Actualidade da SCD Malpica:

    Ábrese o telón para unha nova tempada, á 2018/19 é, á SCD Malpica como cada ano por estas datas comeza os adestramentos.

 Onte xoves, (26-07-18) os malpicáns, realizaron a presentación no campo da "Pedra Queimada" de cara á vindeira liga, (logo da Asemblea ordinaria da Real Federación Galega de Fútbol que se celebrará o dia 30-07-18) coñeceráse a data de comezo da mesma, que será posiblemente, entre o 26 de Agosto ou o 02 de Setembro.

  Na presentación da SCD Malpica, xuntáronse nesta primeira proba, CATORCE futbolistas xunto co novo adestrador GURITA. Esta tempada, exercerá de segundo adestrador-xogador, Dani Casal.

   Ademais dos futbolistas que repiten da tempada anterior: Gonzalo, Dani Casal, Manteca, Änxo Garrido, Jordan, Juan Fuentes, etc..., son altas entre outrosToni, (Mazaricos) e algúns futbolistas malpicáns que retornan ao equipo, ata completar os CATORCE que adestraron. Logo da sesión, celebraron o acontecemento cunha sardiñada agasallados pola xunta directiva da SCD Malpica. 

   A xunta directiva, non descarta aínda mais incorporacións, das que se irá informando oportunamente.

AGORA E SEMPRE COA SCD MALPICA! 

    

   

   

   

     

Actualidade da SCD Malpica:

AO FINAL, PRODÚCESE O “CONSENSO” A TRES BANDAS ENTRE O CONCELLO DE MALPICA, O SP. SEAIA CF E Á SCD MALPICA.

     Por fin e, a falta só da confirmación de parte dos pais dos rapaces, (algúns xa están decididos) á SCD Malpica, o Sp. Seaia e o Concello de Malpica, chegaron hoxe a un principio de acordo, para que, o clube titular da capital do Concello, compita na vindeira tempada 2018/2019, nas categorías de Cadetes, Xuvenís e Afeccionados nas competicións federadas da “liga da costa”.

    Se hai tan só tres días a existencia da SCD Malpica estaba no “aire” por falta de directiva, hoxe pódese afirmar, que, non só hai directiva, senón que chegouse a un entendemento “tripartito” no que destacou a sincera cordialidade e o sentido común. Acabouse polo tanto satisfactoriamente o “mini culebrón do verán”.

    Así as cousas, mañá mércores, haberá unha xuntanza no Concello malpicán, convocada polo Sr. Alcalde D. Eduardo Parga, onde os Presidentes dos catro clubes representativos do municipio: Buño SCD, UD Cerqueda, Sp. Seaia e SCD Malpica, acordarán diversos temas relacionados coas competicións, subvencións e melloras nos campos de fútbol de Xaviña e Pedra Queimada.

    Á SCD Malpica convida, lanzando un extensivo chamamento aos pais dos rapaces que aínda se atopan indecisos, para encadrarse no clube e competir nas categorías de Cadetes e Xuvenís que se queren formar, igualmente se convida a todos os rapaces de, entre 13 e 18 anos de todo municipio para que acudan a enrolarse no equipo malpicán.

VISITA DO SR. LOUZÁN A MALPICA

   O vindeiro venres día 13, acudirá ao campo de “Pedra Queimada”, o Presidente da RFGF, Sr. Louzán, para tratar co Sr. Parga, alcalde de Malpica e co Presidente da SCD Malpica, varios asuntos relacionados co clube malpicán.

AGORA E SEMPRE COA SCD MALPICA!

Actualidade da SCD Malpica:

     Coa asistencia de cinco directivos e 15 socios, celebrouse nas instalacións do campo de fútbol da "Pedra Queimada", á anunciada Asemblea Extraordinaria de Socios da SCD Malpica, na que estaba convocada para presentación de candidatúras á Presidencia do clube malpicán e, se procedía, á elección de nova xunta directiva.

    Trala lectura da acta anterior realizada polo Secretario J. Fernándo Couto, éste, fixo unha pequena exposición aos presentes do motivo da celebración da Asemblea, pasando a continuación a palabra ao Presidente Manuel Suárez, o cal a súa vez tamén informou aos socios presentes o por que da Asemblea, explicándolle a todos que, caso de non presentarse candidatos, o vindeiro luns ou martes, se enviaría á RFGF, un escrito de BAIXA E RETIRADA TEMPORAL DA COMPETICIÓN, tras 45 anos de historia da SCD Malpica.

   Por parte dos socios, tomaron a palabra varios compoñentes, para comentar de que entre os presentes non había ningunha candidatura, pero algúns deles, tras expoñer os seus pareceres, caso do Sr. Cañizo, Sra. Doris Pombo, Sr. J. Manuel Dourado, Sr. Jesús Vila e  Sr. Ramón Gundín, entre outros, prestaronse a  colaborar como directivos se o Presidente actual e parte da súa Xunta continuaban.

