A Historia da SCD Malpica por Luis E. Porto

Partidos da SCD Malpica para a vindeira fin de semana:

2012-02-09T22:52:00.001+01:00

2ª Autonómica Grupo III “Liga da Costa” – Xornada 22ª (2ª volta) :

Campo: “Pedra Queimada” (Malpica)

Equipos: SCD MALPICA – CD BAIO

Data e hora: Domingo: 12-02-12, 16:15 horas

Árbitro: Sr. -(.-A Coruña).-

Logo de nove xornadas consecutivas sen coñecer a derrota, á SCD Malpica, disponse a comezar unha serie de partidos algo mais comprometidos cos celebrados ata de agora, polo menos ó que aos rivais se refire, pois nas vindeiras sete xornadas, aparecerán sucesivamente: CD Baio, Camariñas, Sofán, Corme, Club do Mar, etc.., case todos eles clasificados nos postos altos da táboa. Aí é, onde á SCD Malpica terá que demostrar o potencial que posúe, se quere seguir coa súa imbatibilidade.

O primeiro destes importantes rivais desta tempada, será o CD Baio, conxunto que visita o campo malpicán, colocado no 6º posto da táboa con 39 puntos, a só un punto da SCD Malpica. Destaca o CD Baio, pola súa faceta goleadora, xa que leva conseguido 58 goles, os mesmos co “lider” o Club do Mar e, 13 mais cos malpicáns, destacan nesta faceta goleadora os seus puntas, Martín MC, 19 goles, Javi Suárez, 16 e Canay, 10 goles, todos eles nunha forma incrible. Ollo! por tanto a este trío.

Así as cousas, espérase un partido disputadísimo, onde afluencia de seareiros vai a ser a nota predominante coa fin de ver un fútbol de alta escola, que, de seguro non defraudará, dado que os dous equipos ao longo de varias xornadas están a practicalo.

Tanto os malpicáns coma os baieses, están coas súas formacións ao completo, non rexistrando baixas importantes a día de hoxe. Desexamos que a vitoria sorría aos da casa e que impere unha total deportividade tanto nas bancadas coma no terreo de xogo.

Na primeira volta o resultado e os goleadores foron:

CD BAIO 4 – 2 SCD MALPICA (Goles:1-0: J. Suárez. 1-1: Neucha. 1-2: Neucha. 2-2: Martín. 3-2: J. Suárez. 4-2: J. Suárez).

1ª Aut. Xuvenil Grupo IV, 2ª Xornada da 2ª Fase:

Campo : “San Pedro” (Castriz)

Equipos: SANTA COMBA - SCD MALPICA

Data e hora: Sábado: 11-02-12, 16:15 horas

Árbitro: Sr..- (.-A Coruña).

Segunda xornada da segunda fase da liga e, desprazamento dos xuvenís da SCD Malpica, a feudo da terra de Xallas, o partido presenta a novidade de celebrarse no campo de fútbol de San Pedro de Castriz, terreo onde o Santa Comba xuvenil, cando ten ocupado a “Fontenla”, disputa os seus encontros, autorizado pola directiva do conxunto local da SD Castriz.

O campo, de bastantes mais reducidas dimensións ca o da “Pedra Queimada”, é de herba artificial, moi aceptable para á práctica do fútbol, é dicir, que non ten que ser obstáculo, para que, os rapaces xuvenís da SCD Malpica, non poidan continuar coa racha de vitorias consecutivas, as cales lle están dando unha moral sen límites.

Non quere dicir isto, que van a topar un Santa Comba fráxil e débil, ao contrario, pois despois do forte correctivo sufrido en Dumbría, os locais quererán desquitarse e, que mellor para eles que facelo, ante a SCD Malpica, equipo que acaba de vencer consecutivamente aos dous rivais, en teoría mais fortes da liga, (Dumbría e Cee).

Non hai antecedentes de enfrontamentos entre estes dous equipos dende fai varias tempadas, ao competir en grupos diferentes.

Oportunamente se informará da convocatoria de futbolistas para este partido.

2ª Autonómica Cadete Grupo III - Xornada 22ª (2ª volta) :

Campo: “Pedra Queimada” (Malpica)

Equipos: SCD MALPICA – CABANA SD

Data e hora: Domingo:11-02-12.- 11:00 horas.

Árbitro: Sr. .-(.-A Coruña).

Os rapaces Cadetes da SCD Malpica, con novo cambio de data e horario, reciben no seu campo ao antano perigoso Cabana SD, equipo que non ten o potencial doutras tempadas, a pesar de goleada que lle inculcou na primeira volta ao conxunto malpicán, pero foi mais froito de erros visitantes ca de acertos locais.

Os rapaces Cadetes da SCD Malpica, queren “vingarse” daquel resultado e, ademais poñer xa punto final aos tres partidos consecutivos que levan sen puntuar. Para elo, o adestrador “Moscoso” na última sesión de adestramento, mentalizounos de que se acabaron os regalos e, que a partir de agora teñen que loitar para mellorar a clasificación, pois hai equipo para estar mais enriba, pero que para elo, teñen que teñen que centrase dende a saída ata o último minuto no partido.

Na primeira volta o marcador e os goleadores foron:

CABANA SD 9 –3 SCD MALPICA (Goles Malpicáns: Pitís, 2. David, 1).

“MOSCOSO” para este partido convocou aos seguintes de futbolistas:

Porteiros: Iván.-

Defensas: Cristian, Canario, Jorge, Arcay, Steven.

Medios: Julián, Garrido, David, Adrián, Mouri, Chema, Martín Zas,Sergio.

Dianteiros: Pitis, Rafa, Alberto. Baixas:

IX edición da “Liga da Costa” de Fútbol Veterano – Xornada 20ª (2ª volta):

Campo: “Irmás Patiño” (Camariñas)

Equipos: PORTEÑO - MALPICA

Data e Hora: Domingo: 12-02-12, 12:00 horas.

Árbitro : Sr. Martín .-

Na primeira volta o resultado e os goleadores foron:

MALPICA 2 – 0 PORTEÑO (Goles: 1-0, m. 47: Lancha. 2-0, m. 51: Ramón).

AGORA E SEMPRE COA SCD MALPICA!

Clasificacións acutalizadas de Xuvenís e Cadetes:

2012-02-08T16:43:00.004+01:00

Goleadores "Liga da Costa" e, da SCD Malpica:

2012-02-07T18:53:00.005+01:00

2ª Autonómica Grupo III - “Liga da Costa” -Xornada 21ª (2ª volta):

2012-02-05T02:06:00.004+01:00

Resultado: O PINDO SCD 0 – 1 MALPICA

O PINDO: Garrido; Diego Trillo, Juan Vilela, (Bicho, 81), Loló, Juan de Dios, León, Eloy, Manolito, (Ángel, 80), Diego Riolo, (Carlos, 46), Carlos Leis, Pato.

SCD MALPICA: Suso; Charly, Víctor, Iago, Marco, Rancaño, Neucha, (David Álvarez, 90), Cheo, Charro, (Avelino, 85), Tato, (Dani, 88), Pablo, (Marcos Amado, 75).

Árbitro: Sr. España Andrade. -(2ª Aut..-A Coruña). Moi caseiro. Anuloulle dous goles ao dianteiro Pablo, por foras de xogo inexistentes. Castigou con penalti unhas mans do malpicán Tato involuntarias no m. 39, ao rexeitar na barreira un falta botada por un dianteiro local.

Goleadores: 0-1, m. 28: Excelente internada de Cheo pola banda esquerda, o seu medido centro é rematado por Pablo de cabeza con moita picardía, anticipándose á saída de Garrido.

Ambiente e Incidencias: Escasa concorrencia de público en “Lombáns”, con tan só 25 seareiros. Tarde soleada con 10º. Non houbo expulsados nin mancados de consideración.

Comentario: Escasa en goles pero merecida vitoria da SCD Malpica (e van nove xornadas sen perder), fronte ao faroliño vermello, pero correoso conxunto de O Pindo. Os locais, que contaron cun penalti a favor (m39), puideron igualar a contenda, pero o porteiro malpicán Suso estivo moi vivo, atallando o disparo de Lolo, de todos os xeitos sería inxusto, pola diferencia de oportunidades que os futbolistas da SCD Malpica, tiveron, polas escasas do conxunto local.

O bombardeo dos dianteiros malpicáns, sobre un afortunado e atinado porteiro local Garrido, xa comezaron no m. 1, nun man a man de Charro, que Garrido atalla por baixo. No m. 3, responden os locais por medio de Diego Riolo, colgando un balón sobre a porta de Suso, sacando este con apuros. M. 12, Neucha lanza un trallazo coa súa perna boa (a esquerda), ao que responde Garrido, igual ca no m. 23 atallando outro man a man con Charro. No m. 33, hai un boa ocasión local, cando Suso saca en curto sobre Iago este cede a Marco que se fai un pequeno lío perdendo ante Diego Riolo que se queda só ante Suso e, este salva en extremis. No m. 41 o dianteiro local Carlos Leis, tira fora cando estaba en moi boa posición.

Na segunda parte, m. 46 tiro forte de Neucha, rexeita Garrido, recolle Pablo e tira a lateral da rede. 2 minutos mais tarde (48), falta botada por Neucha, Garrido a saque de curruncho. No 49, medido centro de Tato, cabecea Neucha sobre Charro e, o remate deste pega en Neucha salvándolle un gol aos locais. M. 55, internada de Cheo, centra atrás e Pablo só non controla acertadamente. Outra internada de Cheo, (moi activo en todo o partido) cun tiro ao ángulo no m. 61, salva Garrido en gran estirada. No minuto 68, nunha indecisión do central malpicán Marco, permítelle a Pato facerse co “coiro” cede a Eloy, pero o tiro deste vaise fora por moi pouco. No minuto 69, gran xogada de Marco dende a súa área, tras recoller un saque do meta Garrido, o defensa malpicán, internase con forza salvando contrarios pero ao chegar ao punto de penalti, xa algo esgotado, tira frouxo as mans de Garrido. Nos últimos minutos, aínda os malpicáns tiveron sendas oportunidades, pero Garrido, (excelente toda a tarde), abortou tiros de Cheo, Neucha e Cheo de novo.

En fin, un partido cheo de ocasións para os malpicáns, que puideron lograr un tanteo de escándalo, pero que hoxe non tiveron o acerto de cara e ademais, contaron cunha actuación fenomenal do porteiro local. De tódolos xeitos os puntos foron para Malpica, que lles permite sumar e continuar imbatidos durante nove xornadas.

1ª Autonómica Xuvenil-Grupo IV -(2ª Fase) -Xornada 1ª:

Resultado: SCD MALPICA 4 – 2 U C CEE

SCD MALPICA: Jesús; Javier, (Martín Maradona, m 18), Jorge, Pereira, Pepis, Joro, Juny, (Quintas, 65), Eme, Martín Uruguaio, Adra, (Roque, 90), Camilo, (Almeida, 83).

U C CEE: Iván; José Ramón, Tonecho, (Raper, 90), Martín, Iago, (Jesús, 83), Uri, Lamela, (Nanón, 63), Rubén, Pablo, Chiru, (Cibrán, 85), Carlos.

Árbitro: Sr. Castelo Pérez.- (3ª Aut..-A Coruña). A súa labor pode considerarse aceptable aínda que excedeuse demasiado coas tarxetas. Expulsou con dobre amarela ao local Pepis e, con vermella directa ao visitante Brais, este sen participar no xogo pois estaba no banquiño.

Goleadores: 1-0, m 2: EME, na media lúa, recibe un centro de Jorge, fai un exquisito control do “coiro” e, sen deixalo caer lanza un zurdazo que bate a Iván. 2-0, m 38: Adra envía a Juny o cal por encima da defensa centra sobre CAMILO, este dende cerca bate de novo a Iván. 3-0, m 64: falta lateral lanzada por Adra raso sobre EME, este empalma a media volta batendo de novo a Iván. 3-1, m 67: o dianteiro visitante PABLO, en xogada persoal e, ante o despiste da defensa local, bate a Jesús dun tiro cruzado. 3-2, m 78: agarrón de Pepis dentro da área sobre Uri, o penalti claro, transfórmao o propio URI. 4-2: m 90+4, falta lateral botada por Martín Maradona con moita picardía sobre EME, este vaise só pola liña de fondo e, sen apenas ángulo envía en vaselina por enriba de Iván.

Ambiente e incidencias: Asistiron ao espectáculo deportivo uns 160 seareiros. Tarde soleada con 9º. Expulsados: por parte local Pepis m. 78, por parte visitante Brais no banquiño, m 81. Retiráronse mancados os locais, Javier, m. 18 e Adra no 90, con problemas musculares.

Comentario: Outra gran tarde de fútbol a disfrutada no campo de “Pedra Queimada” entre os dous mellores equipos dos Grupos III e IV, ambos campións. Os de Cee, cun equipo compacto e sen individualidades reseñables, demostraron que hai que contar con eles para os primeiros postos da liguiña, esta tarde non crearon moitas ocasións, salvo no minuto 15 cun tiro desviado de Lamela e no m. 66 nunha xogada que o seu dianteiro centro Pablo non aproveitou só ante Jesús. Pero ollo, pois aínda que hoxe non profundizaron en demasía, non hai que olvidar que, en 18 partidos marcaron 110 goles.

Pola súa banda os xuvenís malpicáns, estiveron todos formidables, pero en especial o todo terreo EME autor de tres goles,. Puideron ampliar o resultado, pois ocasións houbo para elo, casos de Camilo a pase de Juny no m. 6, M. Uruguaio de falta no m 19, no m. 58, por medio de Juny, na mellor xogada da tarde, tras unha excelente combinación entre Adra, M. Uruguaio, Juny. No m. 62, nunha dobre prada de Iván a tiros a boca do xerro de Jorge e Camilo e, en dúas xogadas sen acerto no realización de Adra, minutos 70 e 72.

