IV edición
da 1ª Autonómica, Grupo II – (1ª volta) – 10ª Xornada:
Resultado: SCD
MALPICA 3–1 VAL
DO ULLA U.D.
SCD MALPICA: Asier; Casais, Carlos
Mallo, (Eme, 46), Kike, Ó. Moscoso; Rubén, Martín Uru, (Sergio,90+3), Juny, (Dímaga,
90+3), M. Mara, Charro, (C) Petís, (Adra,
46).
VAL DO ULLA U.D. :
Álvaro; Farruco, (Gonzalo, 60), Cristian, Carlos,
Martín, Javi, Álex, Pintiño, © (Eco, 90), Jordan, (Neiriña, 66), Piru, (Samuel, 90), Jacobo, (Quique, 90).
Árbitro: Sr. Añón Salgueiro, Denis.-(1ª Aut.-A Coruña). Regular, non dubidou na sinalización dos penaltis, aínda
que Carlos, autor da xogada, protestou iradamente, estimando que o malpicán se
deixara caer.
Asistentes: Sres. Seoane Sánchez e Neira Rei.-(2ª Aut.-A Coruña). Regulares.
Goleadores: 0-1, m. 7: xogada individual de Jordan, con centro atrás sobre Jacobo, que marca a porta baleira. 1-1, m. 45: saque de curruncho
executado por M. Uru, o “coiro” ía directo cara M. Mara, antes de chegarlle a
cabeza, empúrrao por detrás o central Martín, o claro e innecesario penalti, transfórmao Charro, a dereita de Álvaro. 2-1,m. 62: balón longo que recibe
Charro, preto da bandeirola da banda esquerda, caracolea ao dous adversarios,
centra sobre M. Mara, este toca coa cabeza sobre Eme, o cal dende a media lúa,
empalma coa zurda un tiro raso a ras do poste esquerdo do sorprendido porteiro
Álvaro, que só mira como o “coiro” entra na portería. 3-1, m. 68: excelente combinación ao primeiro toque entre Adra e M.
Mara, este devolve entre liñas sobre o medio centro o cal encara a Álvaro e
cando se dispoñía a rematar, derrúbao por detrás o central Carlos, o
conseguinte penalti tírao Charro, e volve a marcar desta vez ao lado
esquerdo do porteiro.
Ambiente e incidencias: Pouco público,
tan só 90 seareiros. Tarde nubrada con 20º de temperatura. Expulsado na xogada
do 2º penalti, o visitante Carlos. Non houbo mancados de consideración.
Xogadas de perigo da SCD
Malpica: M. 18: internada de Casais pola banda esquerda, chega a liña de fondo e centra
sobre á área pequena, hai unha serie de rexeitas e remates e, finalmente Carlos
Mallo, só ante Álvaro, remata as mans deste.
Xogadas de perigo do Val
do Ulla U.D.: M. 29: Cristian, recibe un
balón por enriba da defensa local e, ante a saída de Asier, realiza unha
vaselina que sae fora por pouco. M. 31: falta
lanzada por Cristian ao punto de penalti, o perigosísimo testarazo do central
Martín, cae a chumbo entre a rede e o traveseiro. M. 46: centro de Jordan dende a banda dereita o “coiro” pasease
pola área local ata os dominios de Piru, o cal empalma un trallazo que se vai
estrelar ao poste esquerdo de Asier. M.
90+2: Tremendo e sorprendente tiro de Neiriña, dende 40 metros, ao que responde
Asier, cunha formidable parada.
Comentario: Primeira parte de
superioridade visitante nas que os malpicáns non eran capaces nin de crear xogo
nin perigo ante o porteiro Álvaro, aínda así, conseguiron chegar ao tempo de
lecer con empate, grazas a un regalo do central visitante Martín.
O equipo de Chema Rivadulla, grazas aos trocos realizados e ao cambio de
esquema táctico, conseguiu nivelar o xogo dos visitantes e darlle a volta ao
marcador, aproveitando outro penalti e o acerto de Eme, nun gran remate.
XIII Edición
da “Liga da Costa” de Fútbol Veterano–(1ª Volta)- 8ª Xornada:
Resultado: MALPICA 5–2 BUÑO
Aliñación do Malpica: Juan; Chucho, A. Carballo, Alfredo, A. Coruña; J.L.Arcay,
Mútiu, A. Barizo, Luís Naya; Ban Ban, Wahsi . Tamén
xogaron: Chaves, Luazas, Carlos Pose,
Leo.
Árbitro: Sr. Iván.- Actuación discreta, nun
partido no que ambos equipos se empregaron con deportividade. Quizais a única
lagoa foi a sinalización do penalti favorable ao Buño.
Goleadores: 1-0, m. 10:
tras un saque de curruncho malpicán, hai un rexeite
frouxo da defensa do Buño, que aproveita Alberto de
Barizo, cun soberbio tiro dende o borde da área. 1-1, m. 15: Javi Chouciño, cabecea
ao fondo da rede un saque de curruncho. 2-1,
m. 17: saque de falta lateral efectuada por Alb. Coruña, Alfredo, de impecable testarazo manda á rede. 3-1, m. 25: xogada individual de J.L. Arcay, que bate na
saída ao porteiro visitante. 3-2, m. 60:
o árbitro saca co seu silbato unha leve entrada de Luazas sobre un
dianteiro oleiro, o mais que dubidoso penalti transfórmao Pedro. 4-2, m.
61: nada mais sacar de centro, J.L. Arcay,
aproveita moi oportuno unha indecisión da defensa oleira e bate ao porteiro visitante. 5-2, m., 71: gran xogada individual de
Leo, que se vai de todos os contrarios que lle
saen ao paso e marca o derradeiro gol.
Incidencias: Mañá soleada, na “Pedra
Queimada” con preto de 15 incondicionais seareiros nas bancadas. Non houbo que
lamentar ningún mancado de consideración nin expulsados.
Comentario: Continúa a
imbatibilidade dos veteranos do Malpica, logo de oito xornadas disputadas. Esta
mañá, ademais, lograron alcanzar os tres puntos que os acomoda preto dos postos
da cabeza da táboa. O Buño só aguantou medio tempo, despois os malpicáns
lograron levar sempre a iniciativa desaproveitando varias ocasións de gol.
AGORA E
SEMPRE COA SCD MALPICA!
Pola
súa banda a SCD Malpica, despois da necesaria vitoria acadada ante o Val do
Ulla UD, para non quedar descolgada na táboa, chega a este difícil compromiso cunha
elevada moral, ademais, Chema Rivadulla, xa ten recuperados a varios
futbolistas que, por diversos motivos non puido contar con eles. Para este
domingo, sufrirá a baixa por sanción de Martín Uruguaio, por cumprir o ciclo de
5 tarxetas, sendo dúbidas, Eloy Vilas, Javi Trigo, Adrián Rei e o moldavo
Vitalie.
