Libros

Libros
Page copy protected against web site content infringement by Copyscape

jueves, 29 de noviembre de 2018

Escrito ao Comité de Competición da RGFF:


    

    O Comité de Competición de Real Federación Galega de Fútbol (en diante RFGF)
“NINGUNEA” e “INDIGNA”  ao clube SCD Malpica, trala Resolución aplicada a este clube, polos acontecementos avidos no partido do pasado domingo no campo “San Paio de Refoxos” de Cee, entre os equipos UC Cee-SCD Malpica.

F E I T O S :

    O Comité de Competición da RFGF, notifica unha Resolución, totalmente contraria aos intereses da SCD Malpica e sanciona a tres futbolistas deste clube cun partido, baseándose, entre outras, nas Regras de Xogo da IFAB (internacional Fútbol Asociación BOARD), dependentes DA FIFA.
    Concretamente, alude a Regra nº 13, pero sen argumentar o seu contido, pasando olimpicamente das alegacións presentadas pola SCD Malpica, incluso con aportación de probas video gráficas, claras e concisas da “xogada” que ocasionou a polémica e os motivos das tres expulsións con tarxetas vermellas directas ( a cuarta expulsión foi por dobre amarela).
    A citada xogada transcorreu no min. 85, sancionando o árbitro unha clara falta ao UC Cee á altura da liña divisoria dos dous campos. Dado o pouco tempo que faltaba para o final do partido e, como o marcador tamén lle era desfavorable, un futbolista malpicán intentou o saque rápido da falta, para intentar polo menos a igualada no marcador, pero é aquí, que xorde a polémica ocasionante da posterior tángana; un futbolista do UC Cee ponse diante do “coiro” a unha distancia milimétrica evitando intencionadamente o seu lanzamento ocasionando un lóxico rexeite do “coiro” nas súas pernas ata chegar a outro compañeiro, que tampouco se atopaba a distancia regulamentaria (9,15 m.), como sinala a Regra nº 13 da IFAB, este avanzou só sen obstáculo algún,(xa que os futbolistas da SCD Malpica, estaban todos a espera de remate nun saque longo), encarando a portería malpicana e batendo ao seu porteiro.
    O resultado da xogada, visualizase moi claro no vídeo aportado pola SCD Malpica ao Comité.
   
ACLARACIÓNS:

    Aclarase aos lectores deste blogue que, as sancións impostas polo Comité aos tres futbolistas das tarxetas vermellas, baséanse no artigo 106.c) do Regulamento Disciplinario da RFGF cuxa redacción di así: “dirixirse aos árbitros en termos de menosprezo e desconsideración…”
    Á SCD Malpica pretendía no seu escrito de alegacións, dado que de non existir a infracción do futbolista local na falta ocasionante da tángana, non se producirían ás expulsións, que se lle aplicara o artigo 102.c) que di: “formular reparos ao árbitro…”
isto só sería motivo de AMOESTACIÓN, que sería o mais xusto, tal como se desarroiaron os acontecementos. O propio árbitro fai constar na Acta que, dous dos expulsados dirixíronse a el nos seguintes termos: “árbitro es moi malo” outro a esta frase engadiulle a palabra “imbécil” ao final do partido
En canto á Regra nº 13 da IFAB (páxina 111), Tiros Libres, consta de tres apartados:
1.- Tipos de tiros libres.
2.- Procedemento: Este apartado, entre outras, dispón que, “os futbolistas adversarios deben permanecer como mínimo ante o lanzador da falta a distancia de 9,15 m., salvo que estean sobre a liña de meta ou si se trata dun lanzamento dun penalti”.
3.- Infraccións e Sancións: Este apartado consta de catro parágrafos e dúas indicacións.
No primeiro parágrafo, e, onde o Comité recolle as súas conclusións, só se fixa en dúas ringleiras, cando o texto integro é moito mais indicativo.
O texto integro di así: “ Si ao executar un tiro libre un adversario se atopa mais preto do “coiro” que á distancia regulamentaria (9,15 m.), volverase a executar o tiro ao menos que se poida aplicar a vantaxe; (Pero se un futbolista executa un tiro libre rapidamente e un adversario que esta a menos de 9,15 m. intercepta o “coiro”, o árbitro permitirá que continúe o xogo).E aquí a interpretación do Comité”. “Non obstante, (continúa o texto) un adversario que impida deliberadamente o saque dun tiro libre deberá ser amoestado por retardar a reanudación do xogo”.