Resumindo, un gran partido no que os xuvenís malpicáns puideron sacar sen apuros, pero que ao final pasaron mais ca debían debido ao penalti e a expulsión de Pepis.

X edición da “Liga da Costa” de Fútbol Veterano–Xornada, 19ª (2ª volta):

Resultado: D. CARBALLO 1 – 3 MALPICA

Árbitro: Sr. Julio Pardiñas.- Estivo algo irregular, sobre todo na sinalización dun penalti favorable ao D. Carballo a todas luces inxusto, m. 45+1, lanzado por Reyes, fora.

Goleadores: 1-0, m. 20: Manu. 1-1, m. 64: Ramón. 1-2, m. 71: Chucho. 1-3, m. 79: Agustín.

Comentario: Primeira parte titubeante dos “carrozas” malpicáns, na segunda repuxéronse e, 15 minutos (64 ao 79), déronlle a volta ao marcador, que os mantén na terceira praza á espera dalgún erro dos dous primeiros da cabeza.

AGORA E SEMPRE COA SCD MALPICA!

2ª Autonómica Cadete-Grupo III-Xornada 21ª (2ª volta):)

2012-02-04T13:26:00.000+01:00

Resultado: MUROS 4 –3 SCD MALPICA

SCD MALPICA: Iván; Cristian, (Sergio, 55), Steven, Canario, Garrido, (Adrián, 53), David, (Diego, 51), Pitís, Mouri, Julián, Rafa, Alberto, (Chema, 70).

Árbitro: Sr. Piñeiro Rial.-(Santiago).- Estivo algo caseiro.

Goleadores: 0-1, m 11: Rafa. 1-1, m 16: Miguel. 2-1, m 34: Álvaro (p). 3-1, m 54:Eduardo. 3-2, m 62: Rafa. 4-2, m 71: Miguel. 4-3, m 76: Rafa.

Ambiente e incidencias: Sen apenas público en “Miraflores”, só unhas 10 persoas, nunha mañá soleada con 11º. Non houbo expulsados nin mancados de consideración.

Comentario: Enorme contraste negativo dos cadetes malpicáns en comparación co partido da semana pasada fronte ao Cee, pois mentres naquel encontro deleitaron aos seareiros e, ao seu adestrador “Moscoso”, no partido desta mañá parecían tartarugas paseando polo campo.

Disto aproveitáronse os rapaces do Muros, os cales vendo á parsimonia con que se desenvolvían no terreo de xogo, acabaron por imprimirlle un derrota xusta. De pouco lle serviu aos malpicáns unha lixeira reacción a falta de poucos minutos para acabar o partido.

En resumo, un partido para olvidar e pensar no do vindeiro Sábado fronte ao Cabana, onde hai que reaccionar para non quedar sumido nos postos de ninguén na táboa e, sobre todo, nos empanar a excelente campaña que se viña realizando ata o momento.

AGORA E SEMPRE COA SCD MALPICA!

Partidos da SCD Malpica para a vindeira fin de semana:

2012-02-02T23:27:00.003+01:00

2ª Autonómica Grupo III “Liga da Costa” – Xornada 21ª (2ª volta) :

Campo: “Lombáns” (Carnota)

Equipos: O PINDO – SD SCD MALPICA

Data e hora: Sábado: 04-02-12, 16:30 horas

Árbitro: Sr.España Andrade -(2ª Aut.-A Coruña).-

Novidade no desprazamento da SCD Malpica á O Pindo, a petición do club carnotán, ao que o equipo malpicán accedeu xentilmente, o partido entre os dous conxuntos, será o vindeiro Sábado en vez do Domingo.

O clube O Pindo CF, ocupa actualmente o faroliño vermello da táboa, con só tres puntos conseguidos en 20 xornadas, froito dun partido gañado, ningún empatada e, 19 perdidos; só leva conseguido 10 goles a favor e, encaixou 71, é polo tanto en teoría un inimigo débil a bater. Pero moito ollo, que non se confíen os futbolistas da SCD Malpica, pois este tipo de partidos, soen ser moi perigosos polo exceso de confianza e relaxación, o que pode dar pe a que o rival, froito delo, se adiante no marcador e se cerre atrás, sendo despois imposible de abrir a lata.

Insisto, convén polo tanto saír dende o primeiro momento dispostos a resolver, para que deste xeito, continuar coa excelente xeira de resultados positivos dende que se fixo cargo o novo adestrador David Baña.

Na primeira volta o resultado e os goleadores foron:

SCD MALPICA 4 – 1 O PINDO (Goles: 1-0: Cheo. 2-0: Pablo: Pablo. 3-0: Neucha. 4-0: Pablo. 4-1: Hugo, (p).

1ª Aut. Xuvenil Grupo IV, 1ª Xornada da 2ª Fase:

Campo : “Pedra Queimada” (Malpica)

Equipos: SCD MALPICA - UC CEE

Data e hora: Sábado: 04- 02-12, 16:15 horas

Árbitro: Sr.Castelo Pérez.- (Fútbol Base.-A Coruña).

A man inocente dun futbolista xuvenil do CD Baio, presente na reunión de clubes o pasado Luns na localidade baiesa, quixo que os dous recentes campións dos Grupos III (UC Cee) e IV (SCD Malpica), se enfronten na primeira xornada da Segunda Fase da liguiña.

O partido, dada a categoría de ambos conxuntos, promete ser moi interesante, pois trátase dos dous campións e, ambos quererán demostrar o por que do primeiro posto acadado, con números na táboa moi igualados.

O UC Cee, disputou 18 partidos, gañou 16, empatou 2 e terminou imbatido, con 66 goles a favor e só 10 en contra, e dicir, cunha media de encaixe escalofriante só 0,55 goles por partido.

Pola súa banda o conxunto da SCD Malpica, non lle queda a zaga, pois de 20 partidos disputados, gañou 16, empatou 3 e só perdeu 1, marcou 82 goles e recibiu 15, a media foi de 0,75 goles.-

Así as cousas, o partido promete e, os dous contendente queren comezar a Fase, cunha vitoria, por aquilo de, “o que vai diante vai dúas veces”. Sorte aos malpicáns e a disfrutar da vitoria.

Como é habitual nestas últimas xornadas, “PIÑA”, adestrador malpicán convocou para este partido a todos futbolistas dispoñibles:

Porteiros: Jesús, Ángel.

Defensas: Javier, Pepis, Pereira, Jorge, Roque.

Medios: Adra, Joro, Quintas, M. Maradona, Eme.

Dianteiros: Juny, M. Uruguaio, Camilo,Almeida.

Baixas: Luísma (lesionado), Victor Novo, Miguel Ángel, Diego, Kevin, Carlos. (decisión técnica), aínda que van todos convocados para facer piña.

2ª Autonómica Cadete Grupo III - Xornada 21ª (2ª volta) :

Campo: “Miraflores” (Muros)

Equipos: MUROS SD – SCD MALPICA

Data e hora: Sábado: 05-02-12.- 10:30 horas.

Árbitro: Sr. .-(.-A Coruña).

Tras dúas inxustas derrotas consecutivas (Outes e Cee), que lles levou aos malpicáns a perder un posto na táboa, viaxan o vindeiro Sábado os cadetes da SCD Malpica a bonita vila de Muros a enfrontarse ao equipo cadete titular.

Casualmente os muradáns, son os que os desbancaron do honroso 9º posto aos malpicáns, froito da súa vitoria o pasado Sábado en Muxía, pero os cadetes da SCD Malpica, van con moita moral e desexosos de recuperar ese posto perdido, pois só están separados por un punto (27) por (26). A empresa coma sempre non será fácil pero as gañas e a moral que lles inculcou o “mister” Óscar Moscoso, poden ser moi eficaces.

Na primeira volta o marcador e os goleadores foron:

SCD MALPICA 2 – 0 MUROS SD (Goles: 1-0, m 20: Pitís. 2-0, m 62: Pitís).

“MOSCOSO” para este partido convocou aos seguintes de futbolistas:

Porteiros: Iván.-

Defensas: Cristian, Canario, Jorge, Steven.

Medios: Julián, Garrido, David, Adrián, Mouri, Chema, Sergio.

Dianteiros: Pitis, Arcay, Rafa, Alberto.

Baixas: Martín Zas, (lesionado).

IX edición da “Liga da Costa” de Fútbol Veterano – Xornada 19ª (2ª volta):

Campo: “Pedra Queimada” (Malpica) (a petición visitante)

Equipos: D. CARBALLO - MALPICA

Data e Hora: Domingo: 05-02-12, 11:00 horas.

Árbitro : Sr.Julio Pardo.-

AGORA E SEMPRE COA SCD MALPICA!

Clasificacións actualizadas de Xuvenís e Cadetes:

2012-02-01T19:54:00.008+01:00

Actualidade da SCD Malpica:

2012-02-01T16:46:00.004+01:00

APOTEÓSICA EXPOSICIÓN DA HISTORIA DA SCD MALPICA, NA BIBLIOTECA DA FACULTADE DE CIENCIAS DA EDUCACIÓN DA UNIVERSIDADE DA CORUÑA:

Dende o pasado Mércores día 25 de Xaneiro e, ata o vindeiro día 14 de Febreiro (Martes), estará exposta na Facultade de Ciencias da Educación da Universidade da Coruña, en horario ininterrompido, de 10:00 da mañá a 21:00 do serán, unha fermosa exposición da historia do clube de fútbol SCD MALPICA.

En dita exposición, figuran diversos obxectos relacionados coa ampla historia do clube e, da propia vila mariñeira de Malpica, como son: á bandeira oficial co logotipo do clube, fotos variadas, insignias, silvatos, balóns, camisetas, guantes etc., así coma o Libro da Historia 40 anos de Fútbol...

Todas ás persoas interesadas, poderán acudir libremente, personándose en dita facultade no horario sinalado.
AGORA E SEMPRE COA SCD MALPICA!

Goleadores "liga costa" e da SCD Malpica:

2012-02-01T00:59:00.008+01:00


	Javi Suárez (CD Baio)

Actualidade da SCD Malpica:

2012-01-30T23:51:00.002+01:00

A SCD MALPICA -UC CEE, O SÁBADO NA “PEDRA QUEIMADA”.

Logo do sorteo celebrado na tarde noite de hoxe en Baio, para os emparellamentos da primeira xornada da segunda fase da primeira Autonómica da liga xuvenil, á SCD Malpica correspondeulle enfrontarse ao UC Cee.

O resto dos enfrontamentos da primeira xornada foron os seguintes:

CF Dumbría “B” - Santa Comba

UD Corcubión – Soneira SD

Camariñas CF - CD Baio

A competición comezará o vindeiro Sábado día 4, os horarios serán os mesmos que figuran nos calendarios da primeira fase, salvo que algún clube queira varialos, poderá facelo solicitando coma de costume na fegafut.

A SD Fisterra, renunciou a participar nesta segunda fase, así coma o Outes CF, clasificado de 5º, ocupando o seu lugar á UD Corcubión, 6º clasificado do grupo 3º.

Posteriormente ao longo da semana, á FEGAFUT, facilitará o calendario completo. Informar tamén, que non se poderá realizar nesta segunda fase, fichaxe algunha para esta competición. En canto as tarxetas recibidas na primeira fase, non se computarán para esta fase, é dicir, pártese de cero. O que si contan son as vermellas, pois se hai algún xogador sancionado ou pendente de sanción por este tipo de tarxetas, terá que cumprila.

As datas das xornadas nas que se vai a disputar esta segunda fase, serán:

4, 11, 18 e 25 de Febreiro.

3, 10, 17, 24 e 31 de Marzo.

14, 21 e 28 de Abril.

5 e 12 de Maio do 2012.-

COPA DA COSTA XUVENIL:

En canto a “copa da costa” xuvenil, disputarana 11 equipos: Outes CF, SD Fisterra, Mazaricos CF, SCDR Esteirana, CF Dumbría “A”, Muros SD, Ponteceso SD, SP. Zas, Cabana SD, SD Coristanco, e Corme CF.

Renuncian a participar: SD Laxe e Muxía CF.

Os once clubes, repártense en dous grupos de seis e cinco equipos respectivamente, os cales disputarán unha liguiña de todos contra todos, clasificándose os catro primeiros de cada grupo, para disputar os cuartos de final, semifinais e final, polo sistema de eliminatorias.

Grupo A, 1ª xornada: Grupo B, 1ª xornada:

CF Dumbría A – Sp. Zas Mazaricos CF – Ponteceso SD

SCRD Esteirana – SD Coristanco Muros SD – Corme CF

Outes CF – SD Fisterra Cabana SD (descansa)

DATAS DA LIGUIÑA: 4, 11, 18 e 25 de Febreiro

3, 10, 17, 24 e 31 de Marzo

14, de Abril

Cuartos de final: 21 e 28 de Abril.

Semifinais: 5 e 12 de Maio

Final: 19 e 26 de Maio do 2012.-

ROTUNDO ÉXITO DA OPERACIÓN DO XEONLLO DE ALFREDO SUÁREZ “Alfrediño”

O emblemático futbolista da SCD Malpica, “Alfrediño”, lesionado hai uns cantas xornadas, foi intervido cirurxicamente no hospital “Santa Teresa” o pasado Venres día 27 do corrente mes.

Segundo informacións recibidas de verdadeira solvencia, a operación foi un rotundo éxito, ata o punto de que, o Domingo día 29, xa estaba de alta hospitalaria no seu domicilio de Malpica.

