=SORTEO DA
“COPA DA COSTA” XUVENIL E ENTREGA DE BALÓNS DE FÚTBOL AOS CLUBES COSTEIROS=
Celebrouse na tarde – noite de hoxe
no Pavillón Deportivo de Baio, reunión entre os representantes da F.G.F. e os
clubes costeiros, para realizar o sorteo da “copa da costa” xuvenil.
Asistiron ao acto, por parte
federativa os seguintes membros:
D. José García
Liñares. Presidente
D. Diego Batalla. Secretario
D. Benxamín Amido Vicesecretario
D. José Gerpe Tesoureiro
Igualmente, estivo
presente na reunión, un membro da empresa telefónica “Movistar”, patrocinadora da F.G.F. o cal foi
o primeiro que se dirixiu aos clubes “costeiros” asistentes (faltaron os
representantes do Muxía CF. SD Fisterra, Sp. Zas e algúns outros de fútbol
base), para explicar que era para empresa “Movistar” unha gran honra patrocinar
á F.G.F.
Antes do comezo do sorteo, fixo tamén uso da
palabra o Sr. García Liñares, agradecendo a “Movistar” o seu patrocinio cuxo
importe foi de 100.000 euros, dos cales 70.000, a F.G.F., destinounos para
balóns a repartir entre todos os clubes galegos. Tamén indicou o Sr. presidente, que, a casa deportiva “Joma”,
pola compra do material, dooulle a F.G.F. 100 balóns.
Posteriormente, comezouse o reparto
dos balóns, tocándolle a cada clube, segundo os equipos cos que contaran, un
máximo de 12 e un mínimo de 6. Os
representantes dos clubes, foron desfilando por orde de chamada un por un,
recollendo en bolsas os balóns correspondentes, que foron entregados, polo Sr.
Liñares, o Sr. Gerpe e o representante de “Movistar”
Acabado o acto de entrega, procedeuse a realizar o sorteo de “copa”
xuvenil, no que houbo bastante desacordo, pois os representantes federativos,
propuñan a primeira eliminatoria de oitavos de final a partido único, á que,
despois dunha votación na que houbo empate a votos, decidiuse tirar unha “moeda ao aire”
a cara ou cruz e, saíu “Cara”
deste xeito, a competición será toda a dobre partido. (Iso me recorda a famosa moeda ao aire do bambino Franco Gemma, no
estadio Olímpico de Roma, cando a selección española quedou apeada do mundial
de Suíza, 1954, tralo dobre enfrontamento contra Turquía).
Data dos oitavos de final:
19 e 24-04-14.-
Todos os partidos serán as 19:00 horas.-
Momento na que sae a papeleta da SCD Malpica
Recollida dos balóns por parte de Fernando Varela, representante da SCD Malpica.
O representante do Sp. Seaia.
A representante do Lira CF
AGORA E SEMPE COA SCD MALPICA!