C O N C L U S I O N S:

    Así as cousas e, vistos os artigos do regulamento que afectan ao caso e a Resolución do Comité de Competición da RFGF, este humilde comentarista conclúe particularmente, que o Comité actuou sen aplicar xustamente a regulación, lavándose as mans coma Pilatos e acusando unha Prepotencia  de ORDENO E MANDO, sen entrar debidamente no fondo da cuestión e as repercusións negativas que causan ao clube SCD Malpica, poñéndose sempre en contra dos mais débiles.
    Xa se sabe que sempre queda a opción de recuso ante o Comité de Apelación, pero calquera entende que este Comité non se reúne semanalmente e tratándose só dun partido de sancións a os tres futbolistas, non daría tempo material para solucionar o tema para o vindeiro partido.
POR TODO EXPOSTO:
    Conclúo  este comentario argumentando o que se indica no encabezamento, á SCD Malpica, foi “NINGUNEADO” “AVASALLADO” E “DESQUICIADO”.
  

    P.D.:  Esta grafía foi realizada libremente a iniciativa do propietario deste blogue, sen coacción algunha por parte de ningún membro directivo do clube SCD Malpica e incluso sen estar enterados. É unha opinión moi persoal.

 PARTIDOS PARA ESTE FIN DE SEMANA DA SCD MALPICA E VETERANOS:

   Con moitas baixas se presentará a SCD Malpica este domingo ante o perigoso CD Baiñas, que, aínda que leva competindo tan só sete tempadas coa actual, (Dúas en 3ª Galicia e Cinco en 2ª) esta a competir con moita autoridade, tendo nas súas ringleiras, homes goleadores coma Pablo Muiño e Javi.
   Dificil papeleta se lle presenta ao adestrador local Adrián Bardanca (Gurita), para confeccionar unha aliñación con garantías ante tan complicado rival. Aínda que esta semana, os malpicáns efectuaron dúas novas incorporacións.

    Pola súa banda, á Asociación de Veteranos da SCD Malpica, tras vencer o pasado domingo ao D. Carballo, viaxa a Buño para enfrontarse ao equipo local de veteranos, onde espera regresar cos tres puntos debido ao mal momento que atravesan os oleiros, non será nada fácil pero con esa intención viaxan.
   


2ª Galicia Grupo II – (Liga da Costa) 1ª volta – Xornada 12ª:

Campo            :           “Pedra Queimada”    (Malpica, 100 x 60, herba artificial)                      
Equipos           :         SCD MALPICA   CD BAIÑAS
Data e hora     :           Domingo: 02-12-18, 16:00 horas.-  
Árbitro             :          Sr. Rubén Reborido Rodríguez, (1ª Galicia, colexio da Coruña)

1ª Galicia de Fútbol Veterano “Costa da Morte” 1ª volta – Xornada 12ª:

Campo            :           “Xaviña“           (Buño, 99 x 60, herba artificial)
Equipos           :           BUÑO VETERANOS SD    A.V. SCD MALPICA 
Datas e hora    :           Domingo: 02-12-18, 10:00 Horas.-
Árbitro            :           Sr. Óscar Rei Sánchez, (Colexio da Coruña)

AGORA E SEMPRE COA SCD MALPICA!







domingo, 25 de noviembre de 2018

Liga da costa, resultados e clasificacións da xornada 11ª:


    Tarde desastrosa da SCD Malpica no seu desprazamento a Cee. O equipo de Adrián Bardanca (Gurita), non só naufraxiou en canto ao resultado, senón que ademais, sufríu as lexións de Belar (m. 33) e Dani Casal (m. 39) cando xa recibira un gol madrugador pero que aínda quedaba moito partido para poder emendarse.

     O UC Cee, co ata catro xuvenís nas súas ringleiras, realizou un primeiro tempo moi productivo, facendose dono e señor do campo; no segundo, cun Malpica lanzado, soubo nadar e gardar a roupa ao final o segundo gol, precedido dunha grande falta do seu autor, que o sr. colexiado non sinalou, acabaron por desquiziar aos  futbolistas malpicáns os cales acabaron ata catro no vestiario antes de tempo.

    Goleadores: 1-0, m. 8: Adrián Canosa. 2-0, m. 86: Leo.
     
     A SCD Malpica aliñou así: Eusebio; Mante, Belar, (Andy,33), Dimitrio, Jorge; Migueliño, Martín, Roberto, (Marcos, 59), Brais Lado, (Loureiro, 79), D. Casal, (Alberto H. 39), Aitor.

      Romperon a mala racha os veteranos do Malpica, vencendo con merecemento a un pelexón D. Carballo.
      
      Goleadores: 1-0, m. 21: Palermo. 2-0, m. 87: Palermo (p).

Agora e sempre coa SCd Malpica!