Loxicamente agora, quédanlle uns meses de reanimación terapéutica e fisioterapia, que o deixarán novo para, volver aos campos de fútbol, senón para competir, si para desenvolver coma adestrador as súas dotes e experiencia futbolística no fútbol base.

Tódolos seguidores da SCD Malpica, esperan e desexan a súa volta recuperado o mais pronto posible.

AGORA E SEMPRE COA SCD MALPICA!

2ª Autonómica Grupo III - “Liga da Costa” -Xornada 20ª (2ª volta):

2012-01-29T22:44:00.001+01:00

Resultado: SCD MALPICA 2 – 0 UD CORCUBIÓN

SCD MALPICA: Suso; Charly, Víctor, Iago, Andrés, (David Álvarez, 69), Rancaño, Neucha, Cheo, (Avelino, 73), Pablo, (Casais, 63), Tato, (Manu Pardo, 78), Charro.

UD CORCUBIÓN: Andrés; (Cristian, 73), José da Atalaia, Papi, Conguito, (Jony, 60), Sergio Manín, (Paulo, 60), Alán, (Balucho, 53), Eduardo, Alberto, Mario, (Terrenla, 65), David Lourido, Miguelón.

Árbitro: Sr. Hermo Alonso. -(2ª Aut..-A Coruña). Boa labor a do colexiado coruñés. Invalidou un gol a cada equipo no m. 36 ao perigoso dianteiro centro visitante Mario e no m. 56 ao non menos perigoso dianteiro local Pablo, ambos por fora de xogo, segundo a súa estimación.

Goleadores: 1-0, m. 12,: o brasileiro TATO, preto do circulo central, faise cun balón nun rexeite, internase con velocidade polo centro do campo, os defensas recúan intentando evitar o posible pase aos extremos deixando pasiño, ao chegar ao borde da área lanza un chupinazo raso que se cola pegado ao poste esquerdo do porteiro Andrés. 2-0, m 37: logo da xogada do gol anulado ao visitante Mario, o porteiro local Suso, saca en longo sobre Cheo, este vaise pola banda dereita salvando contrarios, preto da liña de fondo, centra sobre Pablo, este remata rexeitando en primeira estancia cos pes o porteiro Andrés, o “coiro” chégalle de novo a Pablo que cede atrás a TATO, o cal dende a media lúa, cun novo tiro raso bate a Andrés, desta vez polo seu poste dereito.

Ambiente e Incidencias: Unhas 140 persoas nas bancadas que aplaudiron con insistencia aos recentes campións xuvenís ao facerlle os dous equipos o paseíño, nunha tarde soleada con 12º de temperatura. Non houbo expulsados nin mancados de consideración.

Comentario: Temíase a visita da UD Corcubión da man do veterano MANÍN, adestrador dun equipo que comezou a liga moi titubeante, pero que a medida que foron pasando as xornadas, lle foi inculcando aos seus pupilos as fórmulas ideais para saír dos postos de abaixo, a base dunha ordenada defensa na que encaixan moi poucos goles. Era por tanto un deses partidos trampa, que parece que se vai levar de calle pero que logo xorden complicacións.

Así as cousas, os malpicáns moi conscientes delo, non saíron confiados nin moito menos, saíron coa intención de completar a oitava xornada sen perder, para achegarse aos postos altos da táboa e, aínda que a tensión non foi a de outros partidos, si foi suficiente, para levar á iniciativa ante un rival que se agochaba nun entramado defensivo tal coma se pensaba e, só deixaba en punta, ao seu goleador Mario, que loitaba coa nosa defensa de tres.

Moi pronto se lle puxo de cara o partido para á SCD Malpica, pois no minuto 12, Tato abría o marcador, pero xa antes nos minutos 4 e 6, Neucha, cun tiro coa súa perna mala poñía a proba ao porteiro Andrés, o mesmo que Rancaño nun man a man, que o porteiro rexeitaba cos pes; logo o mesmo Tato, no 37, poñía o marcador definitivo, os visitantes apenas inquietaban en ataque.

Na segunda parte, salvo algunha xogada aillada de perigo en ambas áreas, o xogo xa transcorreu moito mais nivelado no centro do campo, pois aínda que o conxunto de Manín cos trocos efectuados intentou mais profundidade, o adestrador malpicán David Baña, buscou tamén cos seus trocos, mais solidez defensiva.

En resumo, un partido bastante cómodo para á SCD Malpica, conseguindo o que buscaba, os tres puntos, que permite continuar a racha positiva de OITO XORNADAS imbatido e, que debido o reparto de puntos entre o Corme e o Baio, o eleva ao 4º posto da táboa.

AGORA E SEMPRE COA SCD MALPICA!

1ª Autonómica Xuvenil-Grupo IV -(1ª Fase) -Xornada 22ª:

2012-01-29T01:02:00.002+01:00

Resultado: SCD MALPICA 9 – 1 CF DUMBRÍA “B”

SCD MALPICA: Jesús; (Víctor Martínez, 72), Martín Uruguaio, Jorge, Javier, Pereira, Joro, (Diego, 68), Juny, (Miguel Ángel, 70, ) Eme, Martín Maradona, Adra, (Quintas, 75), Camilo, (Víctor Novo, 64).

CF DUMBRÍA “B”: Bruno; Yeray, (Andi, 46), Isma, Roberto, (Jano, 46 ), Toja, Pereira, Picallo, Josiño, Roi, Jesús, (Denís, 46), Adrián, (Patera, 46).

Árbitro: Sr. Castreje Ferrío.-(.3ª Aut..-A Coruña). O colexiado fisterrán estivo moi correcto durante todo o encontro, só unha lagoa lle hai que reprochar, na xogada na que sinalou penalti a favor dos malpicáns por derrubo a Camilo, non aplicou a lei da vantaxe, pois o “coiro” acabou no fondo das mallas enviado por Eme.

Goleadores: 0-1, m 11: na única indecisión defensiva por parte local, permítelle a Jesús enviar un pase sobre ROI, plantándose só ante o porteiro local e batelo dun tiro moi colocado. 1-1, m 29: saque de curruncho moi pechado de Juny, a defensa visitante rexeita en curto, o “coiro” chégalle a CAMILO, o cal cun disparo a media altura bate a Bruno. 2-1, m 32: o central Roberto, cede de cabeza sobre o seu porteiro, JUNY, moi habilmente anticípase enviando por encima de Bruno. 3-1, m 41: xogada de Juny pola banda dereita con centro medido sobre a área, M. Maradona pugna con Yeray, que rexeita en curto, EME, que viña lanzado empalma dende a media lúa. 4-1, m 42: pase de Adra sobre CAMILO, este controla e lanza un zambombazo ao que Bruno no chega. 5-1, m 44: sorprendente tiro de ADRA, dende uns 35 metros que bate por alto a Bruno. 6-1, m 55: ADRA, de golpe franco directo. 7-1, m 67: cesión de Víctor Novo a M. MARADONA na liña media visitante, este salva a entrada dun contrario e lanza un chupinazo ao que Bruno non chega. 8-1, m 83: VÍCTOR NOVO a porta valeira, tras recoller un rexeite en curto da defensa visitante. 9-1, m 88: excelente xogada pola banda esquerda de M. Maradona, chega a liña de fondo e fai o chamado pase da morte sobre DIEGO, que empalma á rede, ante os atónitos dumbrieses que non crían o que estaba vendo.

Ambiente e incidencias: 550 persoas nas bancadas, con camisolas coas cores da SCD Malpica totalmente de azul, animando sen desmaio durante todo partido, provistos de trompetas, gaitas, pandeiretas, bombos etc., sen deixar de animar nunca, incluso con mais insistencia despois de que os dumbrieses se adiantaron no marcador, sempre confiando na reacción dos seus xuvenís, que, vaia si chegou, dobregando totalmente ao todo poderoso CF Dumbría. Tarde soleada e, unha temperatura de 12º. Non houbo expulsados. Tiveron que ser atendidos na banda durante uns minutos os locais, Joro e M. Maradona. Os visitantes, Picallo, m. 70 e Denís, m. 87, tiveron que deixar o terreo de xogo por lesión, quedando os dumbrieses durante algúns minutos con 9 futbolistas, por xa ter os trocos todos realizados. O malpicán Eme, no m. 20, lanzou un penalti que parou o visitante Bruno.

Comentario: De apoteótico foi o partido desta tarde entre os dous equipos mellores do Grupo IV da costa desta tempada, a inchada local disfrutou do lindo, e mais de un, lembrou con ledicia, a triste eliminación da “copa da costa” en semifinais fronte aos dumbrieses ai dúas tempadas.

O conxunto xuvenil, que tan brillantemente dirixe “PIÑA”, saíu dende o primeiro minuto totalmente enchufado no partido, todo o equipo, sabía a dificultade que ía atopar ante un equipazo coma o CF Dumbría, pero as ansias de vitoria e, sobre todo as de agradecer aos centos de seareiros que se atopaban nas bancadas animando e desafiando ao frío, lles levaron a desarborar por completo en todas as liñas aos dumbrieses e, iso que estes se adiantaron no marcador cando tan só ían 11 minutos. Pero isto en vez de merarlle a moral, serviu de acicate para crecerse mais e darlle mais entusiasmo para conseguir o triunfo.

En fin, unha xornada para non esquecer que, aínda que non serve para disputar a liguiña de ascenso, serve para comprobar que, detrás dun equipo e unhas cores, si este responde, tamén existe unha afección que apoia e anima o que faga falta.

X edición da “Liga da Costa” de Fútbol Veterano–Xornada, 18ª (2ª volta):

Resultado: MALPICA 2 – 1 AT. MILAGROSA

Árbitro: Sr. JUAN.- Actuación irregular, concedeu o gol visitante en claro fora de xogo, expulsou ao local Alberto con dobre amarela por reiteradas protestas.

Goleadores: 1-0, m. 42: Agustín. 1-1, m 43: Alberto. 2-1, m 67: Agustín.-

Comentario: Iniciativa total dos veteranos do Malpica, que afrouxaron na segunda parte a raíz da expulsión. Durante os últimos 20 m. os visitantes apertaron para conseguir a o empate, pero o sistema defensivo importo polo “míster” Dourado, deu os seus froitos a pesar de contar cun home menos no terreo de xogo.-

AGORA E SEMPRE COA SCD MALPICA!

2ª Autonómica Cadete-Grupo III-Xornada 20ª (2ª volta):

2012-01-28T13:56:00.002+01:00

Resultado: SCD MALPICA 2 – 3 UC CEE

SCD MALPICA: Iván; Cristian, Steven, Canario, (Garrido, m 69), Jorge, David, Pitís, Julián, Almeida, Rafa, Alberto, (M.Zas, m 63)

Árbitro: Sr. Varela García .-(A Coruña).-

Goleadores: 1-0, m. 14: Alberto. 2-0, m 22: Steven. 2-1, m 36: Carlos. 2-2, m. 54: Fernando. 2-3, m 71: Fernando.

Ambiente e incidencias: Preto de 50 persoas nas bancadas. Mañá soleada cuns 13º de temperatura. Non houbo expulsados. Saíron mancados de escasa consideración os locais: Rafa, Canario e Xulián, que, salvo complicacións non lle impedirá estar no vindeiro partido.

Comentario: Inxusta derrota dos cadetes malpicáns ante o todopoderoso e segundo clasificado o UC Cee. Foi enorme a vontade e o acerto con que se empregaron os rapaces cadetes da SCD Malpica, sobre todo na primeira parte, desarborando por completo en tódalas facetas futbolísticas ao conxunto do UC Cee, os cales non daban crédito ao que estaban presenciando; froito dese gran xogo, chegaron os dous primeiros goles de vella factura favorables aos malpicáns, obra de Alberto e Steven, de cabeza.

Na segunda parte baixou algo o nivel futbolístico local, pois era case imposible manter o ritmo imposto da primeira , pero aínda así, seguiron achegándose a portería visitante, tendo a ocasión de lograr un tanto mais o escurridizo Pitís, nunha gran xogada, ao fío do término do partido, cando se marchou só pola banda dereita salvando contrarios e, ao penetrar na área enviou un medido centro sobre Almeida, que se atopaba só no segundo pao, pero o porteiro do Cee, adiviñando a intención, salvou oportunamente cos pes nunha gran intervención.

O conxunto do UC Cee, tivo a sorte de cara neste partido aproveitándose nos goles dos tres erros puntuais defensivos do equipo malpicán por falta de concentración en todo partido.

Non deben desanimarse os rapaces da SCD Malpica, pois xogando da maneira que o fixeron hoxe, aínda teñen que dar moitas alegrías aos seus afeccionados e, sobre todo a escalar postos na táboa.-

AGORA E SEMPRE COA SCD MALPICA!

Partidos da SCD Malpica para a vindeira fin de semana:

2012-01-27T00:01:00.002+01:00

2ª Autonómica Grupo III “Liga da Costa” – Xornada 20ª (2ª volta) :

Campo: “Pedra Queimada” (Malpica)

Equipos: SD SCD MALPICA – UD CORCUBIÓN

Data e hora: Domingo: 29-01-12, 16:00 horas

Árbitro: Sr.Hermo Alonso -(.-A Coruña).-

Chega ao campo malpicán, despois dun par de tempadas competindo na 3ª Autonómica, á UD Corcubión, un conxunto dos mais antigos da “costa” e de moita solera no fútbol costeiro. A UD Corcubión, da man de MANÍN, “vello zorro” tamén da “Liga da Costa”, tivo uns comezos de liga moi frouxos con tan só 4 puntos logrados nas nove primeiras xornadas, ata o punto de que, todas as quinielas o daban por un dos candidatos ao descenso de categoría; foi a raíz da 10ª xornada, cando os pupilos de Manín comezaron a escalar postos na táboa conseguindo achegarse ata o posto 12º, que é o que ocupa actualmente con 21 puntos froito de 19 partidos xogados, 5 gañados, 6 empatados e 8 perdidos, sácanlle moito rendemento aos poucos goles marcados (19), pero tamén encaixan moi poucos, tan só 25, nas 19 xornadas, os seus máximos realizadores son, David Lourido e Mario con 8 goles cada un. É moi curioso que os 19 goles que levan marcados, só os anotaron 4 futbolistas, os dous xa indicados, mais Miguelón, 2 e Papi, 1.-

Polo que respecta á SCD Malpica, o adestrador David Baña recupera a algún futbolista dos que se atopaban mancados e, xa poderá tamén contar con Tato, despois de cumprir sanción, se o considera oportuno.

