IV edición
da 1ª Autonómica, Grupo II – (2ª volta) – 30ª Xornada:
Resultado: SCD MALPICA 3 –
3 TORDOIA CF
SCD MALPICA: Víctor; Alejandro Marquez, Casais, Óscar Mocoso,
Alejandro Marquez. Eloi Vilas, © Petís, (Carlos Mallo, 80), Migueliño, Martín
Mara, (Lolo, 64), Cololo, Roi Carril.
TORDOIA CF: Juanjo; Diego,(Rubén
Veiga, 70), Zalo, © (Nolo, 46), Chino, Dubra, Toño, Maki, Che, Álvaro, (Pombo,
83), Óscar, Denís.
Árbitro: Sr. Denís Añón Salgueiro.-(1ª Aut.-A Coruña). Salvou
ben o cometido nun partido con moitas tarascadas.
Asistentes: Sres. Juncal García e Lobón Martínez.-(Ax. fútbol base.-A Coruña). Moi ben
ambos.
Goleadores: 0-1, m. 29: falta lateral dende a banda esquerda, botada por Denís ao 2º pau, toca coa
testa Álvaro, cara o outro pau onde aparece Óscar,
gañándolle á acción a defensa e introduce o “coiro” na rede. 1-1, m. 32: derrubo do porteiro Juanjo
a Cololo, cando este se dispuña a rematar un rexeite daquel a saque de falta de
Alberto M. o claro penalti, transfórmao o propio Cololo.
2-1, m. 39: gran xogada por banda
esquerda entre Petís e Roi Carril, o centro deste tócao de tacón Cololo, o
porteiro rexeita o “coiro” cara o punto de penalti onde se atopa M. Mara ,
o cal de tiro raso e colocado bate a Juanjo. 2-2, m. 41: novo saque de falta de Denís dende a liña de tres
cuartos, Víctor non acerta a rexeitar de puños na súa saída e Chino coa testa
marca a porta baleira. 3-2, m. 68:
magnífica xogada na banda esquerda entre Petís e Eloi Vilas, o centro pasado
deste, remátao coa testa Cololo,
ao pau contrario onde se atopa o porteiro. 3-3,
m. 79: un centro de Maki sobre o punto de penalti, atopa a Rubén Veiga, totalmente libre de marca,
o cal para co peito é a media volta bate a Víctor.
Ambiente e incidencias: Uns 70 seareiros nas bancadas, á metade seguidores do Tordoia. Tarde con
nubes, sol e chuvia, 8º de temperatura. Expulsado o local Casais con tarxeta
vermella directa. Non houbo mancados de consideración.
Xogadas de perigo da SCD
Malpica: m.18: xogada entre Cololo e Roi Carril con
pase deste entre liñas sobre Petís, encara a Juanjo, pero este desvía cos pes a
saque de curruncho. M. 21: gran
combinación entre Petís e Eloi Vilas, cun centro sobre M. Mara, no punto de
penalti só, este fai un mal control do “coiro” e váiselle mansamente as mans do
porteiro, desaproveitando unha clara ocasión. M. 31: falta sobre Cololo dentro da área, o árbitro sinala fora
dela, lanza Alberto M. cun tiro raso que o porteiro rexeita en curto derrubando
a Cololo cando ía a rematar. M. 57: xogada
individual de Cololo con tiro a ras do poste que salva Juanjo en gran
intervención. M. 90: Roi Carril, intenta
sorprender dende o círculo central cun tiro moi ben dirixido ao porteiro
Juanjo, que se atopaba adiantado, o porteiro rectifica e salva a situación con
moitos apuros.
Xogadas de perigo do Tordoia
CF: m. 8: o
porteiro local Víctor, salva un man
a man con Maki. M. 14: Álvaro, que
recibira entre liñas tira suave pero colocado, Víctor, salva cos pes en gran
intervención, tralo saque de curruncho prodúcese unha liorta e volve a sacar o
porteiro malpicán na raia de gol. M. 35:
Che, tira dende o círculo central co porteiro malpicán adiantado o “coiro”
sae lambendo o poste dereito. M. 45: Alejandro
M. desvía cara a súa propia portería coa cabeza unha falta sacada por Denís,
Víctor salva en áxil parada. M. 54: Denís
lanza unha falta dende o vértice da área, cabezazo de Álvaro lixeiramente alto.
M. 60: longo saque de portería de
Juanjo, o “coiro” chégalle a Denís, intérnase por banda e tira cruzado parando
Víctor con apuros.
Comentario: Partido de poder
a poder o presenciado esta tarde en campo malpicán, entre dous equipos con distinto cometido, pois mentres os de
Tordoia non se xogaban nada, a SCD Malpica, xogábase o retrasar matematicamente
outra xornada o descenso de categoría, ao final reparto de puntos que aos
malpicáns non lle soluciona nada.
Agora toca, disputar con honra as catro xornadas que restan, e, preparar á copa da costa, ademais de ir a xunta
directiva, planificando a vindeira tempada. 
XIII Edición da “Liga da Costa” de Fútbol Veterano–(2ª Volta)- 27ª Xornada:
Resultado: CORCOESTO 1 – 0 MALPICA
Aliñación do Malpica: Juan; Chucho, Alb.Carballo, Alfredo, Alb. Coruña;
Luazas, Mútiu, Alb. Barizo, Luís Naya; J.L. Arcay, Leo. Tamén xogaron: Wasi, Chaves,
Bugallo.
Árbitro: Sr. Isidro.- Boa arbitraxe axudado polo
comportamento dos dous equipos.
Goleadores: 1-0, m. 68: envío en profundidade por banda sobre o desmarque de Pichi, non acerta a
rexeitar o “coiro” o medio centro local Luazas a pesar de intentalo, o dianteiro
vaise só encarando ao porteiro Juan, pero este a pesar de tapar ben o ángulo de
tiro, non impide que o “coiro” moi axustado ao pau polo tiro de Pichi, penetre na portería.
Incidencias: Partido
disputado en Malpica a petición do Corcoesto, por ter o seu campo “As Bouzas” anegado de auga e impracticable
polas chuvias caídas en días anteriores. Esta mañá, tamén o campo malpicán
parecía unha “lagoa” debido á insistente chuvia caída durante todo partido.
Comentario: O Corcoesto, que tan só se presentou na “Pedra
Queimada” con once futbolistas, foi
quen de levarse os tres puntos a pesar da resistencia que atopou do equipo local, que tivo
ademais oportunidade de acadar mellor resultado se aproveitara as tres
oportunidades claras que tiveron J.L. Arcay (alto) e Mútiu, (desviado) cando se
atopaban claramente na boca de gol.
Así as cousas, os
malpicáns caeron no m. 68, nunha acción puntual de Pichi pero o Malpica ofreceu
dura resistencia ao dominio territorial do Corcoesto, que contaba nas súas
ringleiras con xente moito mais moza.
AGORA E SEMPRE COA SCD MALPICA!
