Libros

Libros

sábado, 25 de mayo de 2019

LVI Copa da Costa:


       Segue á SCD Malpica competindo na "Copa da Costa" e, tras deixar na cuneta a dous "cocos" importantes, Xallas CF e V. de Baño CF; o sorteo deparoulle nos "Cuartos de Final"  ao Cabana SD, rival no que ambos na tempada 1984/85, disputaron a "finalísima" da XXII edición, que veu parar as vitrinas da SCD Malpica tras dous partidos disputadísimos (1-1 e 4-4), que acabaron proclamando aos malpicáns campión, (despois dunha reñida tanda de penaltis 3-4) da única "copa" conseguida tras tres finais disputadas.

    O Cabana SD, foi fundado na tempada 1981/82 competindo ininterrumpidamente até tempada 2003/04, na que causou baixa por renuncia a participar na 1ª Rexional na quie estaba encadrado, volvendo a causar alta de novo na tempada 2005/06, pero na 3ª Rexional, pois debido a "renuncia", tivo que competir na categoría mais baixa da "costa".

       Leva disputadas: 37 tempadas, repartidas entre 6 en 1ª, 17 en 2ª e 14 en 3ª. Ten tres títulos de liga (Tempadas 85/86, 89/90 e 02/03) e unha "copa da costa" (02/03), nesta tempada conseguiu o "dobrete".

      Na tempada actual que acaba de finalizar, logrou o ascenso á 2ª Galicia, ao acadar o 2º posto da táboa tras á SD Coristanco.

      Presentase unha eliminatoria a dobre partido moi igualada, pois aínda que os cabaneses, proceden da 3ª Galicia, non hai que olvidar que lograron matemáticamente o ascenso despois dunha brillante campaña, deben andar con moita cautela os homes de Adrián Bardanca (Gurita) e non pensar que, por ser de superior categoría vai ser un paseo militar.

     Os malpicáns non poderán contar para este partido co mediocampista Aitor, por sanción. Espérase unha grande afluencia de seareiros., sobre todo por que a directiva da SCD Malpica, procurou por a hora do partido, dende que os demais partidos de Cuartos terminasen.              

 

  “LVI” Edición da “Copa da Costa” afeccionados, CUARTOS de final (IDA):

Campo            :           “Pedra Queimada”   (Malpica, 100 x 60, herba artificial)           
Resultado        :           SCD MALPICA    CABANA SD
Data e hora     :           Domingo: 26-05-19, 19:30 horas        
Árbitro :           :           Sr. Alberto Baña Tajes, (1ª Galicia, Colexio da Coruña).
Asistentes       :          Sres. José Ageitos Pasantes e Manuel Espasandín Romar (2ª Galicia. Costa da Morte)

AGORA E SEMPRE COA SCD MALPICA!

lunes, 20 de mayo de 2019

LVI Edición da "Copa da Costa":


   Na tarde noite de hoxe, celebrouse na Auditorio de Zas, o sorteo dos Cuartos de Final de "LVI COPA DA COSTA", no que tiveron presentes os representantes dos oito equipos clasificados para tal rolda: CD Baio, SCRD Esteirana, (1ª Galicia), Corme CF, SCD Malpica, (2ª Galicia), Cabana SD, Camariñas FC, SD Coristanco e SD Castriz (3ª Galicia).

  A primeira bola que saíu, foi a do Cabana SD emparellado coa SCD Malpica, pero inmediatamente os representantes dos dous clubes se puxeron de acordo para celebrar o primeiro partido no campo da "Pedra Queimada" de Malpica, acordo que foi logo refrendado ante os dous representantes federativos que protagonizaron o sorteo, o Sr. Villamisar, actual vicepresidente da RFGF e o SR. Manuel Corredoira.

  Deste xeito o orde de emparellamento quedou tal como se reflexa neste cadro:

 Acordouse que, a disputa dos partidos, horarios e prezo das entradas, sexan da seguinte forma:

Datas: Domingo 26-05-19, (salvo acordo posterior de algún dos implicados).

Horarios: As 18:00 horas. (salvo acordo posterior de algún dos implicados).

Prezo das entradas: Prezo unificado de 3:00 euros, en todos os campos.