Así as cousas, os malpicáns que levan oito xornadas sen perder, queren continuar coa boa racha e, aínda que son conscientes da dificultade do entramado defensivo do rival ao que non é fácil marcarlle gol, contan cuns dianteiros eficaces, capaces de perforar calquera liña defensiva, como demostran os 42 tantos que levan nas 19 xornadas, a un promedio de 2,33 goles por partido.

Na primeira volta o resultado e os goleadores foron:

UD CORCUBIÓN 1 – 3 SCD MALPICA (Goles: 1-0: David Lourido. 1-1: Pablo (p). 1-2: Alfredo. 1-3: Pablo (p).

1ª Aut. Xuvenil Grupo IV Última Xornada da 1ª Fase:

Campo : “Pedra Queimada” (Malpica)

Equipos: SCD MALPICA - CF DUMBRÍA “B”

Data e hora: Sábado: 28- 01-12, 16:00 horas

Árbitro: Sr.Castreje Ferrío.- (.-A Coruña).

Tralo tropezo a pasada xornada en Coristanco, na que os malpicáns dilapidaron a vantaxe que lle levaban, logo dunha desafortunada e parcial actuación do colexiado, ao seu perseguidor na táboa o CF Dumbría “B”, xóganse fronte a este equipo o vindeiro Sábado, a consecución do título do Grupo IV xuvenil.

A empresa non vai ser doada, pois o CF Dumbría “B”, conta cun potencial mais que aceptable, froito dunha excelente canteira de rapaces que lles permite abastecer aos equipos de 2ª Aut. E Autonómica Preferente.

Os números do equipo dumbriés nesta liga son escalofriantes no que a goles marcados respecta, pois levan 110, por 73 dos malpicáns, pero fraquean na liña defensiva, pois encaixaron 26 goles, 12 mais ca os malpicáns.

A loita promete ser moi igualada, pero os xuvenís da SCD Malpica, contan con dúas vantaxes moi importantes, a primeira: moi importantísima, o factor campo, xoga na casa e, a segunda: bástalle un empate de calquera número de goles, este é un hándicap, para o equipo rival, pois ten que abrir liñas e deixar espazos para as penetracións dos; Juny, Camilo, M. Uruguaio, M. Maradona, Eme, etc.

Así as cousas, espérase unha moi boa afluencia de seareiros na “Pedra Queimada”, o que sen dúbida tamén acudirán os “Walter” e compañía... cos seus orfeóns musicais.

ÁNIMO E A LOITAR con deportividade, desarroiando o fútbol practicado en todo campionato, así non hai equipo que os venza.

O resultado da primeira volta e os goleadores foron:

CF DUMBRÍA “B” 1 – 1 SCD MALPICA (Goles: 1-0: Rodrigo. 1-1: Juny (p).-

“PIÑA”, adestrador malpicán convocou para este partido aos seguintes futbolistas:

Porteiros: Jesús, Víctor Martínez.

Defensas: Miguel Ángel, Javier, Pereira, Jorge.

Medios: Adra, Joro, Quintas, M. Maradona, Diego, Eme.

Dianteiros: Juny, M. Uruguaio, Camilo, Víctor Novo,

Baixas: Pepis, (por sanción). Luisma, (por lesión). Ángel, Roque, Canario, Almeida,Carlos, Kevin.

2ª Autonómica Cadete Grupo III - Xornada 20ª (2ª volta) :

Campo: “Pedra Queimada” (Malpica)

Equipos: SCD MALPICA – UC CEE

Data e hora: Sábado: 28-01-12.- 11:00 horas.

Árbitro: Sr. Adrián Varela García.-(.-A Coruña).

Difícil compromiso pero non imposible, o enfrontamento do vindeiro Sábado dos cadetes da SCD Malpica contra o UC Cee, equipo este que marcha 2º clasificado a 5 puntos do todopoderoso tamén en cadetes o CF Dumbría.

Os de Cee, están facendo unha competición encomiable con 14 partidos gañados, 3 empatados e só un perdido, levan marcado 116 goles e 25 encaixados.

Os cadetes malpicáns, con algúns infantís nas súas filas, tamén están a facer unha gran tempada, cun mais ca honroso 9º posto ata o momento e con gañas de continuar mellorando; que mellor ocasión teñen ca esta de demostrar que lle poden facer fronte con posibilidades de gañar a calquera equipo e, por que non ao Cee?

Ánimo e a loitar.

Na primeira volta o marcador e os goleadores foron:

UC CEE 9 – 1 SCD MALPICA (Gol malpicán de Pitís).

“MOSCOSO” para este partido convocou aos seguintes de futbolistas:

Porteiros: Iván.-

Defensas: Cristian, Canario, Jorge, Arcay, Steven.

Medios: Julián, Garrido, David, Martín Zas, Adrián, Sergio.

Dianteiros:Pitis,Almeida,Rafa,Alberto.

Baixas:Chema(decisióntécnica),Mouri(lesionado).-

IX edición da “Liga da Costa” de Fútbol Veterano – Xornada 18ª (2ª volta):

Campo: “Pedra Queimada” (Malpica)

Equipos: MALPICA - AT. MILAGROSA

Data e Hora: Domingo: 29-01-12, 11:00 horas.

Árbitro : Sr. JUAN.-

AGORA E SEMPRE COA SCD MALPICA!

Resultados e clasificacións Xuvenís e Cadetes acutalizadas:

2012-01-25T21:18:00.004+01:00

Goleadores "Liga da Costa" e SCD Malpica:

2012-01-24T22:21:00.006+01:00

2ª Autonómica Grupo III - “Liga da Costa” -Xornada 19ª (2ª volta):

2012-01-22T21:06:00.002+01:00

Resultado: SD CASTRIZ 0 – 2 SCD MALPICA

SD CASTRIZ: Herrera; Michel, Sergio Pose, (Prego, 59), Álex, Toniño, (Sergio Gerpe, 82), Mauri, (Jhony, 79), Martín, (Pablo, 46),Toño, Sebas, Iván, David Agra.

SCD MALPICA: Suso; Charly, Víctor, Iago, Marco, (Marcos Amado, 46), Rancaño, Neucha, Cheo, (Dani, 80), Pablo, (Manu Pardo, 86), Charro, (Avelino, 67), Andrés,.

Árbitro: Sr. Fernández Iglesias.-(2ª Aut..-A Coruña). Ben en liñas xerais, aínda que pecou de falto de autoridade.

Goleadores: 0-1, m. 14: envío longo de Charly dende a defensa sobre Pablo, este, fai un control perfecto entre os dous centrais, vaise deles por velocidade e, lanza un forte tiro cruzado que bate irremisiblemente a Herrera. 0-2, m. 45: Cheo, nunha gran internada pola banda dereita, chega a liña de fondo, dende alí, envía un centro pasado ao segundo pao, NEUCHA, que viña seguindo a xogada, empalma un zurdazo cruzado, sen apenas ángulo, que penetra como unha exhalación na portería de Herrera.

Ambiente e Incidencias: Frouxa entrada en “San Pedro” de Castriz, tan só unhas 60 persoas, nunha tarde nubrada con 11º de temperatura. Non houbo expulsados nin mancados de consideración.

Comentario: Chegaba a SCD Malpica ao campo de “San Pedro”, cunha racha de sete xornadas sen perder, pero enfrontábase a un equipo, que esta mas preto dos postos do descenso ca dos da cabeza, era en principio, un partido trampa, debido as pequenas dimensións do campo e, difícil situación do equipo local.

Os malpicáns, coa lección ben aprendida e inculcada polo seu adestrador, saíron enchufados e, dispostos a levar a iniciativa, froito delo, foi o gol madrugador o cal lle dou aínda mais alas ao conxunto da SCD Malpica, que xa no m. 8, tivo a primeira oportunidade por medio de Pablo que rematou frouxo un erro do central Toniño. Nesta primeira parte o dominio visitante foi aplastante, ata o punto que Suso, só tivo que intervir no m. 9 a tiro de Toniño. Pola contra os malpicáns por medio de Pablo (m. 18) e Charro, dúas veces, en remates de fantásticas xogadas polas bandas (m. 28 e 41).

A segunda parte, os locais presionaron intentando acurtar distancias, pero con mais corazón que acerto, facendo un fútbol moi directo, a base de bombeo de balóns aos que, a defensa malpicán, que se mostrou moi segura, respondeu sempre con acerto, sempre tamén apoiada polos centrocampistas, diante quedaba Pablo, que nas contras sempre creaba perigo, nunha delas no m. 53, nun saque en longo de Suso, controlou moi ben atraendo aos dous centrais e, cedendo a Rancaño para que este en vaselina por encima de Herrera, enviase alto por pouco; tivo tamén Manu Pardo no m. 90, con outra vaselina dende 30 metros a oportunidade de ampliar o resultado, pero foise alta por moi pouquiño-

Os de Castriz, a pesar do seu dominio, só crearon nesta parte unha clara ocasión de gol, a raíz dun saque de curruncho botado por Toño e rematado de cabeza en picado por Álex, ao que Suso, realizou unha gran parada.

AGORA E SEMPRE COA SCD MALPICA!

1ª Autonómica Xuvenil-Grupo IV -(1ª Fase) -Xornada 21ª:

2012-01-22T01:51:00.002+01:00

Resultado: SD CORISTANCO 3 – 3 SCD MALPICA

SD CORISTANCO: Nacho; Pichel, Corral, Xenxo, (Iván, m 31), Varela, Damián, Fede, Dani, Gonzalo, Rubén, Magovi.

SCD MALPICA: Jesús; Javier, Jorge, Pereira, Pepis, Joro, (Diego, m 63), Juny, Eme, Martín Uruguaio, Adra, Martín Maradona, (Víctor Novo, m 56),

Árbitro: Sr. Lodeiros Lafuente.-(3ª Aut..- A Coruña). Rematadamente mal. Sin criterio na sinalización das faltas tanto para un que para outro equipo. Seguindo o xogo de lonxe a pesar da súa xuventude, iso lle levou a errar en dúas xogadas claves para a determinación do partido. A primeira, foi a errónea expulsión do malpicán Pepis (m. 65), por unha clara anticipación ao local Dani, nun corte do balón a fora de banda, foi tan limpa a xogada, que o propio Dani, sacou rapidamente de banda para intentar buscar unha ocasión de gol, o colexiado, unha vez finalizada a xogada expulsou ao malpicán, ante os ollos atónitos de futbolistas e seareiros. A segunda, un penalti sinalado ao porteiro visitante Jesús, nunha saída aos pes do local Gonzalo, cando este non chegaba xa o balón, o porteiro, dándose conta que o dianteiro xa non chegaba ao “coiro”, encolleu os brazos para non derrubalo, coa inercia da carreira, o dianteiro quixo tropezar adrede para facer picar ao colexiado, cousa que conseguiu por estar este moi lonxe da xogada. Pode confirmarse rotundamente, (e non é pataleo) que o árbitro influíu no resultado.

Goleadores: 1-0, m. 3: saque de banda lateral de Rubén, en longo sobre a área, formase unha pequena liorta, chegando o “coiro” morto aos pes de GONZALO, que desvía suavemente ao fondo da rede. 1-1, m. 19: M. Uruguaio, faise co “coiro” na liña divisoria dos dous campos, envía un pase longo sobre Juny, este chega ata a liña de fondo enviando un medido centro sobre a área, EME, que viña lanzado empalma á rede. 1-2. m. 46: tan só se levaban 22” da segunda parte, cando Joro, corta un pase local, envía sobre Juny que, sen parar manda por encima da defensa sobre M. MARADONA, este salva a entrada do porteiro e, a porta valeira marca. 2-2, m. 50: tremendo erro de Joro a altura do círculo central enviando un balón cara atrás sobre a súa defensa, MAGOVi moi atento intercepta o “coiro”, vaise por velocidade dos centrais e, a un metro da área lanza un tiro raso que se cola na portería de Jesús pegado ao pao. 3-2, m. 82: penalti sinalado polo colexiado, de Jesús sobre Gonzalo, que MAGOVI, transforma. 3-3, m. 83; nada mais sacar de centro o “coiro” chégalle a EME, en posición de interior esquerdo, avanza e, a dos metros da área, lanza un zurdazo cruzado, ao que Nacho non chega a pesar da súa estirada.

Ambiente e incidencias: Gran entrada na “Rocheira” con preto de150 persoas nas bancadas, a maioría seguidores da SCD Malpica que esperaban que os rapaces xuvenís entoaran o “alirón”, terán que esperar unha semana mais. Tarde nubrada con 13º de temperatura. Foi indebidamente expulsado no m. 65, o malpicán Pepis. Retirouse mancado no m. 31 o local Xenxo, cun golpe na perna dereita.

Comentario: Non puido a SCD Malpica xuvenil, entoar o “alirón” de campión nesta penúltima xornada, polo que terá que pospoñelo unha semana mais, con permiso do CF Dumbría “B”, 2º clasificado, un empate bastaríalle aos malpicáns, pero cun empate a puntos, o título sería para os dumbrieses.