  Así as cousas, e, tras dúas horas e quince minutos de deliberacións, a Xunta Directiva da SCD Malpica, a falta de algúns cargos que non puideron acudir a Asemblea Extraordinaria, quedou constituida polos seguintes membros:

  Presidente:        D. Manuel Suárez Cotelo

  Vicepresidente: D. Jesús Vila Varela

  Secretario:         Sen decidir

  Tesoureiro:        D. Manuel Fernando Varela Velo

   Vogales:            D. Federico Blanco Charlín  

          Id.                D. Manuel Verdes Lista

          Id.                D. Alfredo Cañizo Garrido

          Id.                D. Ramón Gundín González

          Id.                D. Manuel Vilas Varela

   De primeiro, a idea da Xunta Directiva e participar nas categorías Cadetes, Xuvenís e Afeccionados, para elo váise solicitar unha entrevista co Sr. Alcalde para ver tal posibilidade.

   Á Asemblea, que comezou en segunda convocatoria ás 19:30 horas, deuse por finalizada ás 21.45 horas.

AGORA E SEMPRE COA SCD MALPICA!

Actualidade da SCD Malpica:

ASEMBLEA XERAL EXTRAORDINARIA DE SOCIOS

DA SCD MALPICA:

LUGAR: NAS OFICINAS DE CLUBE NO CAMPO DA “PEDRA QUEIMADA”.

DATA E HORA: SÁBADO, 07-07-18, ÁS 19:00 HORAS.

ORDE DO DÍA:

PRESENTACIÓN DE CANDIDATURAS PARA A ELECCIÓN DA NOVA XUNTA DIRECTIVA OU COMISIÓN XESTORA DO CLUBE SCD MALPICA.

A COMISIÓN XESTORA ACTUAL, NOMEADA PARA LEVAR A CABO O PROCESO DE ELECCIÓN DA NOVA XUNTA DIRECTIVA DA SCD MALPICA, SOLICÍTALLE A TODOS OS SOCIOS/AS OU INTERESADOS/DAS, QUE ACUDAN Á DEBANDITA ASEMBLEA, POSTO QUE ESTA EN XOGO Á DESAPARICIÓN DO CLUBE SCD MALPICA, DESPOIS DE 45 ANOS DE HISTORIA.

ESTA EN VALOR DENDE A SÚA FUNDACIÓN O TRABALLO E A CONSTANCIA DE MOITÍSIMAS PERSOAS QUE AO LONGO DESTES TANTOS ANOS, CONTRIBUIRON A QUE O CLUBE MALPICAN, CHEGARA DEPORTIVAMENTE AS COTAS MAIS ALTAS DA “LIGA DA COSTA”

DENDE 1970, ANO DA COMPRA DOS TERREOS E DENDE 1973 QUE COMEZOU A COMPETIR, Á SCD MALPICA, SÓ EN AFECCIONADOS, CONSEGUIU, CINCO TÍTULOS DE LIGA E UNHA “COPA DA COSTA”, REPARTIDOS ASÍ: 1 DE REXIONAL PREFERENTE, 1 DE PRIMEIRA REXIONAL E 3 DE SEGUNDA REXIONAL.

ADEMAIS, DE CATRO SUBCAMPIONATOS DE LIGA E DOUS DA “COPA DA COSTA”.

CONSEGUIU ADEMAIS EN XUVENIS, 6 CAMPIONATOS E 7 SUBCAMPIONATOS,  1 SUBCAMPIONATO DE CADETES E 1 SUBCAMPIONATO GALEGO DE AFECCIONADOS.

AO LONGO DE TODOS ISTOS ANOS, Á SCD MALPICA, FOI UNHA DAS ENTIDADES QUE PROPAGOU E DIFUNDIU DEPORTIVAMENTE, O NOME DO POBO DE MALPICA POR TODA A COSTA DA MORTE.

POR TODO ISO E POR MOITO MAIS, SOLICITAMOS DE SOCIOS, AFECCIONADOS, EX_XOGADORES, EX_DIRECTIVOS ETC… QUE NON DEIXEDES DESAPARECER Á ÚNICA ENTIDADE DEPORTIVA DE RENOMBRE QUE EXISTE NA LOCALIDADE.

¡¡¡ POBO EN XERAL NON O CONSINTADES !!!

Actualidade da SCD Malpica:

 A SCD MALPICA CONTINÚA SEN XUNTA DIRECTIVA

    LOGO DA SEGUNDA XUNTANZA CELEBRADA NO DÍA DE ONTE SÁBADO 30-06-18, Á QUE ASISTIRON UNHAS TRINTA PERSOAS, A MAIORÍA NAIS E PAIS DOS RAPACES DA CATEGORÍA DE CADETES E XUVENÍS, NON SE CONSEGUÍU CONSENSO PARA RECOLLER O TESTIGO DA XUNTA DIRECTIVA DA SCD MALPICA.

      ASÍ AS COUSAS, A DIRECTIVA DIMITIDA, PRORRÓGA UNHA SEMANA MAIS O PRAZO, FIXÁNDOSE UNHA NOVA XUNTANZA DE SOCIOS PARA O SÁBADO DÍA 07-07-18 (SAN FERMÍN) ÁS 20:30 HORAS, NAS INSTALACIÓNS DO CAMPO DE FÚTBOL DA "PEDRA QUEIMADA". 

        MENTRES TANTO, Á REAL FEDERACIÓN GALEGA DE FÚTBOL, TEN CONVOCADA PARA O MÉRCORES 04-07-18, ÁS 20:00 HORAS, REUNIÓN COS CLUBES DA "COSTA" PARA FACER Á COMPOSICIÓN DOS GRUPOS PARA TEMPADA 2018/19.

AGORA E SEMPRE COA SCD MALPICA!