Modalidade da competición: En caso de empate a goles na eliminatoria, logo de disputarse o segundo partido, NON HABERÁ PRORROGA, haberá lanzamento de penaltis. (A prorroga será soamente na final).

   Os enfrontamentos das semifinais serán os seguintes:  
   
   Vencedor: SCD Malpica - Cabana SD. Contra Vencedor: Camariñas FC - SD Coristanco. Vencedor: SCRD Esteirana - CD Baio. Contra vencedor: Corme CF - SD Castriz.

   Os directivos da SCD Malpica asistentes ao sorteo, en teoría quedaron moi satisfeitos do desarroio do mesmo, posto que, os enfrontamentos, tanto en Cuartos coma en Semifinais, son contra equipos da 3ª Galicia (aínda que Cabana SD, SD Coristanco e SD Castriz), acaban de lograr o ascenso, pero en "teoría"  son mais asequibles ca os rivais de 1ª Galicia e o Corme CF.

   Pero iso non quere dicir nada, pois os catro conxuntos da 3ª Galicia, eliminaron a rivais de mais categoría e os partidos hai que xogalos.

AGORA E SEMPRE COA SCD MALPICA! 
   

domingo, 19 de mayo de 2019

"LVI COPA DA COSTA"


   Á SCD Malpica nun gran partido, vence nos penaltis ao subcampión de liga deste tempada, o Volantes de Baño CF, logo de chegarse ao final dos noventa minutos con empate a cero goles.
   A mellor entrada da tempada na "Pedra Queimada", con preto de douscentos seareiros, con moitos seguidores do conxunto visitante, eufóricos polo subcampionato conseguido na liga da costa e pendentes de disputar a promoción de ascenso a Primeira Galicia.
   O trio arbitral do partido estivo en todo momento correcto, aínda que se lle reclamou ao colexiado principal algunha falta dentro da área a favor do conxunto local, pero que estimou que non eran motivo de sanción.
   Á SCD Malpica que, leva dúas eliminatorias con sendos rivais en teoría superiores, esta a facer un fútbol de alta gama, moi distinto ao da campaña ligueira, e, si ante o Xallas CF, foi de alto nivel, esta tarde fronte ao conxunto de Baño, bordárono, até o punto de eclipsar totalmente a un rival que, só baseaba a súa estratéxia a balón parado (faltas e saques de corruncho) ou en pases longos dende o porteiro e a defensa, aos seus dous homes punta moi veloces ambos, pero a defensa malpicán estivo inconmensurabel, sobre todo cun Cristian Villar rápido e veloz. Aínda que todo equipo raiou a un gran nivel. 
   Nota a parte merece destacarse ao porteiro EUSEBIO, un cincuentón (pero que parece un xuvenil polo seu pundonor) que saltou ao campo uns intres antes de que o árbitro silvase o final, todo previsto para que, coa súa veteranía fixése marrar os penaltis aos contarios, e, a fé que o conseguiu, logrando parar un, e, obrigándolle a lanzar ao poste o segundo tiro dos visitantes, debido a súa movilidade de baixo dos paus.
   Aliñación da SCD Malpica:
                                             Ángel; (Eusebio, 92), Laik, (Jairo, 52), Andy, (Belar, 90), Cristian, J. Fuentes; Capelán, Aitor, Roberto, (Miguelio, 46), Martín, (Brais Ceán, 81), Gonzalo, Mante.
                SCD Malpica:           Así foi o lanzamento dos penaltis:    V. de Baño:
                1º Juan Fuentes: Gol                                                     1º Formoso: Para Eusebio
             2º Jairo:              Gol                                                     2º Samuel:   Poste
             3º Capelán:         Gol                                                      3º Mayo:       Gol
             4º Belar:             Gol
              


 AGORA E SEMPORE COA SCD MALPICA!
 