Dúas foron as causas a xuízo do informador, de que os malpicáns non conseguiran aínda o 7º título en xuvenís da súa historia, a primeira a desacertada actuación arbitral, un árbitro enviado polo colexio arbitral extraordinariamente novato, o que se di vulgarmente, falto de táboas, cunha inexperiencia total nestas lides, si a iso se lle engade o arbitrar lonxe das xogadas, chégase á conclusión de que os enganos poden ser importantes e decisivos para calquera equipo, que non digo que foran intencionados, pero si, desta vez foron moi decisivos. A segunda, foi a decepcionante segunda parte disputada pola SCD Malpica, salvo algún futbolista que dou a talla, os demais, estiveron sempre a remolque do fútbol directo de patadón da SD Coristanco, do que os malpicáns se contaxiaron. Houbo si algún destello do capitán Eme, un dos únicos que se poden salvar da criba na segunda parte, coma o gran gol do empate a tres e, outro formidable tiro dende mais de 30 metros que o porteiro local Nacho, enviou a saque de curruncho nunha extraordinaria intervención no m. 90+3.

Polo demais na segunda parte pouco ou nada fixeron ante un equipo que, o que fixo en toda esta liga, apartar esta semana do título aos de Malpica. Esperemos que na xornada final os rapaces da SCD Malpica, aprendan deste tropezo e consigan o que tan dignamente lles pertence.

IX edición da “Liga da Costa” de Fútbol Veterano–Xornada, 17ª (2ª volta):

Resultado: CORCOESTO 1 – 0 MALPICA

Árbitro: Sr. RAMA.- Ben.-

Goleadores: 1-0, m. 34: Rama.-

Comentario: O equipo de veteranos malpicán, sucumbiu por un gol a cero ante un Corcoesto mellor adaptado a un terreo de xogo en moi malas condicións, esbaladizo e fungoso. Os malpicáns, faltos de varios futbolistas, caso de Lancha, Agustín, Esmoris etc..., crearon varias ocasións claras de gol que, debido ao mal estado do campo, non souberon materializar, así: Fran, no m. 48, errou o remate a porta valeira a centro de Mútiu, no m. 63, tiro ao traveseiro de Mútiu...

AGORA E SEMPRE COA SCD MALPICA!

2ª Autonómica Cadete-Grupo III-Xornada 19ª (2ª volta):)

2012-01-21T12:44:00.000+01:00

Resultado: OUTES 3 – 1 SCD MALPICA

SCD MALPICA: Iván; Cristian, Steven, Alberto, (Garrido, m 60), Jorge, David, (Martín Zas, m 71), Pitís, Canario, Almeida, (Chema, m 71), Rafa, Julián, (Arcay, m 62).

Árbitro: Sr. Marcos Quintela.-(Santiago).- (Sen complicacións).-

Goleadores: 1-0, m 8: Adrián. 2-0, m 16: Manuel. 2-1, m 48: Pitís. 3-1, m 73: Manuel.

Ambiente e incidencias: Unhas 30 persoas nas bancadas, nunha mañá nubrada e húmida con 9º de temperatura. Non houbo mancados de consideración nin expulsados.

Comentario: A pesar das continuas advertencias do adestrador malpicán “Moscoso” aos seus pupilos de que saíran concentrados ao máximo para non encaixar nos primeiros minutos, os rapaces da SCD Malpica, fixeron caso omiso e,. Aos 15 minutos, xa tiñan 2-0 ao lombo, non por méritos locais, senón por erros de falta de concentración.

Na segunda parte aínda que cambiou moito a decoración, pois foron os malpicáns os que levaron a iniciativa e, a pesar de acurtar distancias moi pronto, volveron a fallar nos metros finais ata 3 ocasións de gol moi claras, dúas por parte de Canario e unha por medio de Garrido, ademais dun tiro ao poste do propio Canario. Logo ao final, xa cos malpicáns cansados polo esforzo realizado, encaixaron o terceiro e definitivo tanto local.

AGORA E SEMPRE COA SCD MALPICA!

Partidos da SCD Malpica para a vindeira fin de semana:

2012-01-20T00:06:00.003+01:00

2ª Autonómica Grupo III “Liga da Costa” – Xornada 19ª (2ª volta) :

Campo: “San Pedro” (Castriz)

Equipos: SD CASTRIZ – SCD MALPICA

Data e hora: Domingo: 22-01-12, 16:30 horas

Árbitro: Sr. Fernández Iglesias.-(.-A Coruña). (1ª vez esta tempada á SCD Malpica).-

Despois de sete xornadas que leva sen perder, á SCD Malpica, disponse a viaxar o vindeiro Domingo ao campo de San Pedro de Castriz, a enfrontarse ao titular daquela localidade.

O conxunto da SD Castriz, é un dos equipos que historicamente se lle atraganta ao equipo malpicán, cousa que, queren cortar nesta xornada os futbolistas da SCD Malpica para continuar coa súa boa racha positiva de resultados favorables dende a xornada 12ª, na que renderon tamén visita a Esteiro.

A encomenda, non é moi doada, pois o equipo de Castriz, atópase coa auga o pescozo intentando salvar a situación delicada que atravesa, ao estar ocupando o posto 13º na táboa, con 19 puntos,(a tan só 5 puntos do descenso) froito de tan só 4 partidos gañados, 7 empatados e 7 perdidos; ten 26 goles a favor e 32 en contra, os seus máximos goleadores son: Iván con 7 goles, Sebas, con 6 e Pablo con 5, todos eles dianteiros con moito, olfacto de gol, especialmente Iván e Sebas.-

Para esta partido o conxunto de David Baña, non poderá contar coa nova fichaxe, o brasileiro “Tato”, sancionado polo subcomité de competición da FEGAFUT, cun partido.

Na primeira volta o resultado e os goleadores foron:

SCD MALPICA 1 – 3 SD CASTRIZ (Goles: 1-0, m. 59: Alfredo.1-1, m 65: Iván.1-2, m 70: Iván. 1-3, m 77: Pablo).

1ª Aut. Xuvenil Grupo IV (1ª Fase) - Xornada 21-(2ª volta) :

Campo : “A Rocheira” (Coristanco)

Equipos: SD CORISTANCO - SCD MALPICA

Data e hora: Sábado: 21- 01-12, 16:00 horas

Árbitro: Sr. Lodeiros Lafuente.-(.-A Coruña).

Penúltima xornada de liga da primeira fase e, desprazamento do equipo xuvenil da SCD Malpica a Coristanco a enfrontarse ao titular do pobo. A SD Coristanco, que figura no 8ª posto da táboa, con 5 partidos gañados, 4 empatados e 10 perdidos, xa non ten opcións a nada na clasificación xeral desta liga, xógase polo tanto, a posibilidade de vencer ao “lider”, cousa que nesta tempada só conseguiu o Camariñas.

Pola súa banda os xuvenís da SCD Malpica, baixo a extraordinaria batuta do veterano “Piña”, teñen a posibilidade de entoar o “ALIRÓN” en caso de vencer, dispoñendo ademais, da facultade de que na xornada vindeira, última da liga, o a “priori” favorito CF Dumbría “B”, 2º clasificado, lle teña que facer o “paseíño” na “Pedra Queimada”.

Pero non adiantemos acontecementos nin vendamos a pel do OSO, ANTES DE CAZALO e, imos pasiño a pasiño, miudiño miudiño... que todo chegará se os rapaces se propoñen.

“Piña” para estas dúas últimas xornadas que faltan, convocará a toda plantilla da que dispón, para que, coma o seu nome di, fagan unha piña e se animen sen desmaio entre todos, coa fin de conseguir un título para a SCD Malpica, que se lle resiste dende a tempada 2003/ 2004.

O resultado da primeira volta e os goleadores foron:

SCD MALPICA 3 – 1 SD CORISTANCO (Goles: 1-0:Adra (p). 2-0: Martín Uruguaio. 3-0: Camilo. 3-1: Pichel).-

“PIÑA”, adestrador malpicán convocou para este partido a toda plantilla de futbolistas:

Porteiros: Jesús, Ángel.

Defensas: Miguel Ángel, Javier, Pereira, Pepis, Jorge, Kevin, Canario, Carlos, Roque,

Medios: Adra, Joro, Luisma, Quintas, M. Maradona, Diego, Eme.

Dianteiros: Juny, M. Uruguaio, Camilo, Víctor Novo, Almeida,

Baixas: Víctor Martínez, (vai co 1º equipo)

2ª Autonómica Cadete Grupo III - Xornada 19ª (2ª volta) :

Campo: “O Conchido” (Outes)

Equipos: OUTES CF – SCD MALPICA

Data e hora: Sábado: 21-01-12.- 10:30 horas.

Árbitro: Sr.? .-(.-Santiago).

Segundo desprazamento consecutivo dos cadetes da SCD Malpica; esta vez toca a Serra de Outes ao fermoso campo de “O Conchido” onde o clube local disputa os seus partidos. Os cadetes do Outes CF, están a facer unha campaña moi aceptable, ocupando un excelente 7º posto con 32 puntos (6 mais ca SCD Malpica), froito de 9 partidos gañados, 5 empatados e tan só 3 perdidos, teñen unha aceptable cifra de goles: 58 e tan só encaixaron 27.

Preséntaselle ao conxunto cadete malpicán, un boa ocasión para acurtar distancias e, achegarse ao equipo da Serra, pois parece que afrouxaron algo nas últimas xornadas, concretamente na última só puideron empatar co colista Muxía.

A adestrador malpicán “Moscoso”, fíxolle aos rapaces, durante os adestramentos desta semana, unha serie de charlas da importancia que ten este partido, xa que cabe a posibilidade de loitar por postos mais altos ou quedarse na zona de ninguén na táboa. Os rapaces, fixéronse cargo e, prometeron render ao cen por cen para conseguila vitoria.

Na primeira volta o marcador e os goleadores foron:

SCD MALPICA 1 – 1 OUTES CF Goles: 0-1, m. 12. 1-1, m. 72: Pitís).

“MOSCOSO” para este partido convocou aos seguintes de futbolistas:

Porteiros: Iván.-

Defensas: Cristian, Chema, Canario, Jorge, Arcay, Steven.

Medios: Julián, Garrido, David, Martín Zas, Sergio.

Dianteiros: Pitis, Almeida, Rafa, Alberto.

Baixas: Adrián, (decisión técnica), Mouri, (lesionado).-

IX edición da “Liga da Costa” de Fútbol Veterano – Xornada 17ª (2ª volta):

Campo: A Piña” (Corcoesto)

Equipos: CORCOESTO - MALPICA

Data e Hora: Domingo: 22-01-12, 11:00 horas.

Árbitro : Sr.Rama.-

AGORA E SEMPRE COA SCD MALPICA!

Clasificacións Xuvenís e Cadetes, actualizadas:

2012-01-18T20:15:00.004+01:00

Goleadores "liga costa" e, SCD Malpica:

2012-01-17T20:32:00.009+01:00

2ª Autonómica Grupo III - “Liga da Costa” -Xornada 18ª (2ª volta):

2012-01-15T22:01:00.001+01:00

Resultado: SCD MALPICA 3 – 2 CD NANTÓN

SCD MALPICA: Suso; Charly, Víctor, Andrés, (Charro, 63), Marco, Rancaño, Neucha, Cheo, Daniel, (Iago, 46),Tato, Pablo, (Avelino, 76),

CD NANTÓN: Ernesto; Lareo, Diego, Félix, Sito, Carlos Vidal, (Eloy, 80), Fabio, Cristian, Luis, Manolo Cruceiro, Martín Suárez, (Iván, 55).

Árbitro: Sr. Goyeneche García.-(2ª Aut.-A Coruña). Intentou dirixir con criterio e autoridade, pero non lle saíron as cousas como quería, causas? algúns desacertos e, as continuas protestas de futbolistas e banquillos de ambos bandos. Expulsou polo bando local a Tato (m. 53) e ao adestrador D. Baña, (m. 86).

Goleadores: 0-1, m 7: o goleador visitante Luis, sorprende cun disparo dende 40 metros, adquirindo o “coiro” unha enorme velocidade ao botar diante de Suso ao estar o campo mollado. 1-1, m 12: unha internada de Tato pola dereita acaba cun medido centro sobre a área pequena visitante, Cheo, oportunamente desvía o “coiro” ao fondo da rede anticipándose a saída de Ernesto.2-1, tres minutos mais tarde (m. 15) , un saque de curruncho botado por Tato ao segundo pao é centrado coa cabeza por Neucha e, Pablo baixo paos remacha ao fondo da rede. 2-2, m. 47: un pase dende a esquerda de Cristian sobre o desmarcado Luis, permite a este enviar unha formidable vaselina por encima de Suso, igualando a contenda. 3-2, m 65: saque de banda en longo de Cheo sobre Charly, este cabecea para atrás e, Sito ao intentar rexeitar, desvía o suficiente ao lado contrario de onde se atopaba o seu porteiro Ernesto.

Ambiente e Incidencias: Tarde fría (6º) e chuviosa que non restou a afluencia habitual na “Pedra Queimada” (120 seareiros.No m. 53, foi expulsado con vermella directa o local Tato, unha expulsión que causou sorpresa nas bancadas, pois, aínda que o visitante Martín Suárez, tivo que abandonar o terreo de xogo sangrando polo nariz con posible desviación do tabique nasal, o certo é que, dende as bancadas pareceu un golpe totalmente fortuíto. Foi tamén expulsado D. Baña, con dobre amarela por protestar ao colexiado unha falta sinalada a favor dos visitantes.

Comentario: Suou moito a SCD Malpica ante o CD Nantón para continuar coa súa boa xeira de resultados, un equipo que, salvo a clara vitoria da primeira volta nas “Fontiñas”, se lle atraganta moito ao conxunto malpicán e, tivo que ser un autogol dun dos seus centrais para que os tres puntos quedaran na casa.

