triunfo.
AGORA E SEMPRE COA SCD MALPICA!
O Tordoia
CF, que visita por primeira vez o campo malpicán, estaba 5 puntos por debaixo
da SCD Malpica na xornada 13ª (15 – 10), agora, figura no posto 8º da táboa con
44 puntos nas 29 xornadas disputadas; gañou 12 partidos, empatou 8 e perdeu 9;
leva conseguido 47 goles e encaixado 40. Os máximos realizadores do equipo,
son: Denis, con 13 goles, Iván con 10, Veiga con 6 e Andrade con 4.