 

jueves, 22 de noviembre de 2018

Partidos da SCD Malpica para esta semana:

  Despois do dobre tropezo nas dúas últimas xornadas ante o Volantes de Baño e o Buño SCD, corresponde á SCD Malpica visitar ao UC Cee, coa confianza de que a terceira irá a vencida, pois senón, xurdirá á "alerta laranxa" no equipo malpicán (8º con 13 puntos).
   A empresa de puntuar non vai ser doada, pois, aínda que o UC Cee non esta a atravesar un bo momento (11º con 11 puntos), o historial do conxunto atemoriza aos seus adversarios.
   O UC Cee, afiliouse á FGF, no ano 1945, (así figura nos datos federativos), e, logo de competir nas diversas competicións que se disputaban polas comarcas de Santiago, Noia e Muros, foi un dos oito clubes que fundaron a "liga da costa" na Tempada 1963/64.           
   Leva por tanto participando nas competicións oficiais dende aquela data, 55 tempadas, repartidas do seguinte xeito: 10 en Preferente, 11 en Primeira e 34 en Segunda. Ademais, tivo contou cun equipo "B" durante seis tempadas: 5 e Segunda Rexional e 1 en Terceira Rexional.
   Os malpicáns, que recuperan para este partido a Brais Lado tralo cumprimento de sanción, perden por este mesmo motivo a J. Fuentes e a Gonzalo e Toni, mancados.

   Pola súa banda á Asociación de Veteranos da SCD Malpica, que ven de sufrir unha severa derrota ante o CD. Razo, reciben na "Pedra Queimada" ao D. Carballo.  

Campos, horarios e árbitros para á xornada:

2ª Galicia Grupo II – (Liga da Costa) 1ª volta – Xornada 11ª:

Campo            :           “San Paio de Refoxos”    (Cee, 104 x 68, herba artificial)                     
Equipos           :           U C CEE  – SCD MALPICA
Data e hora     :           Domingo: 25-11-18, 16:15 horas.-  
Árbitro             :          Sr. David Cancela García, (2ª Galicia, colexio C. da Morte)

1ª Galicia de Fútbol Veterano “Costa da Morte” 1ª volta – Xornada 11ª:

Campo            :           “Pedra Queimada “       (Malpica, 100 x 60, herba natural)
Equipos           :           A.V. SCD MALPICA    D. CARBALLO
Datas e hora    :           Domingo: 25-11-18, 10:30 Horas.-
Árbitro            :           Sr. Iván Ferreiro Santos, (Fútbol base, colexio C. da Morte)

AGORA E SEMPRE COA SCD MALPICA!

lunes, 19 de noviembre de 2018

Equipos da SCD Malpica, e resumo da xornada:


   O "derbi" da "Pedra Queimada", decantouse polo Buño SCD, nun partido no que o conxunto "oleiro" que estreaba adestrador, soubo mostrar as súas cartas cuns tres ou catro contraataques que levaron moito perigo a portería da SCD Malpica, hoxe defendida, moi ben por certo, polo "avó" da "costa", Eusebio.
   Á SCD Malpica, que dominou territorialmente, case nunca chegou con excesiva claridade a portería defendida por J. Brais, xerou algunha ocasión sí, pero as contras do Buño, foron terroríficas, desbaratándoas o "avó" Eusebio, con felices intervencións.
   O partido case se decantaba con empate sen goles, pero o exmalpicán Pitis, culminou con eficacia o último contraataque dos "oleiros", que ademais, celebrouno como se dunha final se tratara. REVANCHISMO ?

   Formación da SCD Malpica: Eusebio; Mante, Belar, Dimitri, J. Fuentes, Migueliño, Andy, (Brais Ceán, 63), Aitor, (Roberto, 85), Marcos, (Martín, 53), D. Casal, Alberto H. (Jorge, 82).
   
   Gol: Contraataque,rápido do Buño, con saída dende a defensa, troco de orientación profundo sobre a carreira de Pitis, constituido de extremo esquerdo, o cal, ante a saída a deseperada de Eusebio, cruza o "coiro" moi habilmente as redes locais.

   O CD Razo, nunha grande segunda parte, rompe a racha de tres xornadas sen perder da Asociación de Veteranos da SCD Malpica.
   Os malpicáns tremaron moi ben do conxunto local na primeira parte, chegándose ao descanso con (2-1), logo de varios erros ante o gol. 
    Goleadores:  1-0, m. 15: Gustavo. 2-0, m. 42: Couto. 2-1, m. 44: Mútiu. 3-1, m. 58: Roberto. 4-1, m. 76: Roberto. 5-1, m. 89: Gustavo.
Resultados e clasificacións da xornada:
   



 

AGORA E SEMPRE COA SCD MALPICA!