O partido, salvo algúns momentos de fútbol combinativo por parte local, foi bastante disputado, ambos equipos se empregaron con moita loita na disputa do “coiro”, os de Nantón, usando moito a marrullería e as protestas, pero con dous homes en punta sempre prestos ao remate, tanto M. Cruceiro coma Luis, foron perigosísimos, este con dous goles e, aquel cun par de ocasións fronte a Suso, demostraron a súa perigosidade.

Pola súa banda por parte local, houbo ocasións para aumentar o tanteo sen pasar apuros, pero fallou o acerto nas xogadas puntuais as mellores foron: m. 5: centro de Tato, que remata alto Rancaño, dende o punto de penalti, no 14, xogada de Pablo pola dereita cun centro impecable sobre Neucha que este sen deixala caer empalma, desviando Ernesto nunha gran intervención. Andrés no m. 45, remata lambendo o poste dentro da área pequena un centro de Daniel. Neucha de falta directa no m 52, fai lucir a Ernesto, m. 67, saque de falta de Rancaño, rematando Cheo de cabeza fora por pouco, no m. 82, Charro, recibe de Rancaño e, no man a man con Ernesto tira cruzado salvando o porteiro nunha gra intervención. E, por último no m. 87, o colexiado non quere ver un man do central visitante Félix dentro da área, despois dun control de Cheo a pase de Rancaño.

AGORA E SEMPRE COA SCD MALPICA!

IX edición da “Liga da Costa” de Fútbol Veterano–Xornada, 16ª (2ª volta):

2012-01-15T14:48:00.000+01:00

Resultado: MALPICA 2 – 0 CORME

Árbitro: Sr. LUIS .- Regular, sancionou con penalti aos malpicáns, cando xa estaba o tempo acabado.-

Goleadores: 1-0, m 20: Añón. 2-0, m. 40: Abel.-

Comentario: Bo partido dos “carrozas” malpicáns, que se viron algo empanadas pola actuación bastante irregular do colexiado Sr. Luis, pola sinalización dun penalti co tempo xa acabado. Menos mal que actuación do porteiro local Nacho, coa súa gran intervención, abortou o tiro do visitante Ángel.

AGORA E SEMPRE COA SCD MALPICA!

2ª Autonómica Cadete-Grupo III-Xornada 18ª (2ª volta):)

2012-01-14T13:37:00.000+01:00

Resultado: CAMARIÑAS CF 3 – 4 SCD MALPICA

SCD MALPICA: Iván; Cristian, (Garrido, 49),Steven, (Arcay, 60), Alberto, (M. Zas, 77), Jorge, David, Pitís, Canario, (Adrián, 63), Julián, Rafa, Almeida, (Chema, 67),

Árbitro: Sr. Adrián Varela García.-(A Coruña).- Moi ben.

Goleadores: 0-1, m 5: Rafa, aproveita moi oportuno un rexeite en curto da defensa local. 0-2, m 15: penalti sobre Canario, que Almeida transforma moi habilmente. 0-3, m 26: xogada combinativa de toda dianteira malpicán o “coiro” chega a Pitís, o cal dende a liña de fondo centra o chamado pase da morte sobre Almeida, que empalma a rede camariñán. 0-4, m 37: xogada calcada a anterior, pero agora é Almeida quen serve a Pitís, para que este marque. 1-4, m 66: de penalti. 2-4, m 74. 3-4, m. 78.

Ambiente e incidencias: Unhas 30 persoas nas bancadas do “Irmás Patiño” que foron aumentado a medida que transcorría o partido polos membros dos equipos de cadetes do Porteño e do Baio que xogaban a continuación. Mañá soleada con baixa temperatura, 9º. Non houbo expulsados. O malpicán Alberto, retirouse mancado por un forte golpe na man esquerda (m 77).

Comentario: Primeira parte de verdadeiro “xogo bonito” cun recital de fútbol combinativo o desarroiado polos futbolistas cadetes de “Óscar Moscoso”, así, os goles foron caendo un tras outro ante os sorprendidos camariñáns que non daban crédito ao que estaban a ver no terreo de xogo.

Co 4-0; os cadetes da SCD Malpica, seguiron lucindo o seu bonito fútbol ata a metade da segunda parte, pero, adornando mais as xogadas de cara as bancadas ca de aumentar o marcador. Logo cos trocos os malpicáns baixaron o ritmo, cousa que aproveitaron os de Camariñas, para reducir distancias e, que a punto estiveron de igualar, todo elo nos últimos 10 minutos, ante un Malpica que xa pedía o tempo.

En resumo, unha vitoria mais que lle permite aos malpicáns achegarse aos postos do quinto ao oitavo.

AGORA E SEMPRE COA SCD MALPICA!

Partidos da SCD Malpica para a vindeira fin de semana:

2012-01-12T23:54:00.003+01:00

2ª Autonómica Grupo III “Liga da Costa” – Xornada 18ª (2ª volta) :

Campo: “Pedra Queimada” (Malpica)

Equipos: SCD MALPICA – CD NANTÓN

Data e hora: Domingo: 15-01-12, 16:00 horas

Árbitro: Sr.Goyeneche García.-(.-A Coruña).

Comeza a segunda volta da liga, coa visita ao campo malpicán do CD Nantón, equipo este, de moi malos recordos para o conxunto e seareiros da SCD Malpica, pois votounos fora nos cuartos de final da “copa da costa” na tempada pasada.

Na actualidade os de Nantón, figuran antepenúltimos na táboa, con 14 puntos, froito de 4 partidos gañados, dous empatados e 11 perdidos; conta con 16 goles a favor (cunha media de 0,94 goles por partido) e, 38 en contra.

A súa referencia na dianteira, son: Manolo Cruceiro, con 7 goles e Luis, con 6 que suman 13 goles entre os dous, os outros tres restantes, materializáronos, Sito, 2 e Iván, 1.E dicir, os 16 goles conseguidos, está a cargo só de catro futbolistas.

Así as cousas e, debido a boa xeira de resultados que esta atravesando a SCD Malpica, pola mente do equipo local, socios e seguidores, non pasa outra cousa que lograr a vitoria o vindeiro Domingo, aínda que todos son sabedores que no fútbol non hai inimigo pequeno e, para demostralo, hai que loitar no terreo de xogo.

O resultado da primeira volta e os goleadores foron:

CD NANTÓN 1 – 6 SCD MALPICA (Goles: 0-1: Pablo. 0-2: Cheo. 0-3: Pablo. 0-4: Neucha. 1-4: Luis. 1-5: Alfredo. 1-6: Alfredo).

2ªAutonómica Cadete Grupo III - Xornada 18ª (2ª volta) :

Campo: “Irmás Patiño” (Camariñas)

Equipos: CAMARIÑAS CF – SCD MALPICA

Data e hora: Sábado: 14-01-12.- 10:30 horas.

Árbitro: Sr.Adrián Varela García.-(.-A Coruña).

Sete meritorias xornadas levan os cadetes da SCD Malpica sen coñecer a derrota, os pupilos de Óscar Moscoso, están facendo unha excelente campaña acabando a primeira volta nun mais que honroso 9º posto con 23 puntos.

O vindeiro Sábado, tócalle desprazarse a Camariñas, un equipo que, aínda que nas categorías inferiores nos destaca nos postos da cabeza da táboa, sempre compite con moita honra logrando clasificarse sempre en postos medianeiros. Esta tempada os camariñáns van de 12º, con 16 puntos (7 menos ca SCD Malpica), gañaron 5 partidos, empataron 1 e perderon 10, levan marcado 39 goles e encaixado 42, fanse moi fortes sempre no seu campo, pois loitan ata a extenuación e, é moi difícil puntuar alí

Na primeira volta o marcador e os goleadores foron:

SCD MALPICA 2 – 1 CAMARIÑAS CF Goles: 1-0: Julián. 1-1. 2-1: Julián).

“MOSCOSO” para este partido ten dúas baixas por lesión, convocando aos seguintes de futbolistas:

Porteiros: Iván.-

Defensas: Cristian, Chema, Canario, Jorge, Arcay, Steven.

Medios: Julián, Garrido, David, Martín Zas, Adrián.

Dianteiros: Pitis, Almeida, Rafa, Alberto.

Baixas: Sergio, Mouri, (lesionados).-

IX edición da “Liga da Costa” de Fútbol Veterano – Xornada 16ª (2ª volta):

Campo: “Pedra Queimada” (Malpica)

Equipos: MALPICA - CORME

Data e Hora: Domingo: 15-01-12, 11:00 horas.

Árbitro : Sr.LUIS.-

EN XUVENIS GRUPO IV - XORNADA 20ª, A SCD MALPICA, DESCANSA.-

AGORA E SEMPRE COA SCD MALPICA!

Resultados e clasificacións Xuvenís e Cadetes, da última xornada:

2012-01-11T21:13:00.003+01:00

Goleadores "Liga da Costa" e, SCD Malpica:

2012-01-10T18:50:00.002+01:00

2ª Autonómica Grupo III - “Liga da Costa” -Xornada 17ª:

2012-01-08T21:45:00.002+01:00

Resultado: SCD MALPICA 3 – 0 MAZARICOS CF

SCD MALPICA: Suso; Charly, Víctor, Andrés, Marco, (David Álvarez, m 83), Rancaño, Neucha, Cheo, (Avelino, m 73), Daniel, (Dani, m 68), Tato, (Iago, m 59), Pablo.

MAZARICOS CF: Juan; Sergio, (Chico, m 46), Tuco, (Brais, m 32), Matías, Marcos, Oreiro, Ramón, (Macata, m 46), Pereiro, Aldo, (Ferreiro, m 54), Cristian, (Kevin, m 32), Stefano.

Árbitro: Sr. Lens Ares.-(2ª Aut.-A Coruña). Tivo unha boa actuación. Os visitantes, protestáronlle a consecución do primeiro gol malpicán, estimando falta previa de Tato autor do tanto. Ademais reclamaron un penalti na área local por suposta man de Marco.

Goleadores: 1-0, m 19: o debutante TATO, recibe o “coiro” na liña da área visitante, desfaise habilmente de dous contrarios e tira raso pegado ao poste dereito da portería ao que non chega o meta Juan. 2-0, m 49: saque de curruncho botado por Tato, rexeita en curto a defensa visitante o “coiro” chégalle aos pes de ANDRÉS, o cal dende a media lúa empalma un tiro raso que se cola no portal de Juan tapado por un maraña de futbolistas. 3-0, m 89: falta lanzada por Víctor dende a liña divisoria dos dous campos, o “coiro” chégalle a PABLO, no punto de penalti, fai un control perfecto do mesmo e, a media volta fusila ao meta visitante Juan.

Ambiente e Incidencias: Frouxa entrada nas bancadas, tan só uns 100 seareiros, nunha tarde soleada con 13º de temperatura. Debeu influír a festividade do Patrón San Xulián na localidade o que restou seareiros. O futbolista local Pablo, errou un penalti no m. 42, cometido sobre el mesmo. Non houbo expulsados. No m. 83, o local Marco tivo que retirarse mancado cun golpe no xeonllo da perna dereita.

Comentario: Retornaba a competición “costeira” despois do parón do Nadal, os seguidores malpicáns estaban temerosos de que o parón puidera cortar a boa xeira de resultados que á SCD Malpica viña colleitando.

O conxunto malpicán, presentábase coa novidade da incorporación no seu plantel do brasileiro TATO, un futbolista con gran experiencia polo seu paso en categorías superiores e, gustou a súa presentación.

Tamén se puido observar, que o seu adestrador David Baña, intenta trocar o sistema de xogo do equipo, pois saíu cunha defensa de tres, dous pivotes, tres medio centros lanzadores e dous dianteiros, o sistema, en principio funcionou, logo a medida que ían avanzando os minutos e, por circunstancias do marcador e do rival, houbo algunha variación.

Volvendo ao desarroio do partido, dicir que o mesmo, tivo fases boas con outras regulares, aínda que en liñas xerais, non foi brillante, gañouse con comodidade, pero o rival tampouco foi dos que inquietaron, mais ben se pode dicir que apenas creou perigo, froito delo, foi o primeiro tiro a porta que lanzou alto no m. 44 o central Marcos. As únicas ocasións de gol dos visitantes foron, unha falta botada por Kevin (m. 55) que o porteiro Suso cunha gran man desviou ao poste, sendo o mesmo Kevin, no m. 81, ao cal lle chega un balón rebotado que só ante Suso, dispara forte ao corpo do porteiro local, o posterior saque de curruncho é rematado por Matías de cabeza alto.

Os malpicáns, disfrutaron as seguintes e claras ocasións: M. 4 Pablo erra só ante Juan. Neucha, no m. 15 remata alto en moi boa posición. No m. 42 Pablo erra o penalti. No 45+1, é Cheo o que remata de Cabeza só as mans de Juan. Minuto 56, Pablo envía un gran pase a Tato, o cal a porta valeira tira ao traveseiro, despois de tocar no brazo de Juan. No posterior saque de curruncho, Neucha, remata lambendo o poste cando xa se cantaba o gol.

AGORA E SEMPRE COA SCD MALPICA!

1ª Autonómica Xuvenil-Grupo IV -(1ª Fase) -Xornada 19ª:

2012-01-08T01:03:00.001+01:00

Resultado: SCD MALPICA 3 – 0 PONTECESO SD

SCD MALPICA: Jesús; (Ángel, m 87), Javier, Jorge, Pereira, Pepis, Joro, (Miguel Ángel, m 70), Juny, Quintas, (Luísma, m 55), Martín Uruguaio, (Víctor Novo, m 63), Adra, (Martín Maradona, m 73), Eme.

