IV edición
da 1ª Autonómica, Grupo II – (2ª volta) – 33ª Xornada:
Resultado: SD SOFÁN 3 – 2 SCD MALPICA
SD SOFÁN: David; Sito, (Álex
Varela, 47), Adrián, Félix, Rubén, Pablo Martínez, (Franchu, 31), Brais, Seo,
Raúl Díaz,© (Suco, 81), Iván Rei, Javi Doldán, (Álex Pri, 89).
SCD MALPICA: Víctor; Alejandro
Marquez, (Casais, 63), Alberto Marquez, Lolo, (Roi Carril, 50), O. Moscoso; Eloi
Vilas, © Petís, Migueliño, Cololo, (Ángel, 84), Jaco, M. Mara,
(Dímaga, 78).
Árbitro: Sr. Antonio Fuentes Seoane.-(1ª Aut.-A Coruña). Salvou
con nota alta un partido disputado con moita intensidade.
Asistentes: Sres. Cedeira Méndez e Vázquez Lema.-(2ª Aut.-A Coruña). Ambos estiveron
ben.
Goleadores: 0-1, m. 31: saque de porta defectuoso de David, o “coiro” córtao na liña de medios Cololo, o cal ao ver ao porteiro desprazado da
portería sorprende cun tiro raso a ras
do poste dereito. 1-1, m. 35: saque de falta dende a liña de ¾ escorada a
banda esquerda botada por Iván Rei, o porteiro malpicán Víctor, intenta blocar,
pero Alejandro Marquez, crúzase na
traxectoria e clava o “coiro” en propia porta. 2-1, m. 49: nova falta directa, dende practicamente a mesma posición
ca anterior, pero esta vez cara outra portería, Iván Rei, bombea moi pechado,
toca coa cabeza un dianteiro local, rexeita de primeiro Víctor, e, o central Félix incorporado ao ataque remata co peito a
rede, despois dunha pequena liorta. 3-1,
m. 59: pase longo por banda dereita sobre Javi Doldán, este chega a liña de
fondo e centra sobre Raúl Díaz, o cal ente
dous contrarios, revólvese moi ben e envía cruzado sobre a saída de Víctor. 3-2, 63: unha excelente combinación dos
malpicáns, acaba cun pase ente liñas de Migueliño sobre Petís o cal cando se
dispuña a tirar dende o punto de penalti, impídello a rápida saída de David, o “coiro”
sae rexeitado ata Jaco, que entraba pola
dereita, e, cun disparo cruzado bate ao porteiro local.
Ambiente e incidencias: Moi preto de 200 seareiros en “O Carral” nunha tarde soleada con 18º de temperatura.
Tiveron que saír mancados, por parte local, Pablo Martínez (m.31) e polos
visitantes Cololo, (m.84). Expulsado o malpicán O. Moscoso, (m. 48) con dobre
amarela. Como anécdota, indicar que, debido a lesión de Cololo e con todos os trocos xa realizados, tivo que saír o porteiro Ángel substituir a Cololo, o cal ocupou a portería pasando Víctor a dianteiro centro.
Xogadas de perigo da SD
Sofán: M. 3: man a
man de Brais ante Víctor, salvando este cos pes en gran intervención. M. 17: escapada de Raúl Díaz, con entrada
na área, o corte de Alejandro Marquez con moita intensidade é reclamado polos
locais con penalti que árbitro non concede. M. 20: perigoso tiro de Javi Doldán, que saca Alejandro Marquez
baixo paus con Víctor desprazado. M.
90+2: tiro cruzado de Álex Pri, que rexeita Ángel en corto, salvando Eloi
Vilas baixo paus un remate dun dianteiro.
Xogadas de perigo da SCD
Malpica: M. 12: falta directa lanzada por Cololo
dende o vértice da área, salvando a barreira, David, realiza un gran parada. M. 89: falta directa a cargo de Jaco ao
borde da área, parada de David.
Comentario: Pouco fútbol nun
campo de escasa dimensións que non se presta moito para practicalo, pero por
outra banda foi un partido disputado con moita intensidade entre dous equipos
que non regatearon esforzos para alzarse coa vitoria, os locais para manter o
fabuloso 2º posto na táboa, que, coa vitoria de hoxe e, cos resultados que se
deron na xornada, téñeno virtualmente gañado; os malpicáns a pesar de estar
descendidos, para demostrar a recuperación que veñen realizando nas últimas
xornadas.
Como queda dito anteriormente, PARABENS! para á SD Sofán, pois empata no
golaveraxe particular co Flavia, pero supérao en 6 goles no xeral.
XIII Edición
da “Liga da Costa” de Fútbol Veterano–(2ª Volta)- 30ª Xornada:
Resultado: MALPICA 0 – 2 UD CERQUEDA
Aliñación do Malpica: Juan; Chucho, Alfredo, Alb. Coruña Alb. Carballo;
Abel, Alb. Barizo, Mútiu, Luís Naya; J.L. Arcay, Carlos Pose. Tamén xogaron: Luazas,
Wasi, Bugallo.
Árbitro: Sr. Juan Alberto
Bravo.- Estivo aceptable.
Goleadores: 0-1, m. 5: tras un ataque dos malpicáns, prodúcese
un rexeite defensivo moi longo, que lle vai caer a posición dun desmarcado Lista, este gáñalle á acción aos defensores locais e plántase
ante Juan ao que bate na súa saída. 0-2,
m. 73: saque de curruncho visitante ao que Luazas non chega no seu intento
de rexeite, Jorge, de impecable testarazo bate de novo a
Juan.
Incidencias: Maña soleada con lixeiro vento do N.E. A falta dun minuto para o termino do
partido, mancouse de consideración no xeonllo da perna dereita o bravo defensa
do Malpica, Alfredo, nun choque cun futbolista da UD Cerqueda, o cal ante o
temor da súa gravidade, foi requirida unha ambulancia que o trasladou ao
Hospital Cirúrxico San Rafael. Á hora de publicar esta crónica, descoñécese o
alcance da lesión.
Comentario: Última xornada de
liga da tempada 2015/16; os veteranos malpicáns non foron quen de acabala cunha
vitoria no “derby” local fronte á UD
Cerqueda que lle daría opción a
subir un posto na táboa. Non puido ser tras non aproveitar tres oportunidades
moi claras de gol que tiveron: J. L. Arcay (2) e Carlos Pose, nos man a man
ante o porteiro visitante Chiño, que salvou ambas con grandes intervencións. Pola
súa banda os do Cerqueda, souberon moi ben aproveitar as dúas ocasións que
tiveron.
Ao final mediocre 8º posto
dos malpicáns, (melloraron un posto en relación da tempada anterior) nunha tempada que se pode valorar de
irregular. Agora a disputar a “XIII copa da costa” e intentar superar os “oitavos
de final” da pasada tempada. O primeiro rival será o Castriz, días 8 e 15 de
Maio.
AGORA E SEMPRE COA SCD MALPICA!
