“L”
edición da “Copa da Costa”, semifinal (ida):
Resultado: CAMARIÑAS FC 0–3 SCD MALPICA
CAMARIÑAS FC: Pombo; Brais Mouzo,
Rodri, Manuel, (Nico, 63), Moriño, Serxio, Álex, (Paco, 34), De la Sierra,
Borja, Juan Carlos, (Nico, 79), Martín.
SCD MALPICA: Suso; Martín Uruguaio, Manuel Casal, David Castro, Mario Casal, Alemán, Andrés,
Tato, (Fernando Varela, 58), Neucha, (Adrián, 73), Mino, David Blanco, (Charro,
65).
Árbitro: Sr. Daniel Rama Rama.- (1ª Aut.- A Coruña). Boa actuación.
Asistentes: Sres. Millán Mallo e Fernández Blanco. (2ª Aut.- A Coruña). Correctos.
Goleadores: 0-1, m. 25: Centro pasado e longo de Manuel Casal, que, cando ía a perderse pola liña
de fondo é evitado por Mino, logrando enviar cara o centro, o “coiro” bota
diante de Pombo e sobre pásao por enriba , TATO, baixo paus empurra a rede. 0-2, m. 38:
saque de curruncho botado por Manu Casal e, impecable testarazo de TATO, as mallas. 0-3, m. 55:
excelente xogada de David Blanco pola banda esquerda salvando contrarios, dende
a liña de fondo, centra atrás sobre ALEMÁN, que viña lanzado que empalma ao fondo da portería de Pombo.
Ambiente e incidencias: Sobre uns 125
seareiros nas bancadas, nunha tarde desapacible con chuvia e 14º de
temperatura, preto de final do partido saíu levemente o sol.
Xogadas perigosas Camariñas FC: Debido ao gran partido malpicán,
os camariñáns, apenas crearon perigo, destacando só dúas: M. 12: saque de curruncho de Juan Carlos, en xogada ensaiada, Álex,
amaga e deixa pasar o “coiro” aos pes de De la Sierra, que empalma un tiro
cruzado que da no poste, sae rexeitado, da no lombo de Suso e vaise a saque de
curruncho. M. 48: Paco, recolle un
rexeite defensivo malpicán e lanza un forte tiro dende a media lúa ao que
responde Suso cunha extraordinaria parada.
Xogadas perigosas SCD Malpica: Os malpicáns,
que realizaron un partido extraordinario puideron resolver coas claras ocasións
que tiveron, destacando as seguintes: M.
1: gran envío de Andrés entre liñas sobre Mino, permítelle a este plantarse
ante Pombo tirando fora por moi pouco. M.
2: unha internada de Mino pola banda esquerda con envío en profundidade
sobre Neucha, dálle a este opción de disparar ante a saída de Pombo, que desvía
o suficiente coa punta dos dedos a saque de curruncho. M. 16: Saque de curruncho de Tato, o cabezazo de Neucha, vaise lambendo
o escuadra. M. 28: Mino recibe de
espaldas a portería, internase pola esquerda o seu centro rexéitao a defensa en
curto, o “coiro” vaille a M. Uruguaio que empalma cruzado lambendo o poste. M. 32: rápido contraataque de Tato,
atrae aos defensores locais e, envía sobre o desmarque de David Blanco, o cal encara
a Pombo, pero este nunha espléndida intervención desvía a s.de curruncho. M. 37: Outra excelente intervención de
Pombo nun man a man con Neucha. M. 50: sorprendente
tiro de Alemán, dende 35 metros que se vai alto por pouco. M. 72: falta a favor visitante na frontal da área, Neucha lanza
lambendo o poste.
Comentario: A SCD Malpica, encaraba esta partido de ida da semifinal de copa con moito rexelo,
pois enfrontábase a un rival, o Camariñas FC, de enorme potencial futbolístico,
que ademais acaba de deixar na cuneta ao poderoso Soneira SD nos cuartos de final.
Pero pronto se vío no campo, que os malpicáns saían a
pola vitoria e, a poder ser pola vía rápida, intentando sorprender ao seu
rival, lanzándose a tromba ao ataque e, vaia se o lograron, pois nos primeiros
15 minutos xa desfrutaron de tres claras ocasións de gol, adiantándose no
marcador no min. 25. O banco e futbolistas do Camariñas FC, xa foron incapaces
de reaccionar ante o xogo combinado e disciplinado dunha SCD Malpica, que esta
tarde librou un dos mellores partidos do campionato. Na segunda parte mais do
mesmo, iniciativa dos malpicáns e desorden local cun Pombo moi acertado que
evitou que a derrota fora superior.
Promoción a 1ª Autonómica:
AGORA E SEMPRE COA SCD MALPICA!