PONTECESO SD: Xurxo; Lorenzo, (Yago, m 46), Collazo, Cotelo, Guille, Puente, (Eloy, m 67), Valle, Borja, Jorge, (Mendi, m 83), Recarey, Fabián, (Yousef, m 70).

Árbitro: Sr. Benito Martínez.-(3ª Aut..- A Coruña). Caseiro. Os visitantes protestaron con insistencia un derrubo de Pepis sobre Recarey dentro da área malpicán, m. 18, o colexiado mostroulle tarxeta amarela ao pontecesán alegando que se tirara.

Goleadores: 1-0, m 7: falta botada por Eme sobre Juny, este sen deixar caer o “coiro” centra ao 2º pao onde aparece JORGE, tirándose en prancha de cabeza batendo a Xurxo. 2-0, m 44: EME, en falta directa dende uns 48 metros sorprende a Xurxo que se atopaba algo adiantado da portería. 3-0, m 52: saque de banda de Jorge sobre Adra en posición de extremo esquerdo, vaise do seu marcador e chega ata liña de fondo enviando un pase atrás sobre M. URUGUAIO, o cal de remate suave e colocado bate a Xurxo.

Ambiente e incidencias: Espléndida entrada con mais de 100 seareiros. Tarde nubrada con lixeiro vento frío do nordés e 12º de temperatura. Non houbo mancados nin expulsados, ambos equipos mostraron unha gran deportividade.

Comentario: A falta de tres xornadas para o término da liga (para a SCD Malpica, dúas, pois descansa a vindeira xornada), os malpicáns xa teñen asegurado a súa participación matemática na segunda fase da competición, que da opción a disputar os dous primeiros postos, para logo competir pola liguiña de ascenso a “liga galega” .

A vitoria sobre o Ponteceso SD, non foi tan doada como di o resultado, pois os da vila do Pondal, sorprenderon ao equipo malpicán e, a tódolos seareiros das bancadas, cun fútbol de toque rápido, preciosista, con desmarque e apoios, que desarboraban por completo ao conxunto da SCD Malpica, aínda que iso si, con pouca profundidade en ataque. Parecía que xogaban con dúas marchas mais ca os malpicáns que se atopaban enormemente lentos, parecía que os “lideres” eran os visitantes. A culpa delo, posiblemente as festas do “Patrón” en honra de SAN XULIÁN, que se celebran na parroquia, cuxa verbena rematou as cinco da mañá.-

De tódolos xeitos, esta tempada, aínda medios durmidos, o equipo xuvenil da SCD Malpica, ten superiores recursos ca o resto dos equipos do Grupo IV, e, chegáronlle uns minutos puntuais no partido para decidir a contenda, incluso o triunfo puido ser mais amplo, pois M Uruguaio no m. 16, errou unha vaselina sobre Xurxo, cando se atopaba só ante el. Juny, nos minutos 38, falta que atalla Xurxo e no 44, o seu tiro saíu lambendo o poste esquerdo. Luísma, no 85, completamente só empalma ao corpo do porteiro pontecesán.

Os de Ponteceso, a pesar do seus “xogo bonito”, só inquietaron a Jesús, no m. 29 por medio de Jorge, que sen ángulo tirou a lateral da rede e, Borja, nun remate dende cerca a saída dun saque de curruncho que Jesús cunha felina estirada rexeitou con acerto.

AGORA E SEMPRE COA SCD MALPICA!

2ª Autonómica Cadete-Grupo III-Xornada 17ª:)

2012-01-07T13:04:00.000+01:00

Resultado: SCD MALPICA 6 – 2 SP. ZAS

SCD MALPICA: Rafa; (Steven, m. 41); Cristian, Steven, (Rafa, m. 41), Canario, (Arcay, m 60), Jorge, David, (Adrián, m 53), Pitís, Julián, Alberto, (Chema, m 55), Almeida, (M. Zas, m 58), Garrido, (Sergio, m 48).

Árbitro: Sr. Reborido Rodríguez .-(A Coruña).- Correcto.

Goleadores: 1-0, m 9: Almeida. 1-1, m 14: Andrés. 2-1, m 36: Pitís. 3-1, m 43: Rafa. 4-1, m 47: Rafa. 5-1, m 52: Julián. 6-1, m 56: Almeida. 6-2, m 77: Alejandro.

Ambiente e incidencias: Frouxa entrada na “Pedra Queimada”, apenas 20 seareiros, nunha mañá nubrada con 13º de temperatura. Non houbo mancados nin expulsados. Ambos equipos demostraron unha enorme deportividade.

Comentario: É unha mágoa que non acuda mais público a ver aos rapaces do equipo cadete da SCD Malpica, futuro viveiro dos equipos xuvenil e sénior que está a facer unha excelente tempada baixo a batuta de Óscar Moscoso.

O encontro de hoxe tivo dúas fases ben diferenciadas, na primeira parte, os malpicáns moi espesos, eran incapaces de salvar aos defensas do equipo zasense, moi contundentes nas marcaxes.

Na continuación, os malpicáns, atoparon moi pronto a forma de abrir a lata defensiva visitante e, tivo que ser RAFA, (na primeira parte na portería) quen, con dous goles decisivos nos primeiros minutos lograra levar ao equipo en volantas para acabar goleando.
AGORA E SEMPRE COA SCD MALPICA!

Partidos para esta fin de semana da SCD malpica:

2012-01-05T19:38:00.002+01:00

2ª Autonómica Grupo III “Liga da Costa” – Xornada 17ª:

Campo: “Pedra Queimada” (Malpica)

Equipos: SCD MALPICA – MAZARICOS CF

Data e hora: Domingo: 08-01-12, 16:00 horas

Árbitro: Sr. Lens Ares Daniel.-(.-A Coruña).

A SCD Malpica e o Mazaricos CF, non se vían as caras en competición oficial dende hai dez tempadas, ao non haber estado dende entón na mesma categoría, nin coincidir nos emparellamentos da “copa da costa”.

Agora os de Mazaricos e, tras os dez anos citados, renden visita ao campo malpicán nun partido que promete estar moi interesante e competido, pois mentres os visitantes loitarán a tope para escapar dos postos baixos da táboa, os malpicáns tratarán de manter a boa xeira de resultados que levan colleitado dende o partido fronte a Esteirana. (dous empates e tres vitorias consecutivas).

Para este encontro, o “mister” David Baña, xa poderá contar con Marcos Amado, recuperado da súa fractura dunha man, ademais, poderá aliñar se o estima oportuno, a recente e nova fichaxe do brasileiro “TATO”. Ë dúbida para o Domingo, Charro, intervido esta semana da moa do xuízo.

Pero ollo! que a empresa de dobregar ao Mazaricos CF, non é nada doada, xa que este equipo, que figura no posto 14º da táboa con 15 puntos, (10 menos ca SCD Malpica) basea todo seu potencial na portería e liña defensiva, pois só leva encaixados 23 goles en 16 xornadas, (os malpicáns levan 26). O seu máximo anotador é Kevin, con 5 goles.-

A SCD Malpica e o Mazaricos CF, ao longo da súa historia coincidiron: unha tempada na “copa da costa” e tres en liga, sendo as tempadas e os resultados acadados os que a continuación se detallan:

Copa da Costa (ida) - Tempada 91 / 92: SCD MALPICA 1 – 1 MAZARICOS CF (Goles: 1-0: Mourín. 1-1: Lema).-

Copa da Costa (volta) –Tempada 91 / 92: MAZARICOS CF 1 – 0 SCD MALPICA (Eliminado a SCD Malpica).

Liga da Costa – Tempada 94 / 95: MAZARICOS CF 5 – 0 SCD MALPICA

Liga da Costa – Tempada 94 / 95: SCD MALPICA 5 – 0 MAZARICOS CF (Goles: Segade, Tito 2, Lema, Damil).

Liga da Costa - Tempada 95 / 96: MAZARICOS CF 1 – 2 SCD MALPICA (Goles: Mino. Yoyo).

Liga da Costa - Tempada 95 / 96: SCD MALPICA 6 – 0 MAZARICOS CF (Goles: M. Casal, Mino 3, Mouzo, Lema)

3ª Autonómica – Tempada 99 /00: SCD MALPICA “B” 0 – 2 MAZARICOS CF

3ª Autonómica – Tempada 99 / 00: MAZARICOS CF 3 – 0 SCD MALPICA “B”

1ª Aut. Xuvenil Grupo IV (1ª Fase) - Xornada 19- 2ª volta:

Campo : “Pedra Queimada” (Malpica)

Equipos: SCD MALPICA - PONTECESO SD

Data e hora: Sábado: 07-01-12, 16:00 horas

Árbitro: Sr. Benito Martínez Raúl.-(.-A Coruña).

Despois do parón do Nadal de dúas semanas, os xuvenís da SCD Malpica retoman a competición coa finalidade de continuar mantendo a primeira posición do Grupo. A empresa non vai ser doada, xa que o Ponteceso SD, esta loitando para meterse na “pomada” que beneficia aos catro primeiros, co fin de poder xogar a 2ª fase da liga.

Os de Ponteceso, actualmente son 5º na táboa con 29 puntos a 1 punto de CD Baio, 4º clasificado; gañaron 9 partidos, empataron 2 e perderon 5, con 51 goles a favor e 33 en contra.

Estes números, fainos moi perigosos e virán a “Pedra Queimada” con ánimos de plantarlle cara ao “lider”, por elo, ben farán os malpicáns non confiarse e, saír a polo partido dende o primeiro minuto de xogo.

O resultado da primeira volta e os goleadores foron:

PONTECESO SD 1–4 SCD MALPICA (Goles: 0-1: M. Uruguaio. 1-1: Jorge (p). 1-2: Adra. 1-3: Juny. 1-4: Eme).-

“PIÑA”, adestrador malpicán convocou para este partido aos seguintes futbolistas:

Porteiros: Jesús, Ángel.

Defensas: Miguel Ángel, Javier, Pereira, Pepis, Jorge.

Medios: Adra, Joro, Luisma, Quintas, M. Maradona, Eme.

Dianteiros: Juny, M. Uruguaio, Víctor Novo.

Baixas: Camilo, (por viaxe). Diego, Kevin, Canario, Almeida, Carlos, Roque, (decisión técnica), Víctor Martínez, (vai co 1º equipo)

2ª Autonómica Cadete Grupo III - Xornada 17ª :

Campo: “Pedra Queimada” (Malpica)

Equipos: SCD MALPICA – SP. ZAS

Data e hora: Sábado: 07-01-12.- 10:30 horas.

Árbitro: Sr. Reborido Rodríguez Rubén.-(.-A Coruña).

Terán que madrugar os cadetes malpicáns o vindeiro Sábado, 10:30 horas, por coincidir o seu partido co dos xuvenís, para recibir ao SP. Zas, equipo este que, marcha clasificado no posto 13º da táboa con tan só 3 partidos gañados e 12 perdidos, acredita tan só 19 goles a favor e 95 en contra, é dicir, encaixa con facilidade.

Os rapaces cadetes da SCD Malpica, teñen a oportunidade de demostrar que o descanso do Nadal lles sentou excelentemente para render o que o seu adestrador “Moscoso” espera deles, que non é outra cousa que vencer ao conxunto zasense e escalar postos na clasificación.

Non houbo enfrontamentos entre estes equipos a tempada pasada, ao non participar o SP. Zas na categoría de cadetes.-

“MOSCOSO”, para este partido dispón de todo o seu cadro de futbolistas que son:

Porteiros: Rafa.-

Defensas: Cristian, Javi, Jorge, David, Canario, Martín Zas, Steven.

Medios: Julián, Garrido, Sergio, Arcay, Alberto.

Dianteiros: Pitis, Adrián, Almeida.

Baixas: Iván(por asuntos persoais). Mouriño (lesionado).-

AGORA E SEMPRE COA SCD MALPICA!

Actualidade da SCD Malpica:

2012-01-04T16:28:00.001+01:00

A SCD MALPICA, LANZA AS SÚAS REDES NO MERCADO DE FICHAXES INVERNAL, E FAISE COS SERVIZOS DO BRASILEIRO “TATO”.

“TATO” brasileiro de 30 anos de idade, ven ocupar (non substituír) a praza de NANDO, futbolista que causou baixa tralo cese do adestrador M. Agilda. A súa fichaxe é polo que resta de tempada.

Este brasileiro, xa leva afincado en España uns dez anos e, defendeu entre outros, aos equipos do Orillamar SD e Atl. Arteixo, algunhas tempadas en Preferente Autonómica. É por tanto, un futbolista experimentado, que lle vai aportar á SCD Malpica, moito equilibrio e calidade na liña de centrocampistas.

O futbolista, que xa leva adestrando unhas semanas co resto da plantilla as ordes de David Baña, estivo lesionado durante un tempo, polo que, é moi posible que lle falte ritmo de competición, pero a impresión causada ao “mister” nos adestramento é moi favorable, podendo xa ir convocado este Domingo fronte ao Mazaricos CF.

AGORA E SEMPRE COA SCD MALPICA!