                                    

jueves, 16 de mayo de 2019

"Copa da Costa" Oitavos de final-SCD Malpica:


   Trala exitosa xornada dos dezaseisavos de final, na que á SCD Malpica eliminou sorprendentemente ao Xallas CF, vixente campión da "copa"; correspóndelle, en Oitavos de Final, recibir no campo de "Pedra Queimada" ao subcampión da "Liga da Costa" o Volantes de Baño CF, inmerso na promoción de ascenso a 1ª Galicia.
   Deste xeito tamén e por dito motivo, os malpicáns teñen que adiantar o partido ao sábado, pois así o recolle o regulamento da competición.
   O Volantes de Baño CF, veciño da parroquia de Baño, concello de Muros, foi fundado na T. 2011/12, debutando na 3ª Autonómica, categoría na que logrou o ascenso á "Liga da Costa" tras unha promoción coa UD Cerqueda.
   O Volantes, leva disputado oito campionatos de liga, 5 en Segunda e 3 en Terceira, conseguindo un título de 3ª na T. 2017/18 e o subcampionato de 2ª esta tempada, ao sumar 64 puntos, tras 20 partidos gañados, 4 empatados e 6 perdidos, materializou 82 goles e encaixou 38. Un duro rival por tanto para á SCD Malpica.
   Pero os malpicáns, eufóricos pola súa vitoria ante o Xallas CF, queren volver a dar a campanada, contando xa para este partido con Juan Fuentes, libre da sanción que lle impediu aliñarse fronte aos xalleiros, con Gonzalo Vilariño (ausente tamén por motivos persoais) e Belar, resposto da lesión.
   Así as cousas, espérase un partido moi complicado na "Pedra Queimada" pero os afeccionados malpicáns que van acudir ao campo (espérase un gran entrada) van a levar en voantas aos homes de Adrián Bardanca "Gurita" á vitoria final e o pase a cuartos, pois o encontro é a partido único. (Caso de empate, haberá unha tanda de penaltis).

               “LVI” Edición da “Copa da Costa” afeccionados, Oitavos de final (Partido único):

Campo            :           “Pedra Queimada”   (Malpica, 100 x 60, herba artificial)           
Resultado        :           SCD MALPICA    VOLANTES DE BAÑO CF
Data e hora     :           Sábado: 18-05-19, 17:00 horas          
Árbitro :           :           Sr. Bruno Méndez Castro, (3ª División, Colexio da Coruña).
Asistentes       :           Sres. Daniel Martínez Ferreiro e José Ageitos Pasantes (2ª Galicia. Costa da Morte)

 

AGORA E SEMPRE COA SCD MALPICA!

 


 
   

domingo, 12 de mayo de 2019

Resultados da Copa e crónica da SCD Malpica:


   Á SCD Malpica nunha extraordinaria primeira parte, deixa fora da "Copa da Costa" ao actual campión, Xallas CF.
    O conxunto malpicán, coas baixas de Gonzalo, J. Fuentes e Marcos entre outros, consigue dobregar ao campión nunha primeira parte para enmarcar, logo na segunda, os Xalleiros, que saíran con catro xuveniles, introduciron toda artillería titular pero os futbolistas da SCD Malpica tremaron moi ben ordenadamente as embestidas dos visitantes logrando nadar e gardar a roupa, chegando ao final cunha merecida vitoria.
      Excelente debut do larachés, "Michi" autor de dous goles.

     Estes foron os heróes da SCD Malpica, que conseguiron a fazaña: 
  
Ángel; Mante, Andy, Cristian, Laik; (Migueliño, 61); Capelán, (Jorge, 78), Jairo, Roberto, (Brais Ceán, 75), Michi, Aitor, Martín, (David, 65).

   Goleadores:  1-0, m. 9: Michi. 2-0, m. 25: Michi (p). 3-0, m. 38: Roberto. 3-1, m. 50: Marcos. 3-2, m. 90: Julián.

VETERANOS: 
   Á Asociación de Veteranos da SCD Malpica, logrou un meritoio empate a tres tantos no seu partido de volta dos Oitavos de Final da XVI edición da "copa da costa" ante o Subcampión de liga da División de Honra, pero quedou fora da "copa".
   Aliñación: Suso; Chaves, Alb. Barizo, Luís Naya, Alb. Seaia; Mútiu, Alb. Carballo, Nando Couto, Palermo, Leo, Sus Zas. (Tamén xogaron: Whasi, Abel, Fdo. Couto).
   Goleadores: 1-0, m. 9: Víctor Pardiñas. 1-1, m. 28: Palermo. 2-1, m. 66: Jesús Abelenda. 3-1, m. 68: Becerra. 3-2, m. 80: Palermo. 3-3, m. 89: Palermo.

Resultados da xornada de hoxe: 




AGORA E SEMPRE COA SCD MALPICA!

sábado, 11 de mayo de 2019

"LVI edición Copa da Costa" Afeccionados e XVI Veteranos:


   Ábrese o telón, para á "descafeinada" "copa da costa", pero así o esixen os mandatarios da RFGF.
   Tras á eliminatoria previa que se disputou en dúas tandas a partido único, o 03-03 e o 01-05-19; esta fin de semana toca iniciar os Dezaseisavos de final, que se disputarán, igual ca os Oitavos, a partido único.
   
   Nestes enfrontamentos dos Dezaseisavos, o sorteo deparoulle á SCD Malpica loitar polo pase a Oitavos, cun Preferente Galicia, o Xallas CF, equipo que, nas últimas seis tempadas leva conseguidos 4 títulos, rival moi incómodo polo tanto para á SCD Malpica que espera facer que o factor campo e, sendo a eliminatoria a partido único, pasar a Oitavos.

   O Xallas CF, da localidade de Santa Comba, é todo un conxunto veterano da "costa" aínda que nas últimas oito tempadas esté competindo na Preferente Galicia.
   Foi fundado na T. 1965/66 ausando baixa temporal na T. 1970/71.
   Causou alta de novo, na T. 1972/73 até T. 2011/12, que se fusionou co Santa Comba, quedando ambos co nome de Xallas de Santa Comba, competindo con este nome tres tempadas: 2012/2013 até 2014/15. Na 2015/16 até a actual compite coma Xallas CF, nome do se orixe.
   Acredita competindo: 53 tempadas, repartidas en: 11 en Preferente, 7 en Primeira, 33 en Segunda e 2 en Terceira. Conseguiu nestas tempadas, 3 ligas (2 en 3ª Autonómica  e 1 en 1ª Autonómica) e 8 copas da "costa" (6 coma Xalllas CF e 2 coma Xallas de Santa Comba).
   Na actualidade, esta loitando no posto baixos da táboa de Preferente para non descender polos posibles arrastres da Terceira División, vai clasificado no posto 15º con 40 puntos nas 35 xornadas disputadas: gañou 11 partidos, empatou 7 e perdeu 17, materializou 52 goles encaixando 63.
   Pola súa banda á SCD Malpica que adestra "Gurita", esta moi ilusionado en poder vencer a un rival de dúas categorías superiores, e, a pesares de non poder contar cun dos centrais por sanción, reforzouse cun futbolista de categoría superior como é o Larachés MICHI. Partido polo tanto complicado pero dentro do clube local esperan unha boa afluencia de seguidores que leven en voandas aos futbolistas malpicáns a conseguir a vitoria.

    Os Veteranos da SCD Malpica, desprázanse ao campo Municipal da Laracha, a disputar o partido de volta ante  CD San Román, cunha diferencia de goles en contra recibidos no partido de ida en Malpica favorables aos de Cabo Vilaño, (1-6). Pouco poden facer ante este marcador en contra, pero van competir honrosamente para poder maquillar algo o resultado.
Campos, horarios e árbitros:

 

               “LVI” Edición da “Copa da Costa” afeccionados, Dezaseisavos de final (Partido único):

Campo            :           “Pedra Queimada”   (Malpica, 100 x 60, herba artificial)           
Resultado        :           SCD MALPICA    XALLAS CF
Data e hora     :           Sábado: 11-05-19, 17:00 horas          
Árbitro :           :           Sr. Rubén Reborido Rodríguez, (1ª Galicia, Colexio da Coruña).
Asistentes       :           Sres. David Castreje Ferrío (1ª Galicia, A Coruña) e Iván Ferreiro Santos, (3ª Galicia,
                                   C. Morte)

1ª edición da “Copa da Costa” de Fútbol Veterano (RFGF) Oitavos de final (volta):

Campo            :           “Municipal”  (A Laracha, 102 x 61, herba artificial) 
Equipos           :           A.C.D. S. ROMÁN DE VETERANOS  -  A.V. SCD MALPICA
Data e Hora     :           Domingo: 12-05-19, 10:00 horas.
Árbitro            :           Sr. Manuel Rodríguez Vázquez. (Colexio da Coruña)

AGORA E SEMPRE COA SCD MALPICA!