Liga de Veteranos Tempada 2011/2012:

2012-01-02T22:28:00.002+01:00

PARTIDOS APLAZADOS QUE SE JUGARAN EL 8 ENERO 2012

ZAS - SAN ROMAN
CORCUBION - BERTOA
VIMIANZO - BERGANTIÑOS

Se solicita a los Delegados de estos equipos que en mútuo acuerdo manden
el horario para la celebracion de estos partidos atrasados de Liga, antes de las
20 horas del miercoles 4 Enero 2012, de no recibir contestacion se entiende
que los partidos se juegan a las 11 horas, designando los Arbitros para ese
horario.
El Comité

Cuadro de goleadores da SCD Malpica, actualizadas:

2011-12-23T23:44:00.007+01:00

Resultados e clasificacións Xuvenís e Cadetes:

2011-12-21T20:39:00.003+01:00

Cuadro de goleadores da "Liga da Costa", actualizada:

2011-12-21T00:26:00.006+01:00

2ª Autonómica Grupo III - “Liga da Costa” -Xornada 16ª:

2011-12-18T20:18:00.002+01:00

Resultado: SAN LORENZO 0 – 3 SCD MALPICA

SAN LORENZO: Sergio; Javi, (Ánxo, m 46), Adrián, Canteiro, Puñal, Jorge Pichel, Santi, (Bolón, m 46), Cachizo, (Miguel, m 66), (Eloy, m 71), Marcos Bartolo, Dani Fuentefría, Carliños.

SCD MALPICA: Suso; Charly, Casais, Avelino, (David Álvarez, m 49), Marco, (Gonzalo, m 75), Rancaño, Neucha, Cheo, Charro, (Juny, m 76), Martín Uruguaio, (Dani, m 65), Víctor.

Árbitro: Sr. Vázquez Passannante .-(2ª Aut..-A Coruña). Estivo ben en liñas xerais, quizais algo meticuloso na sinalización das faltas, pois sinalabas ao mais mínimo contacto. Expulsou ao local Marcos Bartolo, no m. 83, a raíz dunha liorta producida por unha entrada ao parecer fortuíta do malpicán Dani sobre o local Jorge Pichel, que ocasionou que este último futbolista, tivera que saír lesionado con fortes dores no ventre, incluso con vómitos, ían levalo por precaución ao hospital.

Goleadores: 0-1, m 4: saque de curruncho do xuvenil debutante M. Uruguaio e, impecable cabezazo de NEUCHA. 0-2, m 18: novo saque de curruncho de M. Uruguaio e, desta vez o rematador é CHARLY, tamén de cabeza. 0-3, m 21: falta lateral directa botada por CHEO, que salvando a barreira cólase na portería de Sergio, a pesar de que chegou a tocar o “coiro”.

Ambiente e Incidencias: 115 seareiros nas bancadas de “As Pedreiras”, nunha tarde fría e soleada, que comezou con 10º de temperatura e terminou con 6º. Tiveron que retirarse mancados, por parte local, o xa citado Jorge Pichel e Miguel (este só levaba 5 m. no campo), por parte da SCD Malpica, o capitán Marco e Avelino.

Comentario: Ambos conxuntos saltaron ao pesado e curto terreo de xogo de herba natural de Verdillo, con moitas baixas, ata o punto de que, a SCD Malpica, tivo que aliñar aos xuvenís: Martín Uruguaio e Juny, o cal non foi óbice para saír súper concentrado no partido e, decidido a resolver o mais pronto posible a contenda.

Así, cando non ían mais que 4 minutos, xa se adiantaba no marcador e, aos 21 m xa deixaba o resultado definitivo. Foi unha primeira parte trepidante, onde os locais eran incapaces de frear as acometidas dos futbolistas da SCD Malpica que xa no m. 1, M. Uruguaio, tiraba con moito perigo, no 16 era Avelino, quen desperdiciaba un clara ocasión rematando frouxo un centro de Cheo. No m. 32, un pase entre liñas de M. uruguaio sobre Neucha, este erraba no man a man con Sergio.

Pola súa banda os locais tiraban por primeira vez a porta no m. 24, cun frouxo tiro de Marcos Bartolo as mans de Suso e, no 35 terían a mellor ocasión a tiro de Santi alto.

A segunda parte, cambiou totalmente a decoración, os malpicáns dedicáronse a manter a vantaxe sen expoñer, pero tamén sen descoidar o contraataque, na que tanto nos que Charro (65), Juny, (77) e Cheo (89), puideron aumentar o marcador. Os locais, só o intentaban a balón parado colgando “coiros” sobre a área, tanto en faltas como en saques de banda ou saques de curruncho, pero tanto a defensa como porteiro malpicán, abortaron tódolos intentos.

Agora a descansar durante as festas do Nadal e, recuperar efectivos, para seguir escalando postos na segunda volta, aínda que antes, á SCD Malpica, terá que recibir na última xornada a celebrar o 08-01-12, ao Mazaricos CF.

BO NADAL A TODOS!

AGORA E SEMPRE COA SCD MALPICA!

Resultado da xornada dos xuvenís SCD Malpica:

2011-12-18T01:17:00.003+01:00

1ª Autonómica Xuvenil-Grupo IV -(1ª Fase) -Xornada 18ª:

Resultado: MUXÍA CF 0– 3 SCD MALPICA

MUXÍA CF: Cristian; Fran, (Santi, m 37), Antonio, Carlos, José, Julián, Ismael, Francisco, (Juanjo, m 71), Felipe, Brais, Quico, (Andrés, m 58).-

SCD MALPICA: Jesús; Miguel Ángel, (Martín Maradona, m 69), Jorge, Pereira, Pepis, Luísma, Juny, Quintas, Martín Uruguaio, Adra, (Javier, m 59), Camilo, (Víctor Novo, m 54).

Árbitro: Sr. García Martínez.- (Fútbol base.- A Coruña). Correcto.-

Goleadores: 0-1, m 26: Camilo, envía un pase entre liñas sobre M. Uruguaio, un defensa local, crúzase na traxectoria do “coiro” e desvíao ata a posición de JUNY, o cal a porta valeira marca. 0-2, m 48: xogada de tira liñas que comeza M. Ángel dende a defensa enviando sobre Adra, este internase pola banda dereita enviando un centro a M. Uruguaio, o cal cede ao primeiro toque suavemente sobre CAMILO, que, de tiro a media altura bate a Cristian. 0-3, m 90: xogada pola banda dereita de M. Maradona, o cal dende a liña de fondo centra sobre Quintas, este controla enviando entre liñas a VICTOR NOVO, no punto de penalti, o cal cun remate suave pegado ao poste dereito bate a Cristian.

Ambiente e incidencias: Pouco público na “Arliña”, escasamente 35 persoas, nunha tarde fría, ameazando chuvia, con 10º de temperatura. Non houbo mancados, debido a deportividade de ambos conxuntos. Foi expulsado con vermella directa, o local Brais, por unha entrada por detrás sobre M. Uruguaio, xusto ao borde da área, cando o malpicán encaraba só a portería de Cristian.

Comentario: A SCD Malpica, salvou o compromiso da súa visita a Muxía, sen grandes alardes goleadoras, tan só fixo o imprescindible para gañar ante un equipo local que nunca inquietou ao porteiro Jesús, loitou iso si, cunha enorme deportividade, pero sempre xogou ao ritmo que os malpicáns lle impuxeron.

O encontro é dos chamados “partido trampa”, por que, normalmente o equipo “lider” cando se enfronta ao penúltimo da táboa con tanta diferencia de puntos entre os dous, sae cun exceso de confianza, si a iso engadimos de que o terreo de xogo moi húmido e pesado que dificulta o xogo do conxunto mais técnico, chégase a conclusión de que o equipo superior acaba sufrindo ou marcando poucos goles, como así foi.

Tivo o equipo malpicán, ata oito ocasións moi claras de marcar: M. 2 Camilo ao poste. M. 7, Camilo de cabeza, para Cristian. M. 15: M. Uruguaio, só ante o porteiro, alto. M. 23 Juny, só, a lateral da rede. M. 53: Camilo, dunha sensacional “rabona”, para Crisitian. M. 64: Víctor Novo, completamente só, alto. M. 73: M. Uruguaio, tiro a cruceta. M. 79: Juny, para Cristian, etc...

Vindeiro partido, na “Pedra Queimada” fronte ao Ponteceso SD, 08-01-12. (Suspéndese a liga polo Nadal).

ATENCIÓN!!! PARA OS QUE QUEIRAN VER UN ÁLBUN DE FOTOS DESTE PARTIDO, PODEN ENTRAR NA PÁXINA WEB DE "PIRATAS DE MUXÍA. .ES

IX edición da “Liga da Costa” de Fútbol Veterano – Xornada 15ª:

Resultado: MALPICA 0 – 1 CORISTANCO

Árbitro: Sr. Rama.- Estivo correcto na súa actuación.-

Goleadores: 0-1, m. 34: Carlitos.-

Comentario: Nada puideron facer os “carozas” malpicáns, ante un Coristanco con futbolistas moito mais mozos en idade, sobre todo o seu dianteiro Carlitos, o cal na tempada pasada estaba xogando na “liga da costa”. Só nos 10 últimos minutos, a raíz de ter que retirarse lesionado o visitante Carlitos, os malpicáns se aproximaron a portería do equipo coristanqués, pero os disparos dos dianteiros locais, foron sempre abortados polo meta visitante.-

2ª Autonómica Cadete xornada 16ª-(17-12-11-SCD Malpica, Descansa.-

AGORA E SEMPRE COA SCD MALPICA!

Partidos da SCD Malpica para a vindeira fin de semana:

2011-12-16T00:26:00.004+01:00

2ª Autonómica Grupo III “Liga da Costa” – Xornada 16ª:

Campo: “As Pedreiras” (Verdillo)

Equipos: SAN LORENZO – SCD MALPICA

Data e hora: Domingo: 18-12-11, 16:00 horas

Árbitro: Sr.Vázquez Passannante.-(.-A Coruña).

A SCD Malpica, renderá visita o vindeiro Domingo a Verdillo a enfrontarse ao San Lorenzo, conxunto daquela localidade que conta cunha paisaxe natural exquisita.

A SD San Lorenzo, non se atopa nun momento moi brillante na actual tempada, pois esta inmerso no penúltimo posto da táboa con tan só 13 puntos, consecuencia de: 3 partidos gañados, 4 empatados e 8 perdidos; acada 19 goles a favor e leva encaixado 35; o seus goleadores principais son: Cachizo e Carlos, ambos con catro tantos.

A pesar destes frouxos números, o equipo verdillés, fai sempre do seu campo unha “fortaleza”, debido as súas curtas dimensións e ao estado do terreo de xogo de “herba natural” que, como chova, faise impracticable, cousa que os futbolistas locais se atopan nel como gato panza arriba.

A pesar destas virtudes favorables ao bando local, os futbolistas da SCD Malpica, van coa ilusión e esperanza de continuar coa racha positiva que están levando a cabo dende a incorporación do novo adestrador, David Baña, o cal lles inculcou unha maior intensidade, que ademais esta a dar os froitos, como son os 7 puntos de nove conseguidos nas últimas tres xornadas. Así as cousas, espérase un partido moi competido con resultado incerto.

Resultados e goleadores dos enfrontamentos entre ambos na tempada pasada:

SCD MALPICA 2 – 0 SD SAN LORENZO (Goles: 1-0: David Blanco. 2-0: David Blanco.-

SD SAN LORENZO 3 – 2 SCD MALPICA (Goles: 1-0: Jorge Pichel. 2-0: Jorge Pichel. 3-0: Jorge Pichel. 3-1 e 3-2 D. Blanco).

1ª Aut. Xuvenil Grupo IV (1ª Fase) - Xornada 18- 2ª volta:

Campo : “Arliña” (Muxía)

Equipos: MUXÍA CF - SCD MALPICA

Data e hora: Sábado: 17-12-11, 16:00 horas

Árbitro: Sr.García Martínez-(.-A Coruña).

Os xuvenís da SCD Malpica, visitan o Sábado próximo o bonito e mariñeiro pobo de Muxía, onde alí atoparán a un Muxía CF, fundido no penúltimo posto da clasificación, con tan só 5 puntos, resultado de: 1 partido gañado, 2 empatados e 12 perdidos; marcou 15 goles e encaixou, 82.

Non deben confiarse os rapaces xuvenís malpicáns, polos anteriores números tampouco positivos do equipo muxián, posto que hoxe en día no deporte e, particularmente no fútbol, calquera inimigo por ben débil que pareza pode causar un desgusto.

Por elo, o adestrador do conxunto malpicán “PIÑA”, esta a traballar cos rapaces para que non caian nun exceso de confianza no que pode perigar a vitoria e, con elo, deixar aproximar os rivais a cabeza da táboa que agora mesmo ostentan.

O resultado da primeira volta, e os goleadores foron:

SCD MALPICA 10 – 0 MUXÍA CF (Goles: 1-0: m. Maradona. 2-0: Adra. 3-0: Adra. 4-0: Adra. 5-0: Camilo. 6-0: M. Maradona. 7-0: Juny: 8-0: Juny. 9-0: M. Maradona. 10-0: Camilo.

“PIÑA”, adestrador malpicán convocou para este partido aos seguintes futbolistas:

Porteiros: Jesús,

Defensas: Javier, Pereira, Pepis, Jorge, Miguel Ángel, Kevin.

Medios: Adra, Joro, Luisma, Quintas, M. Maradona, Víctor Novo.

Dianteiros: Juny, M. Uruguaio, Camilo.

Baixas: Eme, (por sanción). Diego, Ángel, (por lesión), Canario, Almeida, Carlos, Roque, (decisión técnica), Víctor Martínez, (vai co 1º equipo)

2ª Autonómica Cadete Grupo III - Xornada 16ª :

(A SCD MALPICA DESCANSA NESTA XORNADA)

IX edición da “Liga da Costa” de Fútbol Veterano – Xornada 15ª :

Campo: “Pedra Queimada” (Malpica)

Equipos: MALPICA - CORISTANCO

Data e Hora: Domingo: 18-12-11, 11:00 horas.

Árbitro : Sr.Rama.-

AGORA E SEMPRE COA SCD MALPICA

Resultados e clasificacións: Xuvenís e Cadetes:

2011-12-14T15:44:00.004+01:00

Goleadores "ligacosta" xornada 15ª:

2011-12-13T18:35:00.002